Verse 1: അബ്രാമിനു ഭാര്യ സാറായിയില്‍ കുട്ടികളുണ്ടായില്ല. അവള്‍ക്കു ഹാഗാര്‍ എന്നുപേരുള്ള ഒരു ഈജിപ്‌തുകാരി ദാസി ഉണ്ടായിരുന്നു.
Verse 2: സാറായി അബ്രാമിനോടു പറഞ്ഞു: മക്കളുണ്ടാവാന്‍ ദൈവം എനിക്കു വരം തന്നിട്ടില്ല. നിങ്ങള്‍ എന്‍െറ ദാസിയെ പ്രാപിക്കുക. ഒരു പക്‌ഷേ അവള്‍മൂലം എനിക്കു കുഞ്ഞുങ്ങളുണ്ടായേക്കാം. അബ്രാം സാറായിയുടെ വാക്ക്‌ അനുസരിച്ചു.
Verse 3: കാനാന്‍ദേശത്തു പത്തുവര്‍ഷം താമസിച്ചു കഴിഞ്ഞപ്പോള്‍ അവന്‍െറ ഭാര്യ സാറായി ദാസിയായ ഈജിപ്‌തുകാരി ഹാഗാറിനെ തന്‍െറ ഭര്‍ത്താവിനു ഭാര്യയായി നല്‍കി.
Verse 4: അബ്രാം അവളെ പ്രാപിക്കുകയും അവള്‍ ഗര്‍ഭം ധരിക്കുകയും ചെയ്‌തു. താന്‍ ഗര്‍ഭിണിയാണെന്നറിഞ്ഞപ്പോള്‍യജമാനത്തിയെ അവള്‍ നിന്‌ദയോടെ വീക്‌ഷിച്ചു.
Verse 5: സാറായി അബ്രാമിനോടു പറഞ്ഞു: എന്‍െറ ദുരിതത്തിനു നിങ്ങളാണു കാരണക്കാരന്‍. ഞാനാണ്‌ എന്‍െറ ദാസിയെ നിങ്ങളുടെ ആശ്ലേഷത്തിനു വിട്ടുതന്നത്‌. പക്‌ഷേ, താന്‍ ഗര്‍ഭിണിയാണെന്നു കണ്ടപ്പോള്‍ അവള്‍ക്ക്‌ ഞാന്‍ നിന്‌ദ്യയായി. എനിക്കും നിങ്ങള്‍ക്കും മധ്യേ കര്‍ത്താവു തന്നെ വിധിയാളനാവട്ടെ.
Verse 6: അബ്രാം പറഞ്ഞു: നിന്‍െറ ദാസി ഇപ്പോഴും നിന്‍െറ കീഴിലാണ്‌. നിന്‍െറ ഇഷ്‌ടംപോലെ അവളോടു പെ രുമാറിക്കൊള്ളുക. സാറായി അവളോടുക്രൂരമായിപ്പെരുമാറാന്‍ തുടങ്ങി. അപ്പോള്‍ അവള്‍ സാറായിയെ വിട്ട്‌ ഓടിപ്പോയി.
Verse 7: എന്നാല്‍, കര്‍ത്താവിന്‍െറ ദൂതന്‍ ഷൂറിലേക്കുള്ള വഴിയില്‍ മരുഭൂമിയിലുള്ള ഒരു നീരുറവയുടെ അടുത്തുവച്ച്‌ അവളെ കണ്ടെണ്ടത്തി.
Verse 8: ദൂതന്‍ അവളോടു ചോദിച്ചു: സാറായിയുടെ ദാസിയായ ഹാഗാറേ, നീ എവിടെ നിന്നു വരുന്നു? എങ്ങോട്ടു പോകുന്നു? അവള്‍ പ്രതിവചിച്ചു: ഞാന്‍ യജമാനത്തിയായ സാറായിയില്‍നിന്ന്‌ ഓടിപ്പോവുകയാണ്‌.
Verse 9: കര്‍ത്താവിന്‍െറ ദൂതന്‍ അവളോടു പറഞ്ഞു:നീയജമാനത്തിയുടെ അടുത്തേക്കു തിരിച്ചുപോയി അവള്‍ക്കു കീഴ്‌പ്പെട്ടിരിക്കുക.
Verse 10: ദൂതന്‍ തുടര്‍ന്നു: എണ്ണിയാല്‍ തീരാത്തവണ്ണംഅത്രയധികമായി നിന്‍െറ സന്തതിയെ ഞാന്‍ വര്‍ധിപ്പിക്കും.
Verse 11: നീ ഗര്‍ഭിണിയാണല്ലോ. നീ ഒരു ആണ്‍കുട്ടിയെപ്രസവിക്കും. അവനു നീ ഇസ്‌മായേല്‍ എന്നു പേരിടണം. കാരണം, കര്‍ത്താവ്‌ നിന്‍െറ രോദനം ചെവിക്കൊണ്ടിരിക്കുന്നു.
Verse 12: അവന്‍ കാട്ടുകഴുതയ്‌ക്കൊത്ത മനുഷ്യനായിരിക്കും. അവന്‍െറ കൈ എല്ലാവര്‍ക്കുമെതിരായും എല്ലാവരുടെയും കൈ അവനെതിരായും ഉയരും. അവന്‍ തന്‍െറ സഹോദരങ്ങള്‍ക്കെ തിരായി വര്‍ത്തിക്കുകയും ചെയ്യും.
Verse 13: അവള്‍ തന്നോടു സംസാരി ച്ചകര്‍ത്താവിനെ എല്‍റോയി എന്നുവിളിച്ചു. കാരണം, എന്നെ കാണുന്നവനായ ദൈവത്തെ ഞാനും ഇവിടെവച്ചു കണ്ടു എന്ന്‌ അവള്‍ പറഞ്ഞു.
Verse 14: അതുകൊണ്ട്‌ ആ നീരുറവയ്‌ക്കു ബേര്‍ല്‌ഹായ്‌റോയ്‌ എന്നു പേരുണ്ടായി. അതു കാദെഷിനും ബേരെദിനും ഇടയ്‌ക്കാണ്‌.
Verse 15: ഹാഗാറില്‍ അബ്രാമിന്‌ ഒരു പുത്രന്‍ ജനിച്ചു. ഹാഗാര്‍ പ്രസവി ച്ചമകന്‌ അബ്രാം ഇസ്‌മായേല്‍ എന്നുപേരിട്ടു.
Verse 16: ഹാഗാര്‍ ഇസ്‌മായേലിനെ പ്രസവിച്ചപ്പോള്‍ അബ്രാമിന്‌ എണ്‍പത്തിയാറു വയസ്സായിരുന്നു.