Verse 1: യാക്കോബ്‌യാത്ര തുടര്‍ന്നു. കിഴക്കുള്ളവരുടെ ദേശത്ത്‌ അവന്‍ എത്തിച്ചേര്‍ന്നു.
Verse 2: അവിടെ വയലില്‍ ഒരു കിണര്‍ കണ്ടു; അതിനു ചുറ്റും മൂന്ന്‌ ആട്ടിന്‍പറ്റങ്ങളും. ആ കിണറ്റില്‍നിന്നാണ്‌ ആടുകള്‍ക്കെല്ലാം വെള്ളം കൊടുത്തിരുന്നത്‌. വലിയൊരു കല്ലുകൊണ്ടു കിണര്‍ മൂടിയിരുന്നു.
Verse 3: ആട്ടിന്‍പറ്റങ്ങളെല്ലാം എത്തിച്ചേരുമ്പോള്‍ അവര്‍ കിണറ്റുവക്കത്തുനിന്നു കല്ലുരുട്ടിമാറ്റി ആടുകള്‍ക്കു വെള്ളംകൊടുക്കും. അതുകഴിഞ്ഞ്‌, കല്ല്‌ ഉരുട്ടിവച്ചു കിണറടയ്‌ക്കുകയും ചെയ്യും.
Verse 4: യാക്കോബ്‌ അവരോടു ചോദിച്ചു: സഹോദരന്‍മാരേ, നിങ്ങള്‍ എവിടെനിന്നു വരുന്നു? ഹാരാനില്‍ നിന്ന്‌ എന്ന്‌ അവര്‍ മറുപടി പറഞ്ഞു.
Verse 5: അവന്‍ വീണ്ടും ചോദിച്ചു: നിങ്ങള്‍ നാഹോറിന്‍െറ മകന്‍ ലാബാനെ അറിയുമോ? അറിയും എന്ന്‌ അവര്‍ പറഞ്ഞു.
Verse 6: അവനു സുഖ മാണോ? അവന്‍ ചോദിച്ചു. അതേ, അവര്‍ പറഞ്ഞു. ഇതാ അവന്‍െറ മകള്‍ റാഹേല്‍ ആടുകളുമായി വരുന്നു.
Verse 7: അവന്‍ പറഞ്ഞു: പകല്‍ ഇനിയും ഏറെയുണ്ടല്ലോ. ആടുകളെ ആലയിലാക്കാന്‍നേരമായിട്ടില്ല. ആടുകള്‍ക്കു വെള്ളം കൊടുത്ത്‌ അവയെകൊണ്ടുപോയി തീറ്റുക.
Verse 8: അവര്‍ പറഞ്ഞു: അങ്ങിനെയല്ല, ആട്ടിന്‍പറ്റങ്ങളെല്ലാം വന്നെത്തുമ്പോഴേ കല്ലുരുട്ടിമാറ്റി ആടുകള്‍ക്കു വെള്ളം കൊടുക്കാറുള്ളു.
Verse 9: അവന്‍ അവരുമായി സംസാരിച്ചുകൊണ്ടിരിക്കേ റാഹേല്‍ തന്‍െറ പിതാവിന്‍െറ ആടുകളുമായി വന്നു. അവളാണ്‌ അവയെ മേയിച്ചിരുന്നത്‌.
Verse 10: തന്‍െറ മാതൃസഹോദരനായ ലാബാന്‍െറ മകള്‍ റാഹേലിനെയും അവന്‍െറ ആടുകളെയും കണ്ടപ്പോള്‍ യാക്കോബ്‌ ചെന്ന്‌ കിണര്‍ മൂടിയിരുന്ന കല്ല്‌ ഉരുട്ടിമാറ്റുകയും ലാബാന്‍െറ ആടുകള്‍ക്കു വെള്ളം കൊടുക്കുകയും ചെയ്‌തു.
Verse 11: പിന്നീട്‌ അവന്‍ റാഹേലിനെ ചുംബിക്കുകയും ഉറക്കെ കരയുകയും ചെയ്‌തു.
Verse 12: താന്‍ അവളുടെ പിതാവിന്‍െറ ബന്‌ധുവും റബേക്കായുടെ മകനുമാണെന്ന്‌ യാക്കോബ്‌ അവളോടു പറഞ്ഞു. അവള്‍ ഓടിച്ചെന്നു പിതാവിനെ വിവരമറിയിച്ചു.
