Verse 1: ഇസഹാക്ക്‌ യാക്കോബിനെ വിളിച്ച്‌ അനുഗ്രഹിച്ചുകൊണ്ടു പറഞ്ഞു: കാനാന്യസ്‌ത്രീകളില്‍ ആരെയും നീ വിവാഹം കഴിക്കരുത്‌.
Verse 2: പാദാന്‍ആരാമില്‍ നിന്‍െറ അമ്മയുടെ പിതാവായ ബത്തുവേലിന്‍െറ വീട്ടിലേക്കു പോവുക. അമ്മയുടെ സഹോദരനായ ലാബാന്‍െറ പുത്രിമാരിലൊരാളെ ഭാര്യയായി സ്വീകരിക്കുക.
Verse 3: സര്‍വശക്‌തനായദൈവം നിന്നെ അനുഗ്രഹിച്ച്‌, സമൃദ്‌ധമായി വര്‍ധിപ്പിച്ച്‌, നിന്നില്‍ നിന്നു പല ജനതകളെ ഉളവാക്കട്ടെ!
Verse 4: അബ്രാഹത്തിന്‍െറ അനുഗ്രഹം നിനക്കും നിന്‍െറ സന്തതികള്‍ക്കുമായി അവിടുന്നു നല്‍കട്ടെ! നീ ഇപ്പോള്‍ പരദേശിയായി പാര്‍ക്കുന്നതും, ദൈവം അബ്രാഹത്തിനു നല്‍കിയതുമായ ഈ നാട്‌ നീ അവകാശപ്പെടുത്തുകയും ചെയ്യട്ടെ!
Verse 5: അങ്ങനെ ഇസഹാക്ക്‌ യാക്കോബിനെ പറഞ്ഞയച്ചു. അവന് പാദാന്‍ആരാമിലുള്ള, ലാ ബാന്‍െറ അടുക്കലേക്കു പോയി. അരമായനായ ബത്തുവേലിന്‍െറ മകനും, യാക്കോ ബിന്‍െറയും ഏസാവിന്‍െറയും അമ്മറബേക്കായുടെ സഹോദരനും ആണ്‌ ലാബാന്‍.
Verse 6: ഇസഹാക്ക്‌ യാക്കോബിനെ അനുഗ്രഹിച്ചതും പാദാന്‍ആരാമില്‍ നിന്നു ഭാര്യയെ കണ്ടുപിടിക്കുന്നതിന്‌ അങ്ങോട്ട്‌ അവനെ പറഞ്ഞയച്ചതും ഏസാവ്‌ അറിഞ്ഞു. അവനെ അനുഗ്രഹിച്ചപ്പോള്‍ കാനാന്യസ്‌ത്രീകളില്‍നിന്നു ഭാര്യയെ സ്വീകരിക്കരുത്‌ എന്ന്‌ അവന് യാക്കോബിനോടു കല്‍പിച്ചെന്നും
Verse 7: തന്‍െറ മാതാപിതാക്കളെ അനുസരിച്ച്‌ യാക്കോബ്‌ പാദാന്‍ആരാമിലേക്കു പോയെന്നും ഏസാവ്‌ മനസ്‌സിലാക്കി.
Verse 8: കാനാന്യസ്‌ത്രീകളെ തന്‍െറ പിതാവായ ഇസഹാക്കിന്‌ ഇഷ്‌ടമല്ലെന്നു മനസ്‌സിലായപ്പോള്‍
Verse 9: ഏസാവ്‌ അബ്രാഹത്തിന്‍െറ മകനായ ഇസ്‌മായേലിന്‍െറ അടുത്തു ചെന്ന്‌ അവന്‍െറ മകളും നെബായോത്തിന്‍െറ സഹോദരിയുമായ മഹലത്തിനെ ഭാര്യയായി സ്വീകരിച്ചു. അവനുണ്ടായിരുന്ന മറ്റു ഭാര്യമാര്‍ക്ക്‌ പുറമേയായിരുന്നു ഇവള്‍.
Verse 10: യാക്കോബ്‌ ബേര്‍ഷെബായില്‍നിന്നു ഹാരാനിലേക്കു പുറപ്പെട്ടു.
Verse 11: സൂര്യന്‍ അ സ്‌തമിച്ചപ്പോള്‍ അവന് വഴിക്ക്‌ ഒരിടത്ത്‌ തങ്ങുകയും രാത്രി അവിടെ ചെലവഴിക്കുകയും ചെയ്‌തു. ഒരു കല്ലെടുത്തു തലയ്‌ക്കു കീഴേവച്ച്‌ അവന് ഉറങ്ങാന്‍ കിടന്നു. അവന് ഒരു ദര്‍ശനം ഉണ്ടായി:
Verse 12: ഭൂമിയില്‍ ഉറപ്പിച്ചിരുന്ന ഒരു ഗോവണി - അതിന്‍െറ അറ്റം ആകാശത്തു മുട്ടിയിരുന്നു. ദൈവദൂതന്‍മാര്‍അതിലൂടെ കയറുകയും ഇറങ്ങുകയും ചെയ്‌തുകൊണ്ടിരുന്നു.
