Verse 1: യാക്കോബ്‌ തന്‍െറ മക്കളെ വിളിച്ചു പറഞ്ഞു: എല്ലാവരും ഒന്നിച്ചു കൂടുവിന്‍. ഭാവിയില്‍ നിങ്ങള്‍ക്ക്‌ എന്തു സംഭവിക്കുമെന്നു ഞാന്‍ പറയാം:
Verse 2: യാക്കോബിന്‍െറ പുത്രന്‍മാരേ, ഒന്നിച്ചുകൂടി കേള്‍ക്കുവിന്‍. നിങ്ങളുടെ പിതാവായ ഇസ്രായേലിന്‍െറ വാക്കുകള്‍ ശ്രദ്‌ധിക്കുവിന്‍.
Verse 3: റൂബന്‍, നീ എന്‍െറ കടിഞ്ഞൂല്‍പുത്രനാണ്‌; എന്‍െറ ശക്‌തിയും എന്‍െറ പൗരുഷത്തിന്‍െറ ആദ്യഫലവും.
Verse 4: അഹങ്കാരത്തിലും ശക്‌തിയിലും നീ മുന്‍പന്‍തന്നെ. വെള്ളംപോലെ അസ്‌ഥിരനായ നീ മുന്‍പനായി വാഴില്ല. എന്തെന്നാല്‍, നീ പിതാവിന്‍െറ കിടക്കയില്‍ കയറി അത്‌ അശുദ്‌ധമാക്കി. എന്‍െറ ശയ്യയില്‍ കയറി, നീ എന്നെ ദ്രാഹിച്ചുവല്ലോ!
Verse 5: ശിമയോനും ലേവിയും കൂടെപ്പിറപ്പുകളാണ്‌. അവരുടെ വാളുകള്‍ അക്രമത്തിന്‍െറ ആയുധങ്ങളാണ്‌.
Verse 6: അവരുടെ ഗൂഢാലോചനകളില്‍ എന്‍െറ മനസ്‌സു പങ്കുകൊള്ളാതിരിക്കട്ടെ! അവരുടെ സമ്മേളനത്തില്‍ എന്‍െറ ആത്‌മാവു പങ്കുചേരാതിരിക്കട്ടെ! എന്തെന്നാല്‍, തങ്ങളുടെ കോപത്തില്‍ അവര്‍ മനുഷ്യരെ കൊന്നു. ക്രൂരതയില്‍ അവര്‍ കാളകളുടെ കുതിഞരമ്പു വെട്ടി.
Verse 7: അവരുടെ ഉഗ്രമായകോപവും ക്രൂരമായ ക്രോധവും ശപിക്കപ്പെടട്ടെ! ഞാന്‍ അവരെ യാക്കോബില്‍ വിഭജിക്കും; ഇസ്രായേലില്‍ ചിതറിക്കുകയും ചെയ്യും.
Verse 8: യൂദാ, നിന്‍െറ സഹോദരന്‍മാര്‍ നിന്നെ പുകഴ്‌ത്തും, നിന്‍െറ കൈ ശത്രുക്കളുടെ കഴുത്തില്‍ പതിക്കും. നിന്‍െറ പിതാവിന്‍െറ പുത്രന്‍മാര്‍ നിന്‍െറ മുന്‍പില്‍ കുമ്പിടും.
Verse 9: യൂദാ ഒരു സിംഹക്കുട്ടിയാണ്‌. എന്‍െറ മകനേ, നീ ഇരയില്‍നിന്നു മടങ്ങിയിരിക്കുന്നു. അവന്‍ ഒരു സിംഹത്തെപ്പോലെയും സിംഹിയെപ്പോലെയും പതുങ്ങിക്കിടന്നു വിശ്രമിക്കുന്നു. അവനെ ഉണര്‍ത്താന്‍ ആര്‍ക്കു ധൈര്യമുണ്ടാകും?
Verse 10: ചെങ്കോല്‍ യൂദായെ വിട്ടു പോകയില്ല; അതിന്‍െറ അവകാശി വന്നുചേരുംവരെ അധികാരദണ്‍ഡ്‌ അവന്‍െറ സന്തതികളില്‍നിന്നു നീങ്ങിപ്പോകയില്ല. ജനതകള്‍ അവനെ അനുസരിക്കും.
