Verse 1: കുറച്ചുനാള്‍കഴിഞ്ഞ്‌ ഈജിപ്‌തിലെ രാജാവിന്‍െറ പാനപാത്രവാഹകനും പാചകനും തങ്ങളുടെയജമാനനായരാജാവിനെതിരേ തെറ്റു ചെയ്‌തു.
Verse 2: ഈ രണ്ട്‌ ഉദ്യോഗസ്‌ഥന്‍മാര്‍ക്കുമെതിരേ ഫറവോ കുപിത നായി.
Verse 3: അവന്‍ അവരെ കാവല്‍പ്പടനായകന്‍െറ വീട്ടിലുള്ള തടവറയിലടച്ചു. ജോസഫും അവിടെയാണ്‌ കഴിഞ്ഞിരുന്നത്‌.
Verse 4: കാവല്‍പ്പടനായകന്‍ അവരെ ജോസഫിനു ഭരമേല്‍പിച്ചു. അവന്‍ അവരെ പരിചരിച്ചു. കുറേക്കാലം അവര്‍ തടവില്‍ക്കിടന്നു.
Verse 5: തടവറയില്‍ക്കിടന്നിരുന്ന അവരിരുവര്‍ക്കും- ഈജിപ്‌തിലെ രാജാവിന്‍െറ പാനപാത്ര വാഹകനും, പാചകനും, - ഒരു രാത്രിയില്‍ വേറെവേറെഅര്‍ഥമുള്ള സ്വപ്‌നമുണ്ടായി.
Verse 6: ജോസഫ്‌ രാവിലെ അവരുടെയടുക്കല്‍ ചെന്നപ്പോള്‍ അവര്‍ വിഷാദിച്ചിരിക്കുന്നതു കണ്ടു.
Verse 7: തന്‍െറ യജമാനന്‍െറ വീട്ടിലെ തടവറയില്‍ തന്നോടൊത്തു കഴിയുന്ന ആ ഉദ്യോഗസ്‌ഥന്‍മാരോട്‌ അവന്‍ ചോദിച്ചു: നിങ്ങളുടെ മുഖത്ത്‌ എന്താണ്‌ ഇന്നൊരു വിഷാദം?
Verse 8: അവര്‍ പറഞ്ഞു: ഞങ്ങള്‍ രണ്ടുപേരും സ്വപ്‌നം കണ്ടു. അവയെ വ്യാഖ്യാനിക്കാന്‍ ആരുമില്ല. ജോസഫ്‌ പറഞ്ഞു: വ്യാഖ്യാനം ദൈവത്തിന്‍േറ തല്ലേ? സ്വപ്‌നം എന്തെന്നു പറയൂ.
Verse 9: പാനപാത്രവാഹകന്‍ തന്‍െറ സ്വപ്‌നംജോസഫിനോടു പറഞ്ഞു: ഞാന്‍ ഒരു മുന്തിരിവള്ളി സ്വപ്‌നം കണ്ടു.
Verse 10: അതില്‍ മൂന്നു ശാഖകള്‍ ഉണ്ടായിരുന്നു. അതു മൊട്ടിട്ട ഉടനെ പുഷ്‌പിച്ച്‌ കുലകളില്‍ മുന്തിരിപ്പഴങ്ങള്‍ പാകമായി.
Verse 11: ഫറവോയുടെ പാന പാത്രം എന്‍െറ കൈയില്‍ ഉണ്ടായിരുന്നു. ഞാന്‍ മുന്തിരിപ്പഴങ്ങള്‍ എടുത്തു പിഴിഞ്ഞു പാനപാത്രത്തില്‍ ഒഴിച്ച്‌ അവനു കൊടുത്തു.