Verse 13: തന്‍െറ സഹോദരിയുടെ പുത്രനായ യാക്കോബിന്‍െറ വാര്‍ത്ത കേട്ടപ്പോള്‍ ലാബാന്‍ അവനെ കാണാന്‍ ഓടിയെത്തി. അവന്‍ യാക്കോബിനെ കെട്ടിപ്പിടിച്ചു ചുംബിച്ചു വീട്ടിലേക്കു കൂട്ടിക്കൊണ്ടുപോയി. യാക്കോബ്‌ വിവരങ്ങളെല്ലാം ലാബാനോടു പറഞ്ഞു.
Verse 14: ലാബാന്‍ പറഞ്ഞു: എന്‍െറ അസ്‌ഥിയും മാംസവും തന്നെയാണു നീ. ഒരു മാസം യാക്കോബ്‌ അവന്‍െറ കൂടെ പാര്‍ത്തു.
Verse 15: ഒരുദിവസം ലാബാന്‍ യാക്കോബിനെ വിളിച്ചു പറഞ്ഞു: നീ എന്‍െറ ചാര്‍ച്ചക്കാരനാണെന്നു കരുതി എനിക്കുവേണ്ടി എന്തിനു വെറുതേ പണിയെടുക്കുന്നു? നിനക്കെന്തു പ്രതിഫലം വേണമെന്നു പറയുക.
Verse 16: ലാബാനു രണ്ടു പുത്രിമാരുണ്ടായിരുന്നു. മൂത്ത വളുടെ പേര്‍ ലെയാ എന്നും ഇളയവളുടെപേര്‍ റാഹേല്‍ എന്നും.
Verse 17: ലെയായുടെ കണ്ണുകള്‍ മങ്ങിയവയായിരുന്നു. റാഹേലാകട്ടെ സുന്ദരിയും വടിവൊത്തവളും ആയിരുന്നു.
Verse 18: യാക്കോബ്‌ റാഹേലില്‍ അനുരക്‌തനായി. അവന്‍ ലാബാനോടു പറഞ്ഞു: അങ്ങയുടെ ഇളയമകളായ റാഹേലിനുവേണ്ടി ഏഴു കൊല്ലം അങ്ങയുടെ കീഴില്‍ ഞാന്‍ ജോലിചെയ്യാം.
Verse 19: ലാബാന്‍ പറഞ്ഞു: അവളെ മറ്റാര്‍ക്കെങ്കിലും കൊടുക്കുന്നതിനെക്കാള്‍ നല്ലതു നിനക്കുതരുന്നതാണ്‌. എന്‍െറ കൂടെ പാര്‍ത്തുകൊള്ളുക.
Verse 20: അങ്ങനെ റാഹേ ലിനു വേണ്ടി യാക്കോബ്‌ ഏഴുകൊല്ലം പണിയെടുത്തു. അവളോടുള്ള സ്‌നേഹംമൂലം ആ വര്‍ഷങ്ങള്‍ ഏതാനും നാളുകളായേ അവനു തോന്നിയുള്ളു.
Verse 21: യാക്കോബ്‌ ലാബാനോടു പറഞ്ഞു: പറഞ്ഞിരുന്ന സമയം പൂര്‍ത്തിയായി. എനിക്കെന്‍െറ ഭാര്യയെ തരുക. ഞാന്‍ അവളോടു ചേരട്ടെ.
Verse 22: ലാബാന്‍ നാട്ടിലുള്ളവരെയെല്ലാം വിളിച്ചുകൂട്ടി ഒരു വിരുന്നു നടത്തി.
Verse 23: രാത്രിയായപ്പോള്‍ അവന്‍ തന്‍െറ മകള്‍ ലെയായെ യാക്കോബിന്‍െറ അടുത്തേക്കു കൊണ്ടുചെന്നു. അവന്‍ അവളോടുകൂടെ ശയിച്ചു.
Verse 24: ലാബാന്‍ ലെയായ്‌ക്കു പരിചാരികയായി തന്‍െറ അ ടിമയായ സില്‍ഫായെ കൊടുത്തു.
Verse 25: നേരം വെളുത്തപ്പോള്‍ ലെയായെയാണ്‌ തനിക്കു ലഭിച്ചതെന്ന്‌ അവന്‍ മനസ്‌സിലാക്കി. അവന്‍ ലാബാനോടു പറഞ്ഞു: എന്താണ്‌ അങ്ങ്‌ ഈ ചെയ്‌തത്‌? റാഹേലിനു വേണ്ടിയല്ലേ ഞാന്‍ പണിയെടുത്തത്‌? എന്നെ ചതിച്ചത്‌ എന്തിന്‌?
