Verse 1: ഏദോം എന്നുകൂടി പേരുള്ള ഏസാവിന്‍െറ സന്താനപരമ്പര ഇതാണ്‌.
Verse 2: കാനാന്യ സ്‌ത്രീകളായിരുന്നു ഏസാവിന്‍െറ ഭാര്യമാര്‍. ഹിത്യനായ ഏലോന്‍െറ മകളാണ്‌ ആദാ. ഹിവ്യനായ സിബയോന്‍െറ മകളായ ആനായുടെ പുത്രിയാണ്‌ ഒഹോലിബാമാ.
Verse 3: ഇസ്‌മായേലിന്‍െറ മകളും നെബായോത്തിന്‍െറ സാഹോദരിയുമാണ്‌ ബസ്‌മത്ത്‌.
Verse 4: ഏസാവിന്‌ ആദായില്‍ എലിഫാസും ബസ്‌മത്തില്‍ റവുവേലും ജനിച്ചു.
Verse 5: ഒഹോലിബാമായില്‍നിന്ന്‌ അവന്‌യവുഷുവുംയാലാമും കോറഹും ജനിച്ചു. കാനാന്‍ദേശത്തുവച്ച്‌ ഏസാവിനുണ്ടായ മക്കളാണ്‌ ഇവര്‍.
Verse 6: ഏസാവ്‌, ഭാര്യമാരും പുത്രന്‍മാരും പുത്രിമാരും വീട്ടിലുള്ള എല്ലാവരുമൊത്ത്‌, തന്‍െറ കാലികളും മൃഗങ്ങളും കാനാന്‍ദേശത്തു താന്‍ നേടിയ സ്വത്തുമായി സഹോദരനായ യാക്കോബിനെ വിട്ട്‌ അകലെയുള്ള ഒരു ദേശത്തേക്കു പോയി. കാരണം, ഒന്നിച്ചു പാര്‍ക്കാന്‍ വയ്യാത്തവിധം ഇരുവര്‍ക്കും അത്രയേറെസമ്പത്തുണ്ടായിരുന്നു.
Verse 7: അവരുടെ അധിവാസഭൂമിക്കു സംരക്‌ഷിക്കുവാനാവാത്തവണ്ണം അത്രയധികമായിരുന്നു ആടുമാടുകള്‍.
Verse 8: അതുകൊണ്ട്‌ ഏസാവ്‌ സെയിര്‍ എന്ന മലനാട്ടില്‍ പാര്‍ത്തു. ഏസാവും ഏദോമും ഒരാള്‍തന്നെ.
Verse 9: സെയിര്‍മലയിലെ ഏദോമ്യരുടെ പിതാവായ ഏസാവിന്‍െറ സന്തതിപരമ്പര:
Verse 10: ഏസാവിന്‍െറ പുത്രന്‍മാരുടെ പേരുകള്‍: ഏസാവിന്‌ ഭാര്യയായ ആദായിലുണ്ടായ മകന്‍ എലിഫാസ്‌. ഭാര്യയായ ബസ്‌മത്തി ലുണ്ടായ മകന്‍ റവുവേല്‍.
Verse 11: എലിഫാസിന്‍െറ പുത്രന്‍മാര്‍ തേമാന്‍, ഓമര്‍, സെഫോ, ഗത്താം, കെനസ്‌.
Verse 12: ഏസാവിന്‍െറ മകന്‍ എലിഫാസിനു തിമ്‌നാ എന്നൊരു ഉപനാരിയുണ്ടായിരുന്നു. എലിഫാസിന്‌ അവളില്‍ അമലേക്ക്‌ എന്നൊരു പുത്രന്‍ ജനിച്ചു. ഏസാവിന്‌ ഭാര്യയായ ആദായിലുണ്ടായ സന്തതികളാണ്‌ ഇവര്‍.
Verse 13: റവുവേലിന്‍െറ പുത്രന്‍മാരാണ്‌ നഹത്ത്‌, സേറഹ്‌, ഷമ്മാ, മിസ്സാം എന്നിവര്‍. ഏസാവിനു ഭാര്യ ബസ്‌മത്തിലുണ്ടായ സന്തതികളാണ്‌ ഇവര്‍.
Verse 14: സിബയോന്‍െറ പുത്രിയായ ആനായുടെ മകള്‍ ഒഹോലിബാമായില്‍ ഏസാവിനുണ്ടായ പുത്രന്‍മാരാണ്‌യവൂഷും, യാലാമും, കോറഹും.
Verse 15: ഏസാവിന്‍െറ മക്കളില്‍ പ്രധാനര്‍ ഇവരായിരുന്നു: ഏസാവിന്‍െറ കടിഞ്ഞൂല്‍പുത്രനായ എലിഫാസിന്‍െറ മക്കള്‍ തേമാന്‍, ഓമര്‍, സെഫോ, കെനസ്‌,
Verse 16: കോറഹ്‌, ഗത്താം, അമലേക്ക്‌ എന്നിവര്‍ ഏദോം നാട്ടില്‍ എലിഫാസില്‍നിന്നുണ്ടായ നായകന്‍മാരാണ്‌. ഇവരെല്ലാം ആദായുടെ പുത്രന്‍മാരാണ്‌.
Verse 17: ഏസാവിന്‍െറ മകനായ റവുവേലിന്‍െറ പുത്രന്‍മാര്‍: പ്രമുഖരായ നഹത്ത്‌, സേറഹ്‌, ഷമ്മാ, മിസ്‌സാ. ഏദോംനാട്ടില്‍ റവുവേ ലില്‍ നിന്നുണ്ടായ പ്രധാനപ്പെട്ടവരാണ്‌ ഇവര്‍. ഇവര്‍ ഏസാവിന്‍െറ ഭാര്യ ബസ്‌മത്തിന്‍െറ സന്തതികളാണ്‌.
Verse 18: ഏസാവിന്‍െറ ഭാര്യ ഒഹോലിബാമായുടെ പുത്രന്‍മാര്‍: പ്രമുഖരായയവൂഷ്‌, യലാം, കോറഹ്‌. ഇവര്‍ ഏസാവിന്‍െറ ഭാര്യയും ആനായുടെ മകളുമായ ഒഹോലിബാമായില്‍ നിന്നുള്ള നായ കന്‍മാരാണ്‌.
Verse 19: ഇവര്‍ ഏസാവിന്‍െറ സന്തതികളും ഏദോമിലെ പ്രമുഖന്‍മാരുമാണ്‌.
Verse 20: അന്നാട്ടില്‍ പാര്‍ത്തിരുന്നവരും സെയിര്‍ എന്ന ഹോര്യന്‍െറ പുത്രന്‍മാരുമാണ്‌ ലോത്താന്‍, ഷോബാല്‍, സിബയോന്‍, ആനാ,
Verse 21: ദീഷോന്‍, ഏസെര്‍, ദീഷാന്‍. ഇവര്‍ ഏദോം നാട്ടിലെ സെയിറിന്‍െറ പുത്രന്‍മാരും ഹോര്യയിലെ പ്രമാണികളുമാണ്‌.
Verse 22: ലോത്താന്‍െറ പുത്രന്‍മാര്‍ ഹോറി, ഹേമാ. ലോത്താന്‍െറ സഹോദരിയായിരുന്നു തിമ്‌നാ.
Verse 23: ഷോബാലിന്‍െറ പുത്രന്‍മാര്‍ അല്‍വാന്‍, മനഹത്ത്‌, ഏബാല്‍, ഷെഫോ, ഓനാം.
Verse 24: സിബയോന്‍െറ പുത്രന്‍മാര്‍: ആയ്യാ, ആനാ. തന്‍െറ പിതാവായ സിബയോന്‍െറ കഴുതകളെ മേയ്‌ക്കുമ്പോള്‍ മരുഭൂമിയില്‍ ചൂടുറവകള്‍ കണ്ടെണ്ടത്തിയ ആനാ ഇവന്‍തന്നെയാണ്‌.
Verse 25: ദീഷോന്‍ ആനായുടെ പുത്രനും ഒഹോലിബാമാ പുത്രിയുമായിരുന്നു.
Verse 26: ഹെമ്‌ ദാന്‍, എഷ്‌ബാന്‍, ഇത്രാന്‍, കെറാന്‍ എന്നിവരായിരുന്നു ദീഷോന്‍െറ പുത്രന്‍മാര്‍.
Verse 27: ഏസെറിന്‍െറ പുത്രന്‍മാരായിരുന്നു ബില്‍ഹാനും സാവാനും അക്കാനും.
Verse 28: ദീഷാന്‍െറ പുത്രന്‍മാരായിരുന്നു ഊസും അരാനും.
Verse 29: ഹോര്യരിലെ പ്രമുഖരായിരുന്നു ലോത്താന്‍, ഷോബാന്‍, സിബയോന്‍, ആനാ എന്നിവര്‍.
Verse 30: ദീഷോന്‍, ഏസെര്‍, ദീഷാന്‍ എന്നിവര്‍ സെയിര്‍നാട്ടില്‍ ഹോര്യരിലെ പ്രമുഖരായിരുന്നു.
Verse 31: ഇസ്രായേല്‍ക്കാരുടെയിടയില്‍ രാജ ഭരണം ആരംഭിക്കുന്നതിനുമുന്‍പ്‌ ഏദോം നാട്ടിലെ ഭരണാധികാരികള്‍ ഇവരായിരുന്നു;
Verse 32: ബേയോറിന്‍െറ മകനായ ബേല ഏദോമില്‍ ഭരിച്ചു. അവന്‍െറ പട്ടണത്തിന്‍െറ പേര്‌ ദിന്‍ഹാബാ എന്നായിരുന്നു.
Verse 33: ബേല മരിച്ചപ്പോള്‍ ബൊസ്രായിലെ സേറഹിന്‍െറ മകനായ യോബാബ്‌ രാജാവായി.
Verse 34: യോബാബ്‌ മരിച്ചപ്പോള്‍ തേമാന്യനായ ഹൂഷാം രാജാവായി.
Verse 35: ഹൂഷാം മരിച്ചപ്പോള്‍ ബദാദിന്‍െറ പുത്രനായ ഹദാദ്‌ രാജാവായി. അവന്‍ മൊവാബുദേശത്തുവച്ച്‌ മിദിയാനെ തോല്‍പിച്ചു. അവന്‍െറ പട്ടണത്തിന്‍െറ പേര്‌ അവിത്‌ എന്നായിരുന്നു.
Verse 36: ഹദാദ്‌ മരിച്ചപ്പോള്‍ മസ്‌റേക്കായിലെ സമ്‌ലാ രാജാവായി.
Verse 37: സമ്‌ലാ മരിച്ചപ്പോള്‍ നദീതീരത്തുള്ള റഹോബോത്തിലെ സാവൂള്‍ രാജാവായി.
Verse 38: സാവൂള്‍ മരിച്ചപ്പോള്‍ അക്‌ബോറിന്‍െറ മകനായ ബാല്‍ഹാനാന്‍ രാജാവായി.
Verse 39: അക്‌ബോറിന്‍െറ മകനായ ബാല്‍ഹാനാന്‍മരിച്ചപ്പോള്‍ ഹദാറാണു തല്‍സ്‌ഥാനത്തു ഭരിച്ചത്‌. അവന്‍െറ പട്ടണത്തിന്‍െറ പേര്‌ പാവൂ എന്നായിരുന്നു. മെസാഹാബിന്‍െറ പൗത്രിയും മത്രദിന്‍െറ പുത്രിയുമായ മെഹേത്തബേല്‍ ആയിരുന്നു അവന്‍െറ ഭാര്യ.
Verse 40: കുടുംബവും വാസസ്‌ഥലവും പേരുമനുസരിച്ച്‌, ഏസാവില്‍നിന്നുദ്‌ഭവി ച്ചപ്രമുഖര്‍ തിമ്‌ന, അല്‍വാ, യത്തത്ത്‌,
Verse 41: ഒഹോലിബാമാ, ഏലാ, പിനോന്‍,
Verse 42: കെനസ്‌, തേമാന്‍, മിബ്‌സാര്‍,
Verse 43: മഗ്‌ദിയേല്‍, ഈറാം എന്നിവരായിരുന്നു. തങ്ങള്‍ കൈയടക്കിയ നാട്ടിലെ താമസസ്‌ഥലമനുസരിച്ച്‌ ഏദോംകാരുടെ പ്രമാണികള്‍ ഇവരായിരുന്നു. ഏസാവാണ്‌ ഏദോംകാരുടെ പിതാവ്‌.