Verse 1: ഇസ്രായേല്യര്‍ ഹെബ്രാണില്‍ ദാവീദിന്‍െറ അടുക്കല്‍ ഒന്നിച്ചുകൂടി പറഞ്ഞു: ഞങ്ങള്‍ നിന്‍െറ അസ്‌ഥിയും മാംസവുമാണ്‌.
Verse 2: മുന്‍പ്‌ സാവൂള്‍ രാജാവായിരുന്ന കാലത്തും നീയാണ്‌ ഇസ്രായേലിനെ നയിച്ചത്‌. നീ എന്‍െറ ജനമായ ഇസ്രായേലിന്‌ ഇടയനും രാജാവുമായിരിക്കും എന്ന്‌ കര്‍ത്താവ്‌ നിന്നോട്‌ അരുളിച്ചെയ്‌തിട്ടുണ്ട്‌.
Verse 3: ഇസ്രായേല്‍ ശ്രഷ്‌ഠന്‍മാര്‍ ഹെബ്രാണില്‍ രാജാവിന്‍െറ അടുക്കല്‍ വന്നു. കര്‍ത്തൃസന്നിധിയില്‍ ദാവീദ്‌ അവരോട്‌ ഉടമ്പടി ചെയ്‌തു. സാമുവലിലൂടെ കര്‍ത്താവ്‌ അരുളിച്ചെയ്‌തതനുസരിച്ച്‌ അവന്‍ ദാവീദിനെ ഇസ്രായേല്‍രാജാവായി അഭിഷേകം ചെയ്‌തു.
Verse 4: അനന്തരം, ദാവീദും ഇസ്രായേല്യരും ജറുസലെമിലേക്കു പോയി. ജബൂസ്‌ എന്നാണ്‌ ജറുസലെം അറിയപ്പെട്ടിരുന്നത്‌; അവിടത്തെനിവാസികള്‍ ജബൂസ്യര്‍ എന്നും.
Verse 5: നീ ഇവിടെ കടക്കുകയില്ല എന്ന്‌ ജബൂസ്യര്‍ ദാവീദിനോടു പറഞ്ഞു. എങ്കിലും ദാവീദ്‌ സീയോന്‍കോട്ട പിടി ച്ചെടുത്തു. അതാണ്‌ ദാവീദിന്‍െറ നഗരം.
Verse 6: ദാവീദ്‌ പറഞ്ഞു: ജബൂസ്യരെ ആദ്യം നിഹനിക്കുന്നവന്‍മുഖ്യസേനാനായകനായിരിക്കും. സെരൂയായുടെ മകന്‍ യോവാബ്‌ ആദ്യം കയറിച്ചെന്നു. അവനെ സേനാനായകന്‍ ആക്കുകയും ചെയ്‌തു.
Verse 7: സീയോന്‍ കോട്ടയില്‍ ദാവീദ്‌ താമസിച്ചതിനാല്‍ അതിനു ദാവീദിന്‍െറ നഗരം എന്നു പേരു വന്നു.
Verse 8: പിന്നെ അവന്‍ നഗരത്തെ മില്ലോ മുതല്‍ ചുറ്റും പണിതുറപ്പിച്ചു. നഗരത്തിന്‍െറ ബാക്കിഭാഗങ്ങള്‍ യോവാബ്‌ പുനരുദ്‌ധരിച്ചു.
Verse 9: സൈന്യങ്ങളുടെ കര്‍ത്താവ്‌ കൂടെ ഉണ്ടായിരുന്നതിനാല്‍ ദാവീദ്‌ മേല്‍ക്കുമേല്‍ പ്രാബല്യം നേടി.
Verse 10: കര്‍ത്താവ്‌ അരുളിച്ചെയ്‌തതനുസരിച്ച്‌ ദാവീദിനെ ഇസ്രായേലില്‍ രാജാവാകാന്‍ ജനത്തോടൊപ്പം സഹായി ച്ചയോദ്‌ധാക്കളില്‍ പ്രമുഖര്‍:
Verse 11: മൂവരില്‍ പ്രമുഖനും ഹക്‌മോന്യനുമായയഷോബയാം. അവന്‍ മുന്നൂറുപേരെ ഒന്നിച്ചു കുന്തംകൊണ്ടു കൊന്നു.
Verse 12: മൂവ രില്‍ രണ്ടാമന്‍ അഹോഹ്യനായ ദോദോയുടെ പുത്രന്‍ എലെയാസര്‍.
Verse 13: ഫിലിസ്‌ത്യര്‍ പസ്‌ദമ്മീമില്‍ അണിനിരന്നപ്പോള്‍ അവന്‍ ദാവീദിനോടുകൂടെ ഒരു ബാര്‍ലിവയലില്‍ ആയിരുന്നു. ജനം ഫിലിസ്‌ത്യരുടെ മുന്‍പില്‍നിന്ന്‌ ഓടിക്കളഞ്ഞു.
Verse 14: എന്നാല്‍ അവന്‍ വയലിന്‍െറ മധ്യത്തില്‍നിന്ന്‌ അതു കാക്കുകയും ഫിലിസ്‌ത്യരെ വെട്ടിവീഴ്‌ത്തുകയും ചെയ്‌തു. കര്‍ത്താവ്‌ ഒരു വന്‍വിജയം നല്‍കി അവരെ രക്‌ഷിച്ചു.
Verse 15: ഫിലിസ്‌ത്യര്‍ റഫായിംതാഴ്‌വരയില്‍ കൂടാരമടിച്ചപ്പോള്‍, മുപ്പതു തലവന്‍മാരില്‍ മൂന്നുപേര്‍ അദുല്ലാംശിലാഗുഹയില്‍ ദാവീദിന്‍െറ അടുത്തേക്ക്‌ ചെന്നു.