Verse 11: അവന്‍ തന്‍െറ കഴുതയെ മുന്തിരിവള്ളിയിലും കഴുതക്കുട്ടിയെ വിശിഷ്‌ടമായ മുന്തിരിച്ചെടിയിലും കെട്ടിയിടും; തന്‍െറ ഉടുപ്പു വീഞ്ഞിലും മേലങ്കി മുന്തിരിച്ചാറിലും കഴുകും.
Verse 12: അവന്‍െറ കണ്ണുകള്‍ വീഞ്ഞിനെക്കാള്‍ചെമന്നും പല്ലുകള്‍ പാലിനെക്കാള്‍ വെളുത്തുമിരിക്കും.
Verse 13: സെബുലൂണാകട്ടെ കടല്‍തീരത്തു വസിക്കും. അവന്‍ കപ്പലുകള്‍ക്ക്‌ അഭയകേന്ദ്രമായിരിക്കും. സീദോനായിരിക്കും അവന്‍െറ അതിര്‍ത്തി.
Verse 14: ഇസ്‌സാക്കര്‍ ഒരു കരുത്തുറ്റ കഴുതയാണ്‌. അവന്‍ ചുമ ടുകള്‍ക്കിടയില്‍ കിടക്കുന്നു.
Verse 15: വിശ്രമസ്‌ഥലം നല്ലതെന്നും ദേശം മനോഹരമെന്നും അവന്‍ കണ്ടു. അതുകൊണ്ട്‌ അവന്‍ ചുമടു കയറ്റാന്‍ ചുമല്‍ കുനിച്ചുകൊടുത്തു; കൂലിവേലചെയ്യുന്ന ഒരു ദാസനായിത്തീര്‍ന്നു.
Verse 16: ഇസ്രായേലിലെ മറ്റു ഗോത്രങ്ങളെപ്പോലെ ദാന്‍ സ്വന്തം ജനങ്ങള്‍ക്കുന്യായം നടത്തിക്കൊടുക്കും.
Verse 17: ദാന്‍ വഴിവക്കിലെ സര്‍പ്പവും പാതയിലെ അണലിയുമായിരിക്കും. അവന്‍ കുതിരയുടെ കുതികാലില്‍ കടിക്കും. കുതിരക്കാരന്‍മലര്‍ന്നുവീഴുകയും ചെയ്യും.
Verse 18: കര്‍ത്താവേ, ഞാന്‍ അങ്ങയുടെ രക്‌ഷ കാത്തിരിക്കുന്നു.
Verse 19: ഗാദിനെ കവര്‍ച്ചക്കാര്‍ ആക്രമിക്കും. എന്നാല്‍, അവന്‍ അവരെതോല്‍പിച്ചോടിക്കും.
Verse 20: ആഷേറിന്‍െറ ആഹാരം സമ്പന്നമായിരിക്കും. അവന്‍ രാജകീയ വിഭവങ്ങള്‍ പ്രദാനം ചെയ്യും.
Verse 21: സ്വച്‌ഛന്‌ദം ചരിക്കുന്ന ഒരു പേടമാനാണു നഫ്‌താലി. അവന്‍ മൃദുലവാക്കുകള്‍ പൊഴിക്കുന്നു.
Verse 22: നീരുറവയ്‌ക്കരികേ നില്‍ക്കുന്ന ഫലസമൃദ്‌ധമായ വൃക്‌ഷമാണു ജോസഫ്‌. അതിന്‍െറ ശാഖകള്‍ മതിലിനു മീതേ പടര്‍ന്നു നില്‍ക്കുന്നു.
Verse 23: വില്ലാളികള്‍ അവനെ കഠിനമായി വേദനിപ്പിച്ചു. അവര്‍ അവനുനേരേ അമ്പെയ്യുകയും അവനെ ഞെരുക്കുകയും ചെയ്‌തു.
Verse 24: എന്നാല്‍, അവന്‍െറ വില്ല്‌ ഉറച്ചുനിന്നു. യാക്കോബിന്‍െറ ശക്‌തനായ ദൈവം- ഇസ്രായേലിന്‍െറ പാറയായ ഇടയന്‍ - തന്‍െറ കൈകള്‍കൊണ്ട്‌ അവന്‍െറ കൈകളെ ശക്‌തിപ്പെടുത്തി.