Verse 13: ഗോവണിയുടെ മുകളില്‍ നിന്നുകൊണ്ടു കര്‍ത്താവ്‌ അരുളിച്ചെയ്‌തു: ഞാന്‍ നിന്‍െറ പിതാവായ അബ്രാഹത്തിന്‍െറയും ഇസഹാക്കിന്‍െറയും ദൈവമായ കര്‍ത്താവാണ്‌. നീ കിടക്കുന്ന ഈ മണ്ണു നിനക്കും നിന്‍െറ സന്തതികള്‍ക്കും ഞാന്‍ നല്‍കും.
Verse 14: നിന്‍െറ സന്തതികള്‍ ഭൂമിയിലെ പൂഴിപോലെ എണ്ണമറ്റവരായിരിക്കും. കിഴക്കോട്ടും പടിഞ്ഞാറോട്ടും തെക്കോട്ടും വടക്കോട്ടും നിങ്ങള്‍ വ്യാപിക്കും. നിന്നിലൂടെയും നിന്‍െറ സന്തതികളിലൂടെയും ഭൂമിയിലെ ഗോത്രങ്ങളെല്ലാം അനുഗ്രഹിക്കപ്പെടും.
Verse 15: ഇതാ, ഞാന്‍ നിന്നോടു കൂടെയുണ്ട്‌. നീ പോകുന്നിടത്തെല്ലാം ഞാന്‍ നിന്നെ കാത്തുരക്‌ഷിക്കും, നിന്നെ ഈ നാട്ടിലേക്കു തിരിയേ കൊണ്ടുവരും. നിന്നോടു പറഞ്ഞതൊക്കെ നിറവേറ്റുന്നതുവരെ ഞാന്‍ നിന്നെ കൈവിടുകയില്ല.
Verse 16: അപ്പോള്‍ യാക്കോബ്‌ ഉറക്കത്തില്‍ നിന്നുണര്‍ന്നു. അവന് പറഞ്ഞു: തീര്‍ച്ചയായും കര്‍ത്താവ്‌ ഈ സ്‌ഥലത്തുണ്ട്‌.
Verse 17: എന്നാല്‍, ഞാന്‍ അതറിഞ്ഞില്ല. ഭീതിപൂണ്ട്‌ അവന് പറഞ്ഞു: ഈ സ്‌ഥലം എത്ര ഭയാനകമാണ്‌! ഇതു ദൈവത്തിന്‍െറ ഭവനമല്ലാതെ മറ്റൊന്നുമല്ല. സ്വര്‍ഗത്തിന്‍െറ കവാടമാണിവിടം.
Verse 18: യാക്കോബ്‌ അതിരാവിലെ എഴുന്നേറ്റു തലയ്‌ക്കു കീഴേ വച്ചിരുന്ന കല്ലെടുത്ത്‌ ഒരു തൂണായി കുത്തിനിര്‍ത്തി അതിന്‍മേല്‍ എണ്ണയൊഴിച്ചു.
Verse 19: അവന് ആ സ്‌ഥലത്തിനു ബഥേല്‍ എന്നുപേരിട്ടു. ലൂസ്‌ എന്നായിരുന്നു ആ പട്ടണത്തിന്‍െറ ആദ്യത്തെ പേര്‌.
Verse 20: അതുകഴിഞ്ഞ്‌ യാക്കോബ്‌ ഒരു പ്രതിജ്‌ഞചെയ്‌തു: ദൈവമായ കര്‍ത്താവ്‌ എന്‍െറ കൂടെ ഉണ്ടായിരിക്കുകയും, ഈയാത്രയില്‍ എന്നെ സംരക്‌ഷിക്കയും,
Verse 21: എനിക്ക്‌ ഉണ്ണാനും ഉടുക്കാനും തരുകയും, എന്‍െറ പിതാവിന്‍െറ വീട്ടിലേക്കു സമാധാനത്തോടെ ഞാന്‍ തിരിച്ചെത്തുകയും ചെയ്‌താല്‍ കര്‍ത്താവായിരിക്കും എന്‍െറ ദൈവം.
Verse 22: തൂണായി കുത്തിനിര്‍ത്തിയിരിക്കുന്ന ഈ കല്ലുദൈവത്തിന്‍െറ ഭവനമായിരിക്കും. അവിടുന്ന്‌ എനിക്കു തരുന്നതിന്‍െറ യെല്ലാം പത്തിലൊന്ന്‌ ഞാന്‍ അവിടുത്തേക്കു സമര്‍പ്പിക്കുകയും ചെയ്യും.