Verse 16: ദാവീദ്‌ സുരക്‌ഷിതസങ്കേതത്തിലായിരുന്നു. ഫിലിസ്‌ത്യരുടെ പട്ടാളം ബേത്‌ലെഹെ മില്‍ പാളയമടിച്ചിരുന്നു.
Verse 17: ദാവീദ്‌ ആര്‍ത്തിയോടെ ചോദിച്ചു: ബേത്‌ലെഹെം പട്ടണവാതില്‍ക്കലെ കിണറ്റില്‍നിന്ന്‌ ആരെനിക്കു വെള്ളം കുടിക്കാന്‍ കൊണ്ടുവരും?
Verse 18: ആ മൂന്നുപേര്‍ ഉടനെ ഫിലിസ്‌ത്യരുടെ പാളയത്തിലൂടെ കടന്ന്‌ ബേത്‌ലെഹെംപട്ടണവാതില്‍ക്കലെ കിണറ്റില്‍ നിന്നു വെള്ളം കോരി ദാവീദിന്‌ കുടിക്കാന്‍ കൊണ്ടുവന്നു. ദാവീദ്‌ അതു കുടിക്കാതെ ദൈവത്തിനു സമര്‍പ്പിച്ചുകൊണ്ടു പറഞ്ഞു:
Verse 19: എന്‍െറ ദൈവത്തിന്‍െറ സന്നിധിയില്‍ ഞാന്‍ ഇതു ചെയ്യാനിടയാകാതിരിക്കട്ടെ! ഞാന്‍ ഇവരുടെ ജീവരക്‌തം കുടിക്കുകയോ? പ്രാണന്‍ പണയംവച്ചാണല്ലോ അവര്‍ ഇതു കൊണ്ടുവന്നത്‌. അതു കുടിക്കാന്‍ അവനു മനസ്‌സുവന്നില്ല. മൂന്നു യോദ്‌ധാക്കള്‍ ചെയ്‌ത കാര്യമാണിത്‌.
Verse 20: യോവാബിന്‍െറ സഹോദരന്‍ അബിഷായി ആയിരുന്നു മുപ്പതുപേരില്‍ പ്രമുഖന്‍. അവന്‍ മുന്നൂറുപേരെ ഒന്നിച്ചു കുന്തംകൊണ്ടു വധിച്ചു. ഇവനും മൂവര്‍ക്കുംപുറമേ കീര്‍ത്തിമാനായി.
Verse 21: അവന്‍ മുപ്പതുപേരില്‍ ഏറ്റവും പ്രശസ്‌തനും അവരുടെ അധിപനും ആയിരുന്നു. എന്നാല്‍, അവന്‍ മൂവരോടൊപ്പം എത്തിയില്ല.
Verse 22: കബ്‌സേല്‍ക്കാരനും പരാക്രമശാലിയുംയഹോയാദായുടെ പുത്രനുമായ ബനായാ വീരകൃത്യങ്ങള്‍ ചെയ്‌തവനാണ്‌. ഇവന്‍ മൊവാബിലെ രണ്ടു ധീരന്‍മാരെ വധിച്ചതിനു പുറമേ മഞ്ഞുകാലത്ത്‌ ഒരു ഗുഹയില്‍ കടന്ന്‌ ഒരു സിംഹത്തെയും കൊന്നു.
Verse 23: അഞ്ചുമുഴം ഉയരമുള്ള ദീര്‍ഘകായനായ ഒരു ഈജിപ്‌തുകാരനെയും അവന്‍ സംഹരിച്ചു. ഈജിപ്‌തുകാരന്‍െറ കൈയില്‍ നെയ്‌ത്തുകാരന്‍െറ ഓടംപോലുള്ള ഒരു കുന്തമുണ്ടായിരുന്നു. ബനായാ ഒരു വടിയുമായി അവനെ സമീപിച്ച്‌ കുന്തം പിടിച്ചുപറിച്ച്‌ അതുകൊണ്ടു തന്നെ അവനെ സംഹരിച്ചു.
Verse 24: ഇവയെല്ലാംയഹോയാദായുടെ മകന്‍ ബനായാ ചെയ്‌തതാണ്‌. അങ്ങനെ, പരാക്രമശാലികളായ മൂവര്‍ക്കു പുറമേ അവനും പ്രശസ്‌തനായി.
Verse 25: അവന്‍ മുപ്പതുപേര്‍ക്കിടയില്‍ കീര്‍ത്തിമാന്‍ ആയിരുന്നെങ്കിലും മൂവരോടൊപ്പം എത്തിയില്ല. ദാവീദ്‌ അവനെ അംഗരക്‌ഷകരില്‍ ഒരാളായി നിയമിച്ചു.
Verse 26: സൈന്യത്തിലെ രണശൂരന്‍മാര്‍: യോവാബിന്‍െറ സഹോദരന്‍ അസഹേല്‍, ബേത്‌ ലെഹെംകാരന്‍ ദോദോയുടെ പുത്രന്‍ എല്‍ഹനാന്‍,
Verse 27: ഹരോദിലെ ഷമ്മോത്ത്‌, പെലോന്യനായ ഹേലെസ്‌, തെക്കോവായിലെ
Verse 28: ഇക്കെഷിന്‍െറ മകന്‍ ഈരാ, അനാത്തോത്തിലെ അബിയേസര്‍,
Verse 29: ഹുഷാത്യന്‍ സിബെക്കായി, അഹോഹ്യന്‍ ഈലായി,
Verse 30: നെത്തോഫായിലെ മഹറായി, നെത്തോഫായിലെ ബാനായുടെ മകന്‍ ഹെലെദ്‌,
Verse 31: ