Verse 1: ഷീനാര്‍ രാജാവായ അംറാഫേല്‍, എല്ലാസര്‍ രാജാവായ അരിയോക്ക്‌, ഏലാം രാജാവായ കെദോര്‍ലാവോമര്‍, ഗോയീം രാജാവായ തിദാല്‍ എന്നിവര്‍,
Verse 2: തങ്ങളുടെ ഭരണകാലത്ത്‌ സോദോം രാജാവായ ബേറാ, ഗൊമോ റാരാജാവായ ബീര്‍ഷ, അദ്‌മാരാജാവായ ഷീനാബ്‌, സെബോയീം രാജാവായ ഷെമെബര്‍, ബേല, അതായത്‌ സോവാര്‍ രാജാവ്‌ എന്നിവരോടുയുദ്‌ധംചെയ്‌തു.
Verse 3: ഇവര്‍ സിദ്‌ദിം താഴ്‌വരയില്‍ അണിനിരന്നു. അതിപ്പോള്‍ ഉപ്പുകടലാണ്‌.
Verse 4: ഇവര്‍ പന്ത്രണ്ടുവര്‍ഷം കെദോര്‍ലാവോമറിനു കീഴടങ്ങിക്കഴിയുകയായിരുന്നു. എന്നാല്‍, പതിമ്മൂന്നാം വര്‍ഷം അവര്‍ അവനെതിരേ പ്രക്‌ഷോഭം കൂട്ടി.
Verse 5: പതിന്നാലാം വര്‍ഷം കെദോര്‍ലാവോമറും കൂടെയുണ്ടായിരുന്ന രാജാക്കന്‍മാരും ചെന്ന്‌ അഷ്‌ തെരോത്ത്‌ കര്‍ണ്ണായിമില്‍ റഫായിമുകളെയും, ഹാമില്‍ സൂസിമുകളെയും, ഷാവെ കിരിയാത്തായിമില്‍ എമീമുകളെയും,
Verse 6: സെയിര്‍മലകളില്‍ ഹോര്യരെയും അടിച്ചമര്‍ത്തി. അവര്‍ മരുഭൂമിയുടെ അതിര്‍ത്തിയിലുള്ള ഏല്‍പാരാന്‍വരെയെത്തി.
Verse 7: അവര്‍ പിന്തിരിഞ്ഞ്‌ എന്‍മിഷ്‌പാത്തില്‍, അതായത്‌, കാദെഷില്‍ ചെന്ന്‌ അമലേക്യരുടെ നാടു കീഴടക്കി. ഹസസോന്‍ താമാറില്‍ പാര്‍ത്തിരുന്ന അമോര്യരെയും തോല്‍പിച്ചു.
Verse 8: അപ്പോള്‍സോദോം, ഗൊമോറാ, അദ്‌മാ, സെബോയിം, ബേല, അതായത്‌, സോവാര്‍ എന്നിവിടങ്ങളിലെ രാജാക്കന്‍മാര്‍ സിദ്‌ദിം താഴ്‌വരയില്‍,
Verse 9: ഏലാം രാജാവായ കെദോര്‍ലാവോമര്‍, ഗോയീം രാജാവായ തിദാല്‍, ഷീനാര്‍ രാജാവായ അംറാഫേല്‍, എല്ലാസര്‍ രാജാവായ അരിയോക്ക്‌ എന്നിവര്‍ക്കെതിരേയുദ്‌ധത്തിനായി അണിനിരന്നു - നാലു രാജാക്കന്‍മാര്‍ അഞ്ചുപേര്‍ക്കെതിരേ.
Verse 10: സിദ്‌ദിം താഴ്‌വര നിറയെചെളിക്കുണ്ടുകളായിരുന്നു. സോദോമിലെയും ഗൊമോറായിലെയും രാജാക്കന്‍മാര്‍ പിന്തിരിഞ്ഞോടിയപ്പോള്‍ ഈ കുഴികളില്‍ വീണു.
Verse 11: ശേഷിച്ചവര്‍ മലയിലേക്ക്‌ ഓടിപ്പോയി. സോദോമിലെയും ഗൊമോറായിലെയും സര്‍വസമ്പത്തും ഭക്‌ഷണസാധനങ്ങളും കവര്‍ന്നുകൊണ്ടു ശത്രുക്കള്‍ സ്‌ഥലംവിട്ടു.
Verse 12: സോദോമില്‍ പാര്‍ത്തിരുന്ന അബ്രാമിന്‍െറ സഹോദരപുത്രനായ ലോത്തിനെയും അവന്‍െറ സ്വത്തുക്കളോടൊപ്പം അവര്‍ പിടിച്ചുകൊണ്ടുപോയി.