Verse 12: ജോസഫ്‌ അവനോടു പറഞ്ഞു: അതിന്‍െറ വ്യാഖ്യാനം ഇതാണ്‌:
Verse 13: മൂന്നു ശാഖകള്‍ മൂന്നു ദിവസങ്ങളാണ്‌. മൂന്നു ദിവസത്തിനകം ഫറവോ നിന്നെ ഉദ്യോഗത്തില്‍ വീണ്ടും നിയമിക്കും. മുന്‍പെന്നപോലെ നീ പാനപാത്രം ഫറവോയുടെ കൈയില്‍വച്ചു കൊടുക്കും.
Verse 14: നല്ലകാലം വരുമ്പോള്‍ എന്നെയും ഓര്‍ക്കണം, എന്നോടു കാരുണ്യം കാണിക്കണം. എന്‍െറ കാര്യം ഫറവോയുടെ മുന്‍പില്‍ ഉണര്‍ത്തിച്ച്‌ ഈ തടവറയില്‍ നിന്ന്‌ എന്നെ മോചിപ്പിക്കണം.
Verse 15: ഹെബ്രായരുടെ നാട്ടില്‍നിന്ന്‌ അവര്‍ എന്നെ മോഷ്‌ടിച്ചുകൊണ്ടുവന്നതാണ്‌. ഇവിടെയും അവരെന്നെ ഈ ഇരുട്ടറയില്‍ അടയ്‌ക്കത്തക്കതൊന്നും ഞാന്‍ ചെയ്‌തിട്ടില്ല.
Verse 16: വ്യാഖ്യാനം ശുഭസൂചകമാണെന്നു കണ്ടപ്പോള്‍ പാചകപ്രമാണി ജോസഫിനോടു പറഞ്ഞു: ഞാനും ഒരു സ്വപ്‌നം കണ്ടു. എന്‍െറ തലയില്‍ മൂന്നു കുട്ട നിറയെ അപ്പമുണ്ടായിരുന്നു.
Verse 17: ഏറ്റവും മുകളിലെ കുട്ടയില്‍ ഫറവോയ്‌ക്കുവേണ്ടി പാകംചെയ്‌ത പലതരം അപ്പങ്ങളായിരുന്നു. പക്‌ഷികള്‍ വന്ന്‌ എന്‍െറ തലയിലെ കുട്ടയില്‍നിന്ന്‌ അവ കൊത്തിത്തിന്നുകൊണ്ടിരുന്നു.
Verse 18: ജോസഫ്‌ പറഞ്ഞു: അതിന്‍െറ വ്യാഖ്യാനം ഇതാണ്‌: മൂന്നു കുട്ടകള്‍ മൂന്നു ദിവസംതന്നെ. മൂന്നു ദിവസത്തിനകം ഫറവോ നിന്നെ പുറത്തിറക്കി മരത്തില്‍ കെട്ടിത്തൂക്കും.
Verse 19: പക്‌ഷികള്‍ നിന്‍െറ മാംസം തിന്നുകയും ചെയ്യും.
Verse 20: മൂന്നാം ദിവസം ഫറവോയുടെ പിറന്നാളായിരുന്നു. തന്‍െറ വേലക്കാര്‍ക്ക്‌ അവന്‍ ഒരു വിരുന്നു നല്‍കി. പാനപാത്രവാഹകനെയും പാചകപ്രമാണിയെയും പുറത്തുകൊണ്ടുവന്നു വിധി കല്‍പിച്ചു.
Verse 21: പാനപാത്രവാഹകനെ ഉദ്യോഗത്തില്‍ തിരിയേ നിയമിച്ചു; അവന്‍ പാനപാത്രം ഫറവോയുടെകൈയില്‍ കൊടുത്തു.
Verse 22: എന്നാല്‍, പാചകപ്രമാണിയെ അവന്‍ തൂക്കിക്കൊന്നു. ജോസഫ്‌ വ്യാഖ്യാനിച്ചതുപോലെതന്നെ സംഭവിച്ചു.
Verse 23: എന്നാല്‍, പാനപാത്രവാഹകന്‍ ജോസഫിനെ ഓര്‍മിച്ചില്ല; അവനെ മറന്നുകളഞ്ഞു.