Verse 1: ഇസഹാക്കിനു പ്രായമായി. കണ്ണിനു കാഴ്‌ച കുറഞ്ഞു. അവന്‍ മൂത്തമകന്‍ ഏസാവിനെ വിളിച്ചു: എന്‍െറ മകനേ! ഇതാ ഞാന്‍, അവന്‍ വിളി കേട്ടു.
Verse 2: ഇസഹാക്ക്‌ പറഞ്ഞു: എനിക്കു വയസ്‌സായി. എന്നാണു ഞാന്‍ മരിക്കുകയെന്ന്‌ അറിഞ്ഞുകൂടാ.
Verse 3: നിന്‍െറ ആയുധങ്ങളായ അമ്പും വില്ലുമെടുത്തു വയ ലില്‍ പോയി വേട്ടയാടി കുറെകാട്ടിറച്ചികൊണ്ടുവരിക.
Verse 4: എനിക്കിഷ്‌ടപ്പെട്ട രീതിയില്‍ രുചികരമായി പാകംചെയ്‌ത്‌ എന്‍െറ മുന്‍പില്‍ വിളമ്പുക. അതു ഭക്‌ഷിച്ചിട്ട്‌ നിന്നെ ഞാന്‍ മരിക്കും മുന്‍പേ അനുഗ്രഹിക്കട്ടെ.
Verse 5: ഇസഹാക്ക്‌ ഏസാവിനോടു പറയുന്നതു റബേക്കാ കേള്‍ക്കുന്നുണ്ടായിരുന്നു. ഏസാവ്‌ കാട്ടിറച്ചിതേടി വയലിലേക്കു പോയി.
Verse 6: അപ്പോള്‍ അവള്‍ യാക്കോബിനോടു പറഞ്ഞു: നിന്‍െറ പിതാവു നിന്‍െറ സഹോദര നായ ഏസാവിനോട്‌,
Verse 7: നായാട്ടിറച്ചി കൊണ്ടുവന്നു രുചികരമായി പാകംചെയ്‌ത്‌ എന്‍െറ മുന്‍പില്‍ വിളമ്പുക. ഞാന്‍ മരിക്കുംമുമ്പ്‌ അതു ഭക്‌ഷിച്ചിട്ടു ദൈവത്തിന്‍െറ മുന്‍പില്‍ നിന്നെ അനുഗ്രഹിക്കട്ടെ എന്നു പറയുന്നതു ഞാന്‍ കേട്ടു.
Verse 8: അതുകൊണ്ട്‌ മകനേ, നീ ഇപ്പോള്‍ എന്‍െറ വാക്കനുസരിച്ചു പ്രവര്‍ത്തിക്കുക.
Verse 9: ആട്ടിന്‍കൂട്ടത്തില്‍നിന്നു രണ്ടു നല്ല കുഞ്ഞാടുകളെ പിടിച്ചുകൊണ്ടുവരുക. ഞാന്‍ അവകൊണ്ടു നിന്‍െറ പിതാവിന്‌ ഇഷ്‌ടപ്പെട്ട രുചികരമായ ഭക്‌ഷണം ഉണ്ടാക്കാം.
Verse 10: നീ അതു പിതാവിന്‍െറ യടുക്കല്‍കൊണ്ടുചെല്ലണം. അപ്പോള്‍ അദ്‌ദേഹം മരിക്കുംമുമ്പ്‌ അതു ഭക്‌ഷിച്ചു നിന്നെ അനുഗ്രഹിക്കും.
Verse 11: യാക്കോബ്‌ അമ്മറബേക്കായോടു പറഞ്ഞു: ഏസാവ്‌ ശരീരമാകെ രോമമുള്ളവനാണ്‌, എന്നാല്‍ എന്‍െറ ദേഹം മിനുസമുള്ളതാണ്‌.
Verse 12: പിതാവ്‌ എന്നെ തൊട്ടുനോക്കുകയും ഞാന്‍ കബളിപ്പിക്കുകയാണെന്നു മനസ്‌സിലാക്കുകയും ചെയ്‌താല്‍ അനുഗ്രഹത്തിനു പകരം ശാപമായിരിക്കില്ലേ എനിക്കു ലഭിക്കുക?
Verse 13: അവന്‍െറ അമ്മപറഞ്ഞു: ആ ശാപം എന്‍െറ മേലായിരിക്കട്ടെ. മകനേ, ഞാന്‍ പറയുന്നതു കേള്‍ക്കുക. പോയി അവകൊണ്ടു വരുക.
Verse 14: അവന്‍ പോയി അവയെ പിടിച്ച്‌ അമ്മയുടെ മുന്‍പില്‍ കൊണ്ടുവന്നു. അവള്‍ അവന്‍െറ പിതാവിന്‌ ഇഷ്‌ടപ്പെട്ട രുചികരമായ ഭക്‌ഷണം തയ്യാറാക്കി.