Verse 26: ലാബാന്‍ പറഞ്ഞു: മൂത്ത വള്‍ നില്‍ക്കേ ഇളയവളെ പറഞ്ഞയയ്‌ക്കുക ഞങ്ങളുടെ നാട്ടില്‍ പതിവില്ല.
Verse 27: ഇവളുടെ വിവാഹവാരം പൂര്‍ത്തിയാകട്ടെ. അതിനുശേഷം ഇളയവളെയും നിനക്കു തരാം. ഏഴുവര്‍ഷത്തേക്കുകൂടി നീ എനിക്കുവേണ്ടിവേലചെയ്യണം.
Verse 28: യാക്കോബ്‌ സമ്മതിച്ചു. വിവാഹവാരം പൂര്‍ത്തിയായപ്പോള്‍ ലാബാന്‍ തന്‍െറ മകളായ റാഹേലിനെയും അവനു ഭാര്യയായി നല്‍കി.
Verse 29: തന്‍െറ അടിമയായ ബില്‍ഹായെ ലാബാന്‍ റാഹേലിനു പരിചാരികയായി നല്‍കി.
Verse 30: യാക്കോബ്‌ റാഹേലിന്‍െറ കൂടെയും ശയിച്ചു. അവന്‍ ലെയായെക്കാള്‍ കൂടുതല്‍ റാഹേലിനെ സ്‌നേഹിച്ചു. ഏഴുവര്‍ഷം കൂടി അവന്‍ ലാബാന്‍െറ കീഴില്‍ വേലചെയ്‌തു.
Verse 31: ലെയാ അവഗണിക്കപ്പെടുന്നതായി കര്‍ത്താവു കണ്ടു. അവിടുന്ന്‌ അവള്‍ക്ക്‌ ഗര്‍ഭധാരണ ശക്‌തിനല്‍കി. റാഹേലാകട്ടെ വന്‌ധ്യയായിരുന്നു.
Verse 32: ലെയാ ഗര്‍ഭം ധരിച്ച്‌ ഒരു പുത്രനെ പ്രസവിച്ചു. അവള്‍ അവനു റൂബന്‍ എന്നു പേരിട്ടു; കാരണം, കര്‍ത്താവ്‌ എന്‍െറ കഷ്‌ടപ്പാടു കണ്ടിരിക്കുന്നു. ഇനി എന്‍െറ ഭര്‍ത്താവ്‌ എന്നെ സ്‌നേഹിക്കും എന്ന്‌ അവള്‍ പറഞ്ഞു.
Verse 33: അവള്‍ വീണ്ടും ഗര്‍ഭംധരിച്ച്‌ ഒരു പുത്രനെ പ്രസവിച്ചു. അവള്‍ പറഞ്ഞു: ഞാന്‍ അവഗണിക്കപ്പെടുന്നെന്നറിഞ്ഞു കര്‍ത്താവ്‌ എനിക്ക്‌ ഇവനെക്കൂടി നല്‍കിയിരിക്കുന്നു. അവള്‍ അവനു ശിമയോന്‍ എന്നു പേരിട്ടു.
Verse 34: അവള്‍ പിന്നെയും ഗര്‍ഭിണിയായി, ഒരു മകനെ പ്രസവിച്ചു. അവള്‍ പറഞ്ഞു: ഇനിയെന്‍െറ ഭര്‍ത്താവ്‌ എന്നോട്‌ കൂടുതല്‍ അടുക്കും. കാരണം, ഞാന വനു മൂന്നു പുത്രന്‍മാരെ നല്‍കിയിരിക്കുന്നു. അതുകൊണ്ട്‌ അവള്‍ അവനെ ലേവി എന്നു വിളിച്ചു.
Verse 35: അവള്‍ വീണ്ടും ഗര്‍ഭംധരിക്കുകയും ഒരു പുത്രനെ പ്രസവിക്കുകയും ചെയ്‌തു. അവള്‍ പറഞ്ഞു: ഞാന്‍ കര്‍ത്താവിനെ സ്‌തുതിക്കും; അതുകൊണ്ട്‌, അവള്‍ അവനു യൂദാ എന്നു പേരിട്ടു. പിന്നീട്‌ കുറേകാലത്തേക്ക്‌ അവള്‍ പ്രസവിച്ചില്ല.