Verse 13: രക്‌ഷപെട്ട ഒരുവന്‍ വന്നു ഹെബ്രായ നായ അബ്രാമിനെ വിവരമറിയിച്ചു. താനുമായി സഖ്യത്തിലായിരുന്ന എഷ്‌ക്കോലിന്‍െറയും ആനെറിന്‍െറയും സഹോദരനായ മാമ്ര എന്ന അമോര്യന്‍െറ ഓക്കുമരത്തോപ്പിനടുത്താണ്‌ അബ്രാം താമസിച്ചിരുന്നത്‌.
Verse 14: സഹോദരന്‍ തടവുകാരനാക്കപ്പെട്ടെന്നുകേട്ടപ്പോള്‍ തന്‍െറ വീട്ടില്‍ത്തന്നെ ജനിച്ചു വളര്‍ന്നവരും പയറ്റിത്തെളിഞ്ഞവരുമായ മുന്നൂറ്റിപ്പതിനെട്ടുപേരോടൊപ്പം അബ്രാം ദാന്‍വരെ അവരെ പിന്തുടര്‍ന്നു.
Verse 15: രാത്രി അവന്‍ തന്‍െറ ആളുകളെ പല ഗണങ്ങളായി തിരിച്ച്‌, ശത്രുക്കളെ ആക്രമിച്ചു തോല്‍പിച്ച്‌, ദമാസ്‌ക്കസിനു വടക്കുള്ള ഹോബാ വരെ ഓടിച്ചു. അവന്‍ സമ്പത്തൊക്കെയും വീണ്ടെടുത്തു.
Verse 16: ചാര്‍ച്ചക്കാരനായ ലോത്തിനെയും അവന്‍െറ വസ്‌തുവകകളെയും സ്‌ത്രീകളെയും ജനങ്ങളെയും തിരികെ കൊണ്ടുവന്നു.
Verse 17: കെദോര്‍ലാവോമറെയും കൂടെയുണ്ടായിരുന്ന രാജാക്കന്‍മാരെയും തോല്‍പിച്ചു മടങ്ങിവന്ന അബ്രാമിനെ എതിരേല്‍ക്കാന്‍സോദോം രാജാവ്‌, രാജാവിന്‍െറ താഴ്‌വര എന്നറിയപ്പെടുന്ന ഷാവെ താഴ്‌വരയിലേക്കു ചെന്നു.
Verse 18: സാലെം രാജാവായ മെല്‍ക്കിസെദെക്ക്‌ അപ്പവും വീഞ്ഞും കൊണ്ടുവന്നു. അത്യുന്നതനായ ദൈവത്തിന്‍െറ പുരോഹിതനായിരുന്നു അവന്‍ .
Verse 19: അവന്‍ അബ്രാമിനെ ആശീര്‍വദിച്ചുകൊണ്ടു പറഞ്ഞു: ആകാശത്തിന്‍െറയും ഭൂമിയുടെയും നാഥനായ അത്യുന്നതദൈവത്തിന്‍െറ കൃപാകടാക്‌ഷം നിന്‍െറ മേലുണ്ടാകട്ടെ!
Verse 20: ശത്രുക്കളെ നിന്‍െറ കൈയിലേല്‍പി ച്ചഅത്യുന്നതദൈവം അനുഗൃഹീതന്‍. അബ്രാം എല്ലാറ്റിന്‍െറയും ദശാംശം അവനുകൊടുത്തു.
Verse 21: സോദോം രാജാവ്‌ അബ്രാമിനോടു പറഞ്ഞു: ആളുകളെ എനിക്കു വിട്ടുതരുക, സമ്പത്തെല്ലാം നീ എടുത്തുകൊള്ളുക.
Verse 22: അബ്രാം സോദോം രാജാവിനോടു പറഞ്ഞു: ഞാന്‍ കര്‍ത്താവിന്‍െറ മുമ്പില്‍, ആകാശത്തിന്‍െറയും ഭൂമിയുടെയും സ്രഷ്‌ടാവായ അത്യുന്നതദൈവത്തിന്‍െറ മുമ്പില്‍, ശപഥം ചെയ്യുന്നു:
Verse 23: നിങ്ങളുടേതായ ഒരു ചരടോ ചെരുപ്പിന്‍െറ വാറോ ഒന്നും തന്നെ ഞാന്‍ എടുക്കുകയില്ല. ഞാന്‍ അബ്രാമിനെ സമ്പന്നനാക്കി എന്നു നിങ്ങള്‍ പറയരുതല്ലോ.
Verse 24: യുവാക്കള്‍ ഭക്‌ഷിച്ചതും എന്‍െറ കൂടെ വന്നവരുടെ പങ്കും മാത്രമേ എനിക്കുവേണ്ടൂ. ആനറും എഷ്‌ക്കോലും മാമ്രയും തങ്ങളുടെ പങ്ക്‌ എടുത്തുകൊള്ളട്ടെ.