Verse 1: നോഹയുടെ പുത്രന്‍മാരായ ഷേമിനും ഹാമിനുംയാഫെത്തിനും ജലപ്രളയാനന്തരമുണ്ടായ പുത്രന്‍മാരുടെ പേരുവിവരം.
Verse 2: യാഫെത്തിന്‍െറ പുത്രന്‍മാര്‍: ഗോമര്‍, മാഗോഗ്‌, മാദായ്‌, യാവാന്‍, തൂബാല്‍, മെഷെക്‌, തീരാസ്‌.
Verse 3: ഗോമറിന്‍െറ പുത്രന്‍മാര്‍: അഷ്‌ക്കെനാസ്‌, റീഫത്ത്‌, തോഗര്‍മ്മ.
Verse 4: യാവാന്‍െറ പുത്രന്‍മാര്‍: എലീഷാ, താര്‍ഷീഷ്‌, കിത്തിം, ദോദാനീം.
Verse 5: ഇവരുടെ സന്തതികളാണ്‌ കടലോരത്തും ദ്വീപുകളിലുമുള്ള ജനങ്ങള്‍. അവര്‍ താന്താങ്ങളുടെ ദേശങ്ങളില്‍ വെവ്വേറെ ഭാഷകള്‍ സംസാരിച്ച്‌, വെവ്വേറെഗോത്രങ്ങളും ജനതകളുമായി പാര്‍ത്തുവരുന്നു.
Verse 6: ഹാമിന്‍െറ പുത്രന്‍മാര്‍: കുഷ്‌, മീസ്രായിം, ഫുത്ത്‌, കാനാന്‍ എന്നിവര്‍.
Verse 7: കുഷിന്‍െറ പുത്രന്‍മാര്‍: സേബാ, ഹവിലാ, സബ്‌ത്താ, റാമാ, സബ്‌ത്തേക്കാ. റാമായുടെ മക്കളാണ്ടഷബായും, ദദാനും.
Verse 8: കുഷിന്‌ നിമ്‌രോദ്‌ എന്നൊരു പുത്രന്‍ ജനിച്ചു. അവനാണ്‌ ഭൂമിയിലെ ആദ്യത്തെ വീരപുരുഷന്‍.
Verse 9: അവന്‍ കര്‍ത്താവിന്‍െറ മുമ്പില്‍ ഒരു നായാട്ടുവീര നായിരുന്നു. അതുകൊണ്ട്‌, കര്‍ത്താവിന്‍െറ മുമ്പില്‍ നിമ്‌രോദിനെപ്പോലെ ഒരു നായാട്ടുവീരന്‍ എന്ന ചൊല്ലുണ്ടായി.
Verse 10: ആരംഭത്തില്‍ അവന്‍െറ രാജ്യം ഷീനാര്‍ ദേശത്തെ ബാബേലും ഏറെക്കും അക്കാദുമടങ്ങിയതായിരുന്നു.
Verse 11: അവിടെനിന്ന്‌ അവന്‍ അഷൂറിലേക്ക്‌ കടന്ന്‌ നിനെവേ, റേഹോബോത്ത്‌ പട്ടണം, കാലാ എന്നിവ പണിതു.
Verse 12: നിനെവേക്കും കാലായ്‌ക്കും മധ്യേ റേസന്‍ എന്ന വലിയ നഗരവും അവന്‍ നിര്‍മിച്ചു.
Verse 13: മിസ്രായിമിന്‍െറ മക്കളാണ്‌ ലൂദിം, അനാമിം, ലഹാബിം, നഫ്‌ത്തുഹിം,
Verse 14: പത്രുസിം, കസ്‌ലുഹിം, കഫ്‌ത്തോറിം എന്നിവര്‍. കസ്‌ലുഹിമില്‍നിന്നാണ്‌ ഫിലിസ്‌ത്യരുടെ ഉദ്‌ഭവം.
Verse 15: കാനാനു കടിഞ്ഞൂല്‍പുത്രനായി സീദോനും തുടര്‍ന്നു ഹേത്തും ജനിച്ചു.