Verse 15: അവള്‍ മൂത്തമകന്‍ ഏസാവിന്‍േറ തായി, തന്‍െറ പക്കല്‍ വീട്ടിലിരുന്ന ഏററവും വിലപ്പെട്ട വസ്‌ത്രങ്ങളെടുത്ത്‌ ഇളയ മകന്‍ യാക്കോബിനെ ധരിപ്പിച്ചു;
Verse 16: ആട്ടിന്‍ തോലുകൊണ്ട്‌ അവന്‍െറ കൈകളും കഴുത്തിലെ മിനുസമുളള ഭാഗവും മൂടി.
Verse 17: പാകം ചെയ്‌ത രുചികരമായ മാംസവും അപ്പവും അവള്‍ യാക്കോബിന്‍െറ കൈയില്‍ കൊ ടുത്തു.
Verse 18: യാക്കോബ്‌ പിതാവിന്‍െറ യടുക്കല്‍ച്ചെന്ന്‌ വിളിച്ചു: എന്‍െറ പിതാവേ! ഇതാ ഞാന്‍, അവന്‍ വിളികേട്ടു. നീയാരാണ്‌ മകനേ എന്ന്‌ അവന്‍ ചോദിച്ചു.
Verse 19: യാക്കോബ്‌ മറുപടി പറഞ്ഞു: അങ്ങയുടെ കടിഞ്ഞൂല്‍പ്പുത്രന്‍ ഏസാവാണു ഞാന്‍. അങ്ങ്‌ ആവ ശ്യപ്പെട്ടതുപോലെ ഞാന്‍ ചെയ്‌തിരിക്കുന്നു. എഴുന്നേറ്റ്‌ എന്‍െറ നായാട്ടിറച്ചി ഭക്‌ഷിച്ച്‌ എന്നെ അനുഗ്രഹിച്ചാലും.
Verse 20: എന്നാല്‍ ഇസഹാക്ക്‌ ചോദിച്ചു: എന്‍െറ മകനേ, നിനക്ക്‌ ഇത്‌ ഇത്രവേഗം എങ്ങനെ കിട്ടി? യാക്കോബു പറഞ്ഞു: അങ്ങയുടെ ദൈവമായ കര്‍ത്താവ്‌ ഇതിനെ എന്‍െറ മുന്‍പില്‍ കൊണ്ടുവന്നു.
Verse 21: അപ്പോള്‍ ഇസഹാക്ക്‌ യാക്കോബിനോടു പറഞ്ഞു: അടുത്തുവരിക മകനേ, ഞാന്‍ നിന്നെ തൊട്ടുനോക്കി നീ എന്‍െറ മകന്‍ ഏസാവു തന്നെയോ എന്നറിയട്ടെ.
Verse 22: യാക്കോബ്‌ പിതാവായ ഇസഹാക്കിന്‍െറ യടുത്തുചെന്നു. അവനെ തടവിനോക്കിയിട്ട്‌ ഇസഹാക്കു പറഞ്ഞു: സ്വരം യാക്കോബിന്‍െറതാണ്‌, എന്നാല്‍ കൈകള്‍ ഏസാവിന്‍െറ തും.
Verse 23: ഇസഹാക്ക്‌ അവനെ തിരിച്ചറിഞ്ഞില്ല. കാരണം, അവന്‍െറ കൈ കള്‍ സഹോദരനായ ഏസാവിന്‍െറ കൈ കള്‍പോലെ രോമം നിറഞ്ഞതായിരുന്നു. ഇസഹാക്ക്‌ അവനെ അനുഗ്രഹിച്ചു.
Verse 24: അവന്‍ ചോദിച്ചു: സത്യമായും നീ എന്‍െറ മകന്‍ ഏസാവുതന്നെയാണോ? അതേ, എന്ന്‌ അവന്‍ മറുപടി പറഞ്ഞു.
Verse 25: ഇസഹാക്കു പറഞ്ഞു: എന്‍െറ മകനേ, നിന്‍െറ നായാട്ടിറച്ചി കൊണ്ടുവരുക. അതു തിന്നിട്ട്‌ ഞാന്‍ നിന്നെ അനുഗ്രഹിക്കട്ടെ. ഇസഹാക്ക്‌ അതു ഭക്‌ഷിക്കുകയും അവന്‍ കൊണ്ടുവന്നവീഞ്ഞു കുടിക്കുകയും ചെയ്‌തു.
Verse 26: ഇസഹാക്ക്‌ അവനോടു പറഞ്ഞു: നീ അ ടുത്തുവന്ന്‌ എന്നെ ചുംബിക്കുക.
