Verse 1: കര്‍ത്താവ്‌ അബ്രാമിനോട്‌ അരുളിച്ചെയ്‌തു: നിന്‍െറ ദേശത്തെയും ബന്‌ധുക്കളെയും പിതൃഭവനത്തെയും വിട്ട്‌, ഞാന്‍ കാണിച്ചുതരുന്ന നാട്ടിലേക്കു പോവുക.
Verse 2: ഞാന്‍ നിന്നെ വലിയൊരു ജനതയാക്കും. നിന്നെ ഞാന്‍ അനുഗ്രഹിക്കും. നിന്‍െറ പേര്‌ ഞാന്‍ മഹത്തമമാക്കും. അങ്ങനെ നീ ഒരനുഗ്രഹമായിരിക്കും.
Verse 3: നിന്നെ അനുഗ്രഹിക്കുന്നവരെ ഞാന്‍ അനുഗ്രഹിക്കും. നിന്നെ ശപിക്കുന്നവരെ ഞാന്‍ ശപിക്കും. നിന്നിലൂടെ ഭൂമുഖത്തെ വംശങ്ങളെല്ലാം അനുഗൃഹീതമാകും.
Verse 4: കര്‍ത്താവു കല്‍പിച്ചതനുസരിച്ച്‌ അബ്രാം പുറപ്പെട്ടു. ലോത്തും അവന്‍െറ കൂടെ തിരിച്ചു. ഹാരാന്‍ ദേശത്തോടു വിടപറഞ്ഞപ്പോള്‍ അബ്രാമിന്‌ എഴുപത്തഞ്ചു വയസ്സു പ്രായമായിരുന്നു.
Verse 5: അബ്രാം ഭാര്യ സാറായിയെയും സഹോദരപുത്രന്‍ ലോത്തിനെയും കൂടെക്കൊണ്ടുപോയി. ഹാരാനില്‍ തങ്ങള്‍ നേടിയ സമ്പത്തും ആളുകളുമായി അവര്‍ കാനാന്‍ ദേശത്തേക്കു പുറപ്പെട്ട്‌, അവിടെ എത്തിച്ചേര്‍ന്നു.
Verse 6: അബ്രാം ആ ദേശത്തിലൂടെ സഞ്ചരിച്ച്‌ ഷെക്കെമില്‍, മോറെയുടെ ഓക്കുമരം വരെ എത്തി. അക്കാലത്തു കാനാന്‍കാര്‍ അവിടെ പാര്‍ത്തിരുന്നു.
Verse 7: കര്‍ത്താവ്‌ അബ്രാമിനു പ്രത്യക്‌ഷപ്പെട്ട്‌ അരുളിച്ചെയ്‌തു: ഈ നാടു നിന്‍െറ സന്തതികള്‍ക്കു ഞാന്‍ കൊടുക്കും. തനിക്കു പ്രത്യക്‌ഷപ്പെട്ട കര്‍ത്താവിന്‌ അബ്രാം അവിടെ ഒരു ബലിപീഠം പണിതു.
Verse 8: അവിടെനിന്ന്‌ അവന് ബഥേലിനു കിഴക്കുള്ള മലമ്പ്രദേശത്തേക്കു കടന്ന്‌, അവിടെ ബഥേലിനു കിഴക്കും ആയിക്കു പടിഞ്ഞാറുമായി താവളമടിച്ചു. അവിടെ ഒരു ബലിപീഠം പണിത്‌, കര്‍ത്താവിന്‍െറ നാമം വിളിച്ചു.
Verse 9: അവിടെനിന്ന്‌ അബ്രാം നെഗെബിനു നേരേയാത്ര തുടര്‍ന്നു.
Verse 10: അവിടെ ഒരു ക്‌ഷാമമുണ്ടായി. കടുത്ത ക്‌ഷാമമായിരുന്നതിനാല്‍ ഈജിപ്‌തില്‍ പോയി പാര്‍ക്കാമെന്നു കരുതി അബ്രാം അങ്ങോട്ടു തിരിച്ചു.
Verse 11: ഈജിപ്‌തിലെത്താറായപ്പോള്‍ ഭാര്യ സാറായിയെ വിളിച്ച്‌ അവന് പറഞ്ഞു: നീ കാണാന്‍ അഴകുള്ളവളാണെന്ന്‌ എനിക്കറിയാം.
Verse 12: നിന്നെ കാണുമ്പോള്‍ ഈജിപ്‌തുകാര്‍ പറയും: ഇവള്‍ അവന്‍െറ ഭാര്യയാണ്‌. എന്നിട്ട്‌ എന്നെ അവര്‍ കൊന്നുകളയും. നിന്നെ ജീവിക്കാന്‍ അനുവദിക്കുകയും ചെയ്യും.
Verse 13: നീ മൂലം എനിക്കാപത്തുണ്ടാകാതിരിക്കാന്‍, നിന്നെപ്രതി അവര്‍ എന്‍െറ ജീവന്‍ രക്‌ഷിക്കാന്‍ വേണ്ടി, നീ എന്‍െറ സഹോദരിയാണെന്നു പറയണം.
Verse 14: അവര്‍ ഈജിപ്‌തിലെത്തി. അവള്‍ കാണാന്‍ വളരെ അഴകുള്ളവളാണെന്ന്‌ ഈജിപ്‌തുകാര്‍ക്കു മനസ്സിലായി.
Verse 15: അവളെ കണ്ടപ്പോള്‍ ഫറവോയുടെ സേവകന്‍മാര്‍ അവളെപ്പറ്റി ഫറവോയോടു പുകഴ്‌ത്തിപ്പറഞ്ഞു. അവള്‍ ഫറവോയുടെ കൊട്ടാരത്തിലേക്ക്‌ ആനയിക്കപ്പെട്ടു.
Verse 16: ഫറവോ അവളെപ്രതി അബ്രാമിനോടു നന്നായി പെരുമാറി. അവന് ആടുകള്‍, കാളകള്‍, കഴുതകള്‍, ഒട്ടകങ്ങള്‍, വേലക്കാര്‍, വേലക്കാരികള്‍ എന്നിവ ലഭിച്ചു.
Verse 17: പക്‌ഷേ, അബ്രാമിന്‍െറ ഭാര്യ സാറായിയെപ്രതി കര്‍ത്താവ്‌ ഫറവോയെയും കുടുംബത്തെയും മഹാമാരികളാല്‍ പീഡിപ്പിച്ചു.
Verse 18: തന്‍മൂലം ഫറവോ അബ്രാമിനെ വിളിച്ചു പറഞ്ഞു: നീ ഈ ചെയ്‌തത്‌ എന്താണ്‌?
Verse 19: അവള്‍ നിന്‍െറ ഭാര്യയാണെന്ന്‌ എന്നോടു പറയാതിരുന്നത്‌ എന്തുകൊണ്ട്‌? അവള്‍ സഹോദരിയാണ്‌ എന്നു നീ പറഞ്ഞതെന്തിന്‌? അതുകൊണ്ടല്ലേ ഞാനവളെ ഭാര്യയായി സ്വീകരിച്ചത്‌? ഇതാ നിന്‍െറ ഭാര്യ. അവളെയുംകൊണ്ട്‌ സ്‌ഥലം വിടുക.
Verse 20: ഫറവോ തന്‍െറ ആള്‍ക്കാര്‍ക്ക്‌ അബ്രാമിനെക്കുറിച്ചു കല്‍പന കൊടുത്തു. അവര്‍ അവനെയും ഭാര്യയെയും അവന്‍െറ വസ്‌തുവകകളോടുകൂടെയാത്രയാക്കി.