Verse 25: നിന്‍െറ പിതാവിന്‍െറ ദൈവം നിനക്കു തുണയായിരിക്കും. സര്‍വശക്‌തനായ ദൈവം നിന്നെ അ നുഗ്രഹിക്കും. മുകളിലുള്ള ആകാശത്തിന്‍െറയും കീഴിലുള്ള ആഴത്തിന്‍െറയും ഉദരത്തിന്‍െറയും മാറിടത്തിന്‍െറയും അനുഗ്രഹങ്ങള്‍ നിനക്കുണ്ടാവട്ടെ!
Verse 26: നിന്‍െറ പിതാവിന്‍െറ അനുഗ്രഹങ്ങള്‍ നിത്യപര്‍വതങ്ങളുടെ ഒൗദാര്യത്തെക്കാളും ശാശ്വത ഗിരികളുടെ അനുഗ്രഹങ്ങളെക്കാളും ശക്‌തങ്ങളാണ്‌. അവ ജോസഫിന്‍െറ ശിരസ്‌സില്‍, തന്‍െറ സഹോദരരില്‍നിന്നു വേര്‍പെട്ടിരുന്നവന്‍െറ മൂര്‍ധാവില്‍ വര്‍ഷിക്കപ്പെടട്ടെ.
Verse 27: ആര്‍ത്തിയുള്ള ഒരു ചെന്നായാണു ബഞ്ചമിന്‍. അവന്‍ രാവിലെ ഇരവിഴുങ്ങുകയും വൈകുന്നേരം കവര്‍ച്ചമുതല്‍ പങ്കിടുകയും ചെയ്യും.
Verse 28: ഇവരാണ്‌ ഇസ്രായേലിലെ പന്ത്രണ്ടുഗോത്രങ്ങള്‍. അവരുടെ പിതാവ്‌ അവരോടു പറഞ്ഞതാണിത്‌. അവന്‍ എല്ലാവരെയും അനുഗ്രഹിച്ചു. ഓരോരുത്തര്‍ക്കും ചേര്‍ന്നവിധത്തിലാണ്‌ അവരെ അനുഗ്രഹിച്ചത്‌.
Verse 29: യാക്കോബ്‌ അവരോടാവശ്യപ്പെട്ടു: ഞാന്‍ എന്‍െറ ആളുകളോടു ചേരുകയായി. ഹിത്യനായ എഫ്രാണിന്‍െറ വയലിലുള്ള ഗുഹയില്‍ എന്‍െറ പിതാക്കന്‍മാരുടെയടുത്ത്‌ എന്നെയും അടക്കുക.
Verse 30: മാമ്രക്കു കിഴക്ക്‌ കാനാന്‍ദേശത്തുള്ള മക്‌പെലായിലെ വയലിലാണ്‌ ആ ഗുഹ. ശ്‌മശാനഭൂമിക്കുവേണ്ടി ഹിത്യനായ എഫ്രാണില്‍നിന്ന്‌ അബ്രാഹം അവകാശമായി വാങ്ങിയതാണ്‌ ആ വയലും ഗുഹയും.
Verse 31: അബ്രാഹത്തെയും ഭാര്യ സാറായെയും അവിടെയാണ്‌ അവര്‍ അടക്കം ചെയ്‌തത്‌. അവിടെത്തന്നെയാണ്‌ ഇസഹാക്കിനെയും ഭാര്യ റബേക്കയെയും സംസ്‌കരിച്ചത്‌. ഞാന്‍ ലെയായെ സംസ്‌കരിച്ചതും അവിടെത്തന്നെ.
Verse 32: വയലും അതിലുള്ള ഗുഹയും ഹിത്യരുടെ കൈയില്‍ നിന്നാണു വാങ്ങിയത്‌.
Verse 33: തനിക്കു പറയാനുണ്ടായിരുന്നതു പറഞ്ഞു തീര്‍ന്നപ്പോള്‍ യാക്കോബ്‌ കിടക്കയിലേക്കു ചാഞ്ഞു. അവന്‍ അന്ത്യശ്വാസം വലിച്ച്‌ തന്‍െറ ജനത്തോടുചേര്‍ന്നു.