Verse 27: അവന്‍ ചുംബിച്ചപ്പോള്‍ ഇസഹാക്ക്‌ അവന്‍െറ ഉടുപ്പു മണത്തു നോക്കി, അവനെ അനുഗ്രഹിച്ചു. കര്‍ത്താവു കനിഞ്ഞ്‌ അനുഗ്രഹിച്ചവയലിന്‍െറ മണമാണ്‌ എന്‍െറ മകന്‍േറ തെന്ന്‌ അവന്‍ പറഞ്ഞു.
Verse 28: ആകാശത്തിന്‍െറ മഞ്ഞും ഭൂമിയുടെ ഫലപുഷ്‌ഠിയും ദൈവം നിനക്കു നല്‍കട്ടെ!
Verse 29: ധാന്യവും വീഞ്ഞും സമൃദ്‌ധമാവട്ടെ! ജനതകള്‍ നിനക്കു സേവ ചെയ്യട്ടെ! രാജ്യങ്ങള്‍ നിന്‍െറ മുമ്പില്‍ തലകുനിക്കട്ടെ! നിന്‍െറ സഹോദരര്‍ക്കു നീ നാഥനായിരിക്കുക! നിന്‍െറ അമ്മയുടെ പുത്രന്‍മാര്‍ നിന്‍െറ മുന്‍പില്‍ തല കുനിക്കട്ടെ! നിന്നെ ശപിക്കുന്നവന്‍ ശപ്‌തനും അനുഗ്രഹിക്കുന്നവന്‍ അനുഗൃഹീതനുമാകട്ടെ!
Verse 30: ഇസഹാക്ക്‌ യാക്കോബിനെ അനുഗ്ര ഹിക്കുകയും യാക്കോബ്‌ അവന്‍െറ മുന്‍ പില്‍നിന്നു പുറത്തുകടക്കുകയും ചെയ്‌തപ്പോള്‍ നായാട്ടുകഴിഞ്ഞ്‌ ഏസാവു തിരിച്ചെത്തി.
Verse 31: അവനും പിതാവിനിഷ്‌ടപ്പെട്ട ഭക്‌ഷണം തയ്യാറാക്കി, പിതാവിന്‍െറ അടുക്കല്‍കൊണ്ടുവന്നിട്ടു പറഞ്ഞു: പിതാവേ, എഴുന്നേറ്റ്‌ അങ്ങയുടെ മകന്‍െറ നായാട്ടിറച്ചി ഭക്‌ഷിച്ച്‌ എന്നെ അനുഗ്രഹിച്ചാലും.
Verse 32: നീ ആരാണ്‌? ഇസഹാക്കു ചോദിച്ചു. അവന്‍ പറഞ്ഞു: അങ്ങയുടെ കടിഞ്ഞൂല്‍പുത്രന്‍ ഏസാവാണ്‌ ഞാന്‍.
Verse 33: ഇസഹാക്ക്‌ അത്യധികം പരിഭ്രമിച്ചു വിറയ്‌ക്കാന്‍ തുടങ്ങി. അവന്‍ ചോദിച്ചു: നായാട്ടിറച്ചിയുമായി നിനക്കുമുന്‍പ്‌ എന്‍െറ മുന്‍പില്‍ വന്നത്‌ ആരാണ്‌? ഞാന്‍ അതു തിന്നുകയും അവനെ അനുഗ്രഹിക്കുകയും ചെയ്‌തല്ലോ. അവന്‍ അനുഗ്രഹിക്കപ്പെട്ടവനായിരിക്കും.
Verse 34: പിതാവിന്‍െറ വാക്കു കേട്ടപ്പോള്‍ ഏസാവ്‌ അതീവ ദുഃഖത്തോടെ കരഞ്ഞു. പിതാവേ, എന്നെയും അനുഗ്രഹിക്കുക, അവന്‍ അപേക്ഷിച്ചു.
Verse 35: ഇസഹാക്കു പറഞ്ഞു: നിന്‍െറ സഹോദരന്‍ എന്നെ കബളിപ്പിച്ചു നിനക്കുള്ള വരം എന്നില്‍നിന്നു തട്ടിയെടുത്തു.
Verse 36: ഏസാവുപറഞ്ഞു: വെറുതെയാണോ അവനെ യാക്കോബ്‌ എന്നു വിളിക്കുന്നത്‌? രണ്ടു തവണ അവന്‍ എന്നെ ചതിച്ചു; കടിഞ്ഞൂലവകാശം എന്നില്‍ നിന്ന്‌ അവന്‍ കൈക്കലാക്കി. ഇപ്പോഴിതാ എനിക്കുള്ള അനുഗ്രഹവും അവന്‍ തട്ടിയെടുത്തിരിക്കുന്നു. വീണ്ടും അവന്‍ പിതാവിനോടു ചോദിച്ചു: എനിക്കുവേണ്ടി ഒരുവരം പോലും അങ്ങു നീക്കിവച്ചിട്ടില്ലേ?
