Verse 1: മനുഷ്യര്‍ ഭൂമിയില്‍ പെരുകാന്‍ തുടങ്ങുകയും അവര്‍ക്കു പുത്രിമാര്‍ ജനിക്കുകയും ചെയ്‌തപ്പോള്‍ മനുഷ്യപുത്രിമാര്‍ അഴകുള്ളവരാണ്‌ എന്നു കണ്ട്‌ ദൈവപുത്രന്‍ മാര്‍ തങ്ങള്‍ക്ക്‌ ഇഷ്‌ടപ്പെട്ടവരെയെല്ലാം ഭാര്യമാരായി സ്വീകരിച്ചു.
Verse 2: അപ്പോള്‍ ദൈവമായ കര്‍ത്താവു പറഞ്ഞു: എന്‍െറ ചൈതന്യം മനുഷ്യനില്‍ എന്നേക്കും നിലനില്‍ക്കുകയില്ല. അവന്‍ ജഡമാണ്‌. അവന്‍െറ ആയുസ്സ്‌ നൂറ്റിയിരുപതു വര്‍ഷമായിരിക്കും.
Verse 3: ദൈവപുത്രന്‍ മാര്‍ മനുഷ്യപുത്രിമാരുമായി ചേരുകയും അവര്‍ക്കു മക്കളുണ്ടാവുകയും ചെയ്‌തിരുന്ന അക്കാലത്തും പിന്നീടും ഭൂമിയില്‍ അ തികായന്‍മാര്‍ ഉണ്ടായിരുന്നു. അവരാണ്‌ പുരാതനകാലത്തെ പ്രസിദ്‌ധിയാര്‍ജി ച്ചപ്രബലന്‍മാര്‍.
Verse 4: ഭൂമിയില്‍ മനുഷ്യന്‍െറ ദുഷ്‌ടത വര്‍ധിച്ചിരിക്കുന്നെന്നും അവന്‍െറ ഹൃദയത്തിലെ ചിന്തയും ഭാവനയും എപ്പോഴും ദുഷിച്ചതു മാത്രമാണെന്നും കര്‍ത്താവു കണ്ടു.
Verse 5: ഭൂമുഖത്തു മനുഷ്യനെ സൃഷ്‌ടിച്ചതില്‍ കര്‍ത്താവു പരിതപിച്ചു. അത്‌ അവിടുത്തെ ഹൃദയത്തെ വേദനിപ്പിച്ചു.
Verse 6: കര്‍ത്താവ്‌ അരുളിച്ചെയ്‌തു: എന്‍െറ സൃഷ്‌ടിയായ മനുഷ്യനെ ഭൂമുഖത്തുനിന്നു ഞാന്‍ തുടച്ചുമാറ്റും. മനുഷ്യനെയും മൃഗങ്ങളെയും ഇഴജന്തുക്കളെയും ആകാശത്തിലെ പറവകളെയും ഞാന്‍ നാമാവശേഷമാക്കും. അവയെ സൃഷ്‌ടിച്ചതില്‍ ഞാന്‍ ദുഃഖിക്കുന്നു.
Verse 7: എന്നാല്‍, നോഹ കര്‍ത്താവിന്‍െറ പ്രീതിക്കു പാത്രമായി.
Verse 8: ഇതാണ്‌ നോഹയുടെ വംശാവലി: നോ ഹ നീതിമാനായിരുന്നു. ആ തലമുറയിലെ കറയറ്റ മനുഷ്യന്‍. അവന്‍ ദൈവത്തിന്‍െറ മാര്‍ഗത്തില്‍ നടന്നു.
Verse 9: നോഹയ്‌ക്കു മൂന്നു പുത്രന്‍മാരുണ്ടായി: ഷേം, ഹാം, യാഫെത്ത്‌.
Verse 10: ദൈവത്തിന്‍െറ ദൃഷ്‌ടിയില്‍ ഭൂമിയാകെ ദുഷിച്ചതായിത്തീര്‍ന്നു. എങ്ങും അക്രമം നടമാടി.
Verse 11: ഭൂമി ദുഷിച്ചുപോയെന്നു ദൈവം കണ്ടു. ലോകത്തില്‍ മനുഷ്യരെല്ലാം ദുര്‍മാര്‍ഗികളായി.
Verse 12: ദൈവം നോഹയോട്‌ അരുളിച്ചെയ്‌തു: ജീവജാലങ്ങളെയെല്ലാം നശിപ്പിക്കാന്‍ ഞാന്‍ നിശ്‌ചയിച്ചിരിക്കുന്നു. അവര്‍മൂലം ലോകം അധര്‍മംകൊണ്ടു നിറഞ്ഞിരിക്കുന്നു. ഭൂമിയോടുകൂടി അവരെ ഞാന്‍ നശിപ്പിക്കും.
Verse 13: ഗോഫെര്‍മരംകൊണ്ടു നീയൊരു പെട്ടക മുണ്ടാക്കുക. അതില്‍ മുറികള്‍ തിരിക്കുക. അതിന്‍െറ അകത്തും പുറത്തും കീലു തേയ്‌ക്കണം.
Verse 14: ഇങ്ങനെയാണ്‌ അതുണ്ടാക്കേണ്ടത്‌: മുന്നൂറുമുഴം നീളം, അമ്പതു മുഴം വീതി, മുപ്പതു മുഴം ഉയരം.
Verse 15: മേല്‍ക്കൂരയില്‍നിന്ന്‌ ഒരു മുഴം താഴെ പെട്ടകത്തിനൊരു ജനലും വശത്തൊരു വാതിലും വയ്‌ക്കണം. താഴേയും മേലേയും നടുവിലുമായി മൂന്നു തട്ടായി വേണം പെട്ടകം ഉണ്ടാക്കാന്‍.
Verse 16: ഭൂതലത്തിലെല്ലാം ഞാനൊരു ജലപ്രളയം വരുത്താന്‍ പോകുന്നു. ആകാശത്തിനു കീഴേ ജീവശ്വാസമുള്ള എല്ലാ ജഡവും ഞാന്‍ നശിപ്പിക്കും. ഭൂമുഖത്തുള്ളതെല്ലാം നശിക്കും.
Verse 17: എന്നാല്‍ നീയുമായി ഞാനെന്‍െറ ഉടമ്പടി ഉറപ്പിക്കും. നീ പെട്ടകത്തില്‍ കയറണം; നിന്‍െറ കൂടെ നിന്‍െറ ഭാര്യയും പുത്രന്‍മാരും അവരുടെ ഭാര്യമാരും.
Verse 18: എല്ലാ ജീവജാലങ്ങളിലുംനിന്ന്‌ ആണും പെണ്ണുമായി ഈരണ്ടെണ്ണത്തെയും നീ പെട്ടകത്തില്‍ കയറ്റി സൂക്‌ഷിക്കണം.
Verse 19: എല്ലായിനം പക്‌ഷികളും മൃഗങ്ങളും ഇഴജന്തുക്കളും സംരക്‌ഷിക്കപ്പെടേണ്ടതിന്‌ ഈരണ്ടെണ്ണം നിന്‍െറ കൂടെ വരട്ടെ.
Verse 20: നിനക്കും അവയ്‌ക്കും ആഹാരത്തിനു വേണ്ടി എല്ലാത്തരം ഭക്‌ഷണവും ശേഖരിച്ചുവയ്‌ക്കണം.
Verse 21: ദൈവം കല്‍പിച്ചതുപോലെ തന്നെ നോഹ പ്രവര്‍ത്തിച്ചു.