Verse 1: അബ്രാഹം കെത്തൂറാ എന്നു പേരായ ഒരു സ്‌ത്രീയെ വിവാഹംചെയ്‌തു.
Verse 2: അവളില്‍ അവനു സിമ്‌റാന്‍, യോക്ഷാന്, മെദാന്‍, മിദിയാന്‍, ഇഷ്‌ബാക്ക്‌, ഷൂവാഹ്‌ എന്നിവര്‍ ജനിച്ചു.
Verse 3: യോക്ഷാന് ഷെബായും ദദാനും ജനിച്ചു. ദദാന്‍െറ മക്കളാണ്‌ അഷൂറിം, ലത്തുഷിം, ലവുമിം എന്നിവര്‍.
Verse 4: മിദിയാന്‍െറ മക്കള്‍ ഏഫാ, ഏഫെര്‍, ഹനോക്ക്‌, അബീദാ, എല്‍ദാ എന്നിവരാണ്‌.
Verse 5: ഇവര്‍ കെത്തൂറായുടെ സന്താനങ്ങളാണ്‌. അബ്രാഹം തനിക്കുണ്ടായിരുന്നതെല്ലാം ഇസഹാക്കിനു കൊടുത്തു.
Verse 6: തന്‍െറ ഉപനാരികളിലുണ്ടായ മക്കള്‍ക്കും അബ്രാഹം ധാരാളം സമ്മാനങ്ങള്‍ നല്‍കി. താന്‍ ജീവിച്ചിരുന്നപ്പോള്‍ത്തന്നെ അവരെയെല്ലാം മകനായ ഇസഹാക്കില്‍നിന്നു ദൂരെ, കിഴക്കന്‍ ദേശത്തേക്ക്‌ അയച്ചു.
Verse 7: അബ്രാഹത്തിന്‍െറ ആയുഷ്‌കാലം നൂറ്റെഴുപത്തഞ്ചുവര്‍ഷമായിരുന്നു.
Verse 8: തന്‍െറ വര്‍ഷങ്ങള്‍ പൂര്‍ത്തിയായപ്പോള്‍ തികഞ്ഞവാര്‍ധക്യത്തില്‍ അബ്രാഹം അന്ത്യശ്വാസം വലിക്കുകയും തന്‍െറ ജനത്തോടു ചേരുകയും ചെയ്‌തു.
Verse 9: മക്കളായ ഇസഹാക്കും ഇസ്‌മായേലും മാമ്രയുടെ എതിര്‍വശത്തു സോഹാര്‍ എന്ന ഹിത്യന്‍െറ മകനായ എഫ്രാണിന്‍െറ വകയായിരുന്ന മക്‌പെലാഗുഹയില്‍ അവനെ അടക്കി.
Verse 10: ഹിത്യരില്‍ നിന്ന്‌ അബ്രാഹം വിലയ്‌ക്കു വാങ്ങിയതായിരുന്നു ആ വയല്‍. അവിടെ അബ്രാഹം ഭാര്യ സാറായോടൊപ്പം സംസ്‌കരിക്കപ്പെട്ടു.
Verse 11: അബ്രാഹത്തിന്‍െറ മരണത്തിനുശേഷം ദൈവം അവന്‍െറ പുത്രന്‍ ഇസഹാക്കിനെ അനുഗ്രഹിച്ചു. അവന് ബേര്‍ല്‌ഹായ്‌റോയില്‍ പാര്‍ത്തു.
Verse 12: സാറായുടെ ദാസിയായ ഈജിപ്‌തുകാരി ഹാഗാറില്‍ അബ്രാഹത്തിനുണ്ടായ ഇസ്‌മായേലിന്‍െറ മക്കള്‍ ഇവരാണ്‌.