Verse 37: ഇസഹാക്കു പറഞ്ഞു: ഞാന്‍ അവനെ നിന്‍െറ യജമാനനാക്കി; അവന്‍െറ സഹോദരന്‍മാരെ അവന്‍െറ ദാസന്‍മാരും. ധാന്യവും വീഞ്ഞുംകൊണ്ടു ഞാന്‍ അവനെ ധന്യനാക്കി. മകനേ, നിനക്കു വേണ്ടി എന്താണ്‌ എനിക്കിനി ചെയ്യാന്‍ കഴിയുക?
Verse 38: എന്‍െറ പിതാവേ, ഒറ്റ വരമേ അങ്ങയുടെ പക്കല്‍ ഉള്ളോ? എന്നെയും അനുഗ്രഹിക്കുക എന്നുപറഞ്ഞ്‌ അവന്‍ പൊട്ടിക്കരഞ്ഞു.
Verse 39: അപ്പോള്‍ ഇസഹാക്ക്‌ പറഞ്ഞു: ആകാശത്തിന്‍െറ മഞ്ഞില്‍നിന്നും ഭൂമിയുടെ ഫലപുഷ്‌ഠിയില്‍നിന്നും നീ അകന്നിരിക്കും.
Verse 40: വാളുകൊണ്ടു നീ ജീവിക്കും. നിന്‍െറ സഹോദരനു നീ ദാസ്യവൃത്തി ചെയ്യും. എന്നാല്‍ സ്വതന്ത്രനാകുമ്പോള്‍ ആ നുകം നീ തകര്‍ത്തുകളയും.
Verse 41: പിതാവ്‌ യാക്കോബിനു നല്‍കിയ അനുഗ്രഹം മൂലം ഏസാവ്‌ യാക്കോബിനെ വെറുത്തു. അവന്‍ ആത്‌മഗതം ചെയ്‌തു: പിതാവിനെപ്പറ്റി വിലപിക്കാനുള്ള ദിവസങ്ങള്‍ അടുത്തുവരുന്നുണ്ട്‌. അപ്പോള്‍ ഞാന്‍ അവനെ കൊല്ലും.
Verse 42: മൂത്തമകനായ ഏസാവിന്‍െറ വാക്കുകള്‍ റബേക്കായുടെ ചെവിയിലെത്തി. അവള്‍ ഇളയവനായ യാക്കോബിനെ വിളിച്ചു പറഞ്ഞു: നിന്നെ കൊല്ലാമെന്നോര്‍ത്ത്‌ നിന്‍െറ ജ്യേഷ്‌ഠന്‍ ആശ്വസിച്ചിരിക്കുകയാണ്‌.
Verse 43: മകനേ, ഞാന്‍ പറയുന്നതു കേള്‍ക്കുക. ഹാരാനിലുള്ള എന്‍െറ സഹോദരനായ ലാബാന്‍െറ അടുത്തേക്ക്‌ ഓടി രക്‌ഷപെടുക.
Verse 44: നിന്‍െറ ജ്യേഷ്‌ഠന്‍െറ രോഷമടങ്ങുവോളം നീ അവിടെ താമസിക്കുക.
Verse 45: ജ്യേഷ്‌ഠനു നിന്നോടുള്ള കോപം അടങ്ങുകയും നീ ചെയ്‌തതൊക്കെ മറക്കുകയും ചെയ്യട്ടെ. അപ്പോള്‍ ഞാന്‍ ആളയച്ചു നിന്നെ ഇങ്ങോട്ടു വരുത്താം.
Verse 46: ഒരു ദിവസംതന്നെ നിങ്ങള്‍ രണ്ടുപേരും എനിക്കു നഷ്‌ടപ്പെടുന്നതെന്തിന്‌? അതു കഴിഞ്ഞ്‌ റബേക്കാ ഇസഹാക്കിനോടു പറഞ്ഞു: ഈ ഹിത്യസ്‌ത്രീകള്‍മൂലം എനിക്കു ജീവിതം മടുത്തു. ഈ നാട്ടുകാരായ ഇവരെപ്പോലെയുള്ള ഹിത്യസ്‌ത്രീകളില്‍നിന്ന്‌ ഒരുവളെ യാക്കോബും വിവാഹംകഴിച്ചാല്‍ പിന്നെ ഞാനെന്തിനു ജീവിക്കണം?