Verse 1: അവിവേകിയുടെ പ്രതീക്‌ഷകള്‍വ്യര്‍ഥവും നിരര്‍ഥകവുമാണ്‌; സ്വപ്‌നങ്ങള്‍ ഭോഷന്‍മാര്‍ക്കുചിറകു നല്‍കുന്നു.
Verse 2: സ്വപ്‌നങ്ങളെ ആശ്രയിക്കുന്നവന്‍ നിഴലിനെ പിടിക്കുന്നവനെപ്പോലെയും കാറ്റിനെ അനുധാവനം ചെയ്യുന്നവനെപ്പോലെയുമാണ്‌.
Verse 3: സ്വപ്‌നത്തിലെ ദര്‍ശനംയഥാര്‍ഥമുഖത്തിന്‍െറ പ്രതിച്‌ഛായമാത്രമാണ്‌.
Verse 4: അശുദ്‌ധിയില്‍നിന്നു ശുദ്‌ധിയുണ്ടാകുമോ? അസത്യത്തില്‍നിന്നു സത്യവും?
Verse 5: ഗര്‍ഭിണിയുടെ ഭാവനപോലെ ശകുനം,നിമിത്തം, സ്വപ്‌നം ഇവയെല്ലാം മിഥ്യയാണ്‌.
Verse 6: അത്യുന്നതനില്‍നിന്നുള്ള ദര്‍ശനമല്ലെങ്കില്‍ അതിനെ അവഗണിക്കുക.
Verse 7: സ്വപ്‌നങ്ങള്‍ അനേകരെ വഞ്ചിച്ചിട്ടുണ്ട്‌; അവയില്‍ ആശ്രയിച്ചവര്‍ പരാജയപ്പെട്ടിട്ടുണ്ട്‌.
Verse 8: അത്തരം വഞ്ചനകള്‍ കൂടാതെനിയമം നിറവേറ്റാം; സത്യസന്‌ധമായ ചുണ്ടുകളില്‍ വിജ്‌ഞാനത്തിനു പൂര്‍ണത ലഭിക്കുന്നു.
Verse 9: വിദ്യാസമ്പന്നന്‍ വളരെ കാര്യങ്ങള്‍ അറിയുന്നു; അനുഭവസമ്പന്നന്‍ വിവേകത്തോടെസംസാരിക്കുന്നു.
Verse 10: അനുഭവജ്‌ഞാനമില്ലാത്തവന്‌ അറിവു കുറയും;
Verse 11: യാത്ര ചെയ്‌തിട്ടുള്ളവന്‍ കഴിവുറ്റവനാകുന്നു;
Verse 12: യാത്രയില്‍ ഞാന്‍ വളരെക്കാര്യങ്ങള്‍കണ്ടിട്ടുണ്ട്‌; പ്രകടിപ്പിക്കാന്‍ കഴിയുന്നതിനെക്കാള്‍കൂടുതല്‍ ഞാന്‍ ഗ്രഹിക്കുന്നു.
Verse 13: ഞാന്‍ പലപ്പോഴും മാരകമായഅപകടങ്ങളില്‍ പെട്ടിട്ടുണ്ട്‌; എന്നാല്‍, അനുഭവജ്‌ഞാനം എന്നെ രക്‌ഷിച്ചു.
Verse 14: ദൈവഭക്‌തന്‍െറ ജീവന്‍ നിലനില്‍ക്കും;
Verse 15: അവന്‍െറ പ്രത്യാശ അവന്‍െറ രക്‌ഷകനിലാണ്‌.
Verse 16: കര്‍ത്താവിനെ ഭയപ്പെടുന്നവന്‍ അധീരനാവുകയോ ഭീരുത്വം പ്രകടിപ്പിക്കുകയോ ഇല്ല; അവിടുന്നാണ്‌ അവന്‍െറ പ്രത്യാശ.
Verse 17: ദൈവഭക്‌തന്‍െറ ആത്‌മാവ്‌അനുഗൃഹീതമാണ്‌;
Verse 18: തന്‍െറ ആശ്രയം അവന്‍ അറിയുന്നു.
Verse 19: തന്നെ സ്‌നേഹിക്കുന്നവരെ കര്‍ത്താവ്‌ കടാക്‌ഷിക്കുന്നു; അവിടുന്ന്‌ ശക്‌തമായ സംരക്‌ഷണവുംഉറപ്പുള്ള താങ്ങും, ചുടുകാറ്റില്‍ അഭയ കേന്‌ദ്രവും, പൊരിവെയിലില്‍ തണലും, ഇടറാതിരിക്കാന്‍ സംരക്‌ഷണവും,വീഴാതിരിക്കാന്‍ ഉറപ്പും ആണ്‌.
Verse 20: അവിടുന്ന്‌ ആത്‌മാവിനെ ഉത്തേജിപ്പിച്ച്‌കണ്ണുകളെ പ്രകാശിപ്പിക്കുന്നു; അവിടുന്ന്‌ സൗഖ്യവും ജീവനും അനുഗ്രഹവും പ്രദാനം ചെയ്യുന്നു
Verse 21: അന്യായസമ്പത്തില്‍നിന്നുള്ളബലി പങ്കിലമാണ്‌;
Verse 22: നിയമനിഷേധകന്‍െറ കാഴ്‌ചകള്‍സ്വീകാര്യമല്ല.
Verse 23: ദൈവഭക്‌തിയില്ലാത്തവന്‍െറ ബലികളില്‍ അത്യുന്നതന്‍ പ്രസാദിക്കുന്നില്ല; അവന്‍ എത്ര ബലി അര്‍പ്പിച്ചാലും അവിടുന്ന്‌ പ്രസാദിക്കുകയോ പാപമോചനം നല്‍കുകയോ ഇല്ല.
Verse 24: ദരിദ്രന്‍െറ സമ്പത്തു തട്ടിയെടുത്ത്‌ബലിയര്‍പ്പിക്കുന്നവന്‍ പിതാവിന്‍െറ മുമ്പില്‍വച്ചു പുത്രനെകൊല്ലുന്നവനെപ്പോലെയാണ്‌.
Verse 25: ദരിദ്രന്‍െറ ജീവന്‍ അവന്‍െറ ആഹാരമാണ്‌; അത്‌ അപഹരിക്കുന്നവന്‍ കൊലപാതകിയാണ്‌.
Verse 26: അയല്‍ക്കാരന്‍െറ ഉപജീവനമാര്‍ഗംതടയുന്നവന്‍ അവനെ കൊല്ലുകയാണ്‌;
Verse 27: വേലക്കാരന്‍െറ കൂലി കൊടുക്കാതിരിക്കുകരക്‌തച്ചൊരിച്ചിലാണ്‌.
Verse 28: ഒരുവന്‍ പണിയുന്നു; അപരന്‍ നശിപ്പിക്കുന്നു; അധ്വാനമല്ലാതെ അവര്‍ക്കെന്തു ലാഭം?
Verse 29: ഒരുവന്‍ പ്രാര്‍ഥിക്കുന്നു; അപരന്‍ ശപിക്കുന്നു; ആരുടെ ശബ്‌ദമാണ്‌ കര്‍ത്താവ്‌ ശ്രദ്‌ധിക്കുക?
Verse 30: മൃതശരീരത്തില്‍ തൊട്ടിട്ടു കൈ കഴുകിയവന്‍ വീണ്ടും അതിനെ സ്‌പര്‍ശിച്ചാല്‍കഴുകല്‍കൊണ്ട്‌ എന്തു പ്രയോജനം?
Verse 31: പാപങ്ങളെപ്രതി ഉപവസിച്ചിട്ട്‌, വീണ്ടുംഅതു ചെയ്‌താല്‍ അവന്‍െറ പ്രാര്‍ഥന ആരു ശ്രവിക്കും? എളിമപ്പെടല്‍കൊണ്ട്‌അവന്‍ എന്തു നേടി?