Verse 16: ജബൂസ്യര്‍, അമോര്യര്‍, ഗിര്‍ഗാഷ്യര്‍,
Verse 17: ഹിവ്യര്‍, അര്‍ക്കീയര്‍, സീന്യര്‍,
Verse 18: അര്‍വാദീയര്‍, സെമറീയര്‍, ഹമാത്ത്യര്‍ എന്നീ വംശങ്ങളുടെ പൂര്‍വികനായിരുന്നു കാനാന്‍. പില്‍ക്കാലത്ത്‌ കാനാന്‍ കുടുംബങ്ങള്‍ പലയിടത്തേക്കും വ്യാപിച്ചു.
Verse 19: കാനാന്‍ വംശജരുടെ നാട്‌ സീദോനില്‍ തുടങ്ങി ഗെരാറിന്‌ നേര്‍ക്ക്‌ ഗാസ വരെയുംസോദോമിനും ഗൊമോറായ്‌ക്കും അദ്‌മായ്‌ക്കും സെബോയിമിനും നേര്‍ക്ക്‌ ലാഷാ വരെയും നീണ്ടുകിടന്നു.
Verse 20: ഇതാണ്‌ ഭാഷയും ദേശവും കുലവുമനുസരിച്ചു ഹാമിന്‍െറ സന്തതിപരമ്പര.
Verse 21: യാഫെത്തിന്‍െറ മൂത്ത സഹോദരനായ ഷേമിനും മക്കളുണ്ടായി. അവന്‍ ഏബറിന്‍െറ മക്കള്‍ക്കു പൂര്‍വപിതാവാണ്‌.
Verse 22: ഷേമിന്‍െറ പുത്രന്‍മാര്‍ ഏലാം, അഷൂര്‍, അര്‍പ്പക്‌ഷാദ്‌, ലൂദ്‌, ആരാം എന്നിവരും
Verse 23: ആരാമിന്‍െറ പുത്രന്‍മാര്‍ ഊസ്‌, ഹൂല്‍, ഗേതെര്‍, മാഷ്‌ എന്നിവരുമായിരുന്നു.
Verse 24: അര്‍പ്പക്‌ഷാദിന്‌ ഷേലാഹും, ഷേലാഹിന്‌ ഏബറും ജനിച്ചു.
Verse 25: ഏബറിന്‌ രണ്ടു പുത്രന്‍മാരുണ്ടായി. ഒരുവന്‍െറ പേര്‌പേലെഗ്‌. കാരണം, അവന്‍െറ കാലത്താണ്‌ അവര്‍ ഭൂമി വീതിച്ചത്‌. അവന്‍െറ സഹോദരന്‍െറ പേര്‍ യോക്‌താന്‍.
Verse 26: യോക്‌താന്‍െറ പുത്രന്‍മാരായിരുന്നു അല്‍മോദാദ്‌, ഷേലെഫ്‌, ഹസര്‍മവെത്ത്‌, യാറഹ്‌,
Verse 27: ഹദോറാം, ഊസാല്‍, ദിക്‌ലാ,
Verse 28: ഓബാല്‍, അബിമായേല്‍, ഷെബാ,
Verse 29: ഓഫീര്‍, ഹവില, യോബാബ്‌ എന്നിവര്‍.
Verse 30: അവര്‍ പാര്‍ത്തിരുന്ന നാട്‌സേഫാറിലെ മേഷാ മുതല്‍ കിഴക്കുള്ള മലമ്പ്രദേശം വരെ നീണ്ടുകിടന്നു.
Verse 31: ഇതാണ്‌, ദേശവും ഭാഷയും കുലവുമനുസരിച്ച്‌ ഷേമിന്‍െറ സന്തതിപരമ്പര.
Verse 32: ദേശവും തലമുറയുമനുസരിച്ച്‌ നോഹയുടെ മക്കളുടെ കുടുംബ ചരിത്രമാണ്‌ ഇത്‌. ഇവരില്‍നിന്നാണ്‌ ജലപ്രളയത്തിനുശേഷം ജനതകള്‍ ഭൂമിയിലാകെ വ്യാപിച്ചത്‌.