Verse 13: ജനനക്രമമനുസരിച്ച്‌ ഇസ്‌മായേലിന്‍െറ മക്കളുടെ പേരു വിവരം: ഇസ്‌മായേലിന്‍െറ കടിഞ്ഞൂല്‍പുത്രന്‍ നെബായോത്ത്‌. തുടര്‍ന്ന്‌ കേദാര്‍, അദ്‌ബേല്‍, മിബ്‌സാം,
Verse 14: മിഷ്‌മാ, ദൂമാ, മസ്‌സാ,
Verse 15: ഹദാദ്‌, തേമാ, യത്തൂര്‍, നഫീഷ്‌, കേദെമാ.
Verse 16: ഇവരാണ്‌ ഇസ്‌ മായേലിന്‍െറ പുത്രന്‍മാര്‍. ഗ്രാമങ്ങളും ആസ്‌ഥാനങ്ങളുമനുസരിച്ച്‌ അവരുടെ വംശത്തിലെ പന്ത്രണ്ടു പ്രഭുക്കന്‍മാരുടെ പേരുകളാണിവ.
Verse 17: ഇസ്‌മായേലിന്‍െറ ആയുഷ്‌കാലം നൂറ്റിമുപ്പത്തേഴു വര്‍ഷമായിരുന്നു. അവന് അന്ത്യശ്വാസം വലിക്കുകയും തന്‍െറ ബന്ധുക്കളോടു ചേരുകയും ചെയ്‌തു.
Verse 18: ഹവിലാ മുതല്‍ ഷൂര്‍വരെയുള്ള ദേശത്ത്‌ അവര്‍ വാസമുറപ്പിച്ചു. അസ്‌സീറിയായിലേക്കുള്ള വഴിയില്‍ ഈജിപ്‌തിന്‍െറ എതിര്‍വശത്താണ്‌ ഷൂര്‍. അവര്‍ ചാര്‍ച്ചക്കാരില്‍ നിന്നെല്ലാം അകന്നാണു ജീവിച്ചത്‌.
Verse 19: അബ്രാഹത്തിന്‍െറ പുത്രനായ ഇസഹാക്കിന്‍െറ വംശാവലി: അബ്രാഹത്തിന്‍െറ മകന്‍ ഇസഹാക്ക്‌.
Verse 20: ഇസഹാക്കിനു നാല്‍പതു വയസ്‌സുള്ളപ്പോള്‍ അവന് റബേക്കായെ ഭാര്യയായി സ്വീകരിച്ചു. അവള്‍ പാദാന്‍ആരാമിലുള്ള ബത്തുവേലിന്‍െറ പുത്രിയും ലാബാന്‍െറ സഹോദരിയുമായിരുന്നു. അവര്‍ അരമായരായിരുന്നു.
Verse 21: ഇസഹാക്ക്‌ തന്‍െറ വന്‌ധ്യയായ ഭാര്യയ്‌ക്കു വേണ്ടി കര്‍ത്താവിനോടു പ്രാര്‍ഥിച്ചു. കര്‍ത്താവ്‌ അവന്‍െറ പ്രാര്‍ഥന കേള്‍ക്കുകയും റബേക്കാ ഗര്‍ഭിണിയാവുകയും ചെയ്‌തു.
Verse 22: അവ ളുടെ ഉദരത്തില്‍ക്കിടന്നു കുഞ്ഞുങ്ങള്‍ മല്ലിട്ടപ്പോള്‍ അവള്‍ കര്‍ത്താവിനോടു ചോദിച്ചു: ഇങ്ങനെയെങ്കില്‍ എനിക്കെന്തു സംഭവിക്കും? അവള്‍ കര്‍ത്താവിന്‍െറ തിരുമന സ്‌സറിയാന്‍ പ്രാര്‍ഥിച്ചു.
Verse 23: കര്‍ത്താവ്‌ അവളോട്‌ അരുളിച്ചെയ്‌തു: രണ്ടു വംശങ്ങളാണ്‌ നിന്‍െറ ഉദരത്തിലുള്ളത്‌. നിന്നില്‍നിന്നു പിറക്കുന്നവര്‍ രണ്ടു ജനതകളായിപ്പിരിയും. ഒന്ന്‌ മറ്റേതിനെക്കാള്‍ ശക്‌തമായിരിക്കും. മൂത്തവന്‍ ഇളയവനു ദാസ്യവൃത്തി ചെയ്യും.
Verse 24: അവള്‍ക്കു മാസം തികഞ്ഞപ്പോള്‍ അവളുടെ ഉദരത്തില്‍ രണ്ടു ശിശുക്കള്‍.
Verse 25: ആദ്യം പുറത്തുവന്നവന്‍ ചെമന്നിരുന്നു. അവന്‍െറ ദേഹം മുഴുവന്‍ രോമക്കുപ്പായമിട്ടതുപോലെയായിരുന്നു. അവര്‍ അവന് ഏസാവ്‌ എന്നു പേരിട്ടു.
Verse 26: അതിനുശേഷം അവന്‍െറ സഹോദരന്‍ പുറത്തുവന്നു. ഏസാവിന്‍െറ കുതികാലില്‍ അവന് പിടിച്ചിരുന്നു. അവനെ യാക്കോബ്‌ എന്നുവിളിച്ചു. ഇസഹാക്കിന്‌ അറുപതു വയസ്‌സായപ്പോഴാണ്‌ അവള്‍ അവരെ പ്രസവിച്ചത്‌.
Verse 27: കുട്ടികള്‍ വളര്‍ന്നുവന്നു. ഏസാവ്‌ നായാട്ടില്‍ സമര്‍ഥനും കൃഷിക്കാരനുമായി. യാക്കോബ്‌ ശാന്തനായിരുന്നു. അവന് കൂടാരങ്ങളില്‍ പാര്‍ത്തു.
Verse 28: വേട്ടയാടി കൊണ്ടുവന്നിരുന്ന മാംസം തിന്നാന്‍ കിട്ടിയിരുന്നതിനാല്‍ ഇസഹാക്ക്‌ ഏസാവിനെ വളരെയ ധികം സ്‌നേഹിച്ചിരുന്നു. റബേക്കായ്‌ക്ക്‌ യാക്കോബിനോടായിരുന്നു കൂടുതല്‍ സ്‌നേഹം.
Verse 29: ഒരിക്കല്‍ യാക്കോബ്‌ പായസമുണ്ടാക്കിക്കൊണ്ടിരുന്നപ്പോള്‍ ഏസാവ്‌ വിശന്നുതളര്‍ന്നു വയലില്‍നിന്നുവന്നു.
Verse 30: അവന് യാക്കോബിനോടു പറഞ്ഞു: ആ ചെമന്ന പായസം കുറച്ച്‌ എനിക്കു തരുക; ഞാന്‍ വളരെ ക്‌ഷീണിച്ചിരിക്കുന്നു. അതിനാല്‍ അവന് ഏദോം എന്നു പേരുണ്ടായി.
Verse 31: യാക്കോബ്‌ പ്രതിവചിച്ചു: ആദ്യം നിന്‍െറ കടിഞ്ഞൂല വകാശം എനിക്കു വിട്ടുതരുക.
Verse 32: ഏസാവു പറഞ്ഞു: ഞാന്‍ വിശന്നു ചാകാറായി. കടിഞ്ഞൂലവകാശം കൊണ്ട്‌ എനിക്കിനി എന്തു പ്രയോജനം?
Verse 33: യാക്കോബ്‌ പറഞ്ഞു: ആദ്യം എന്നോടു ശപഥം ചെയ്യുക. ഏസാവ്‌ ശപഥം ചെയ്‌തു. അവന് തന്‍െറ കടിഞ്ഞൂലവകാശം യാക്കോബിനു വിട്ടുകൊടുത്തു.
Verse 34: യാക്കോബ്‌ അവന് അപ്പവും പയറുപായ സവും കൊടുത്തു. തീറ്റിയും കുടിയും കഴിഞ്ഞ്‌ അവന് എഴുന്നേറ്റുപോയി. അങ്ങനെ ഏസാവ്‌ തന്‍െറ കടിഞ്ഞൂലവകാശം നിസ്സാരമായി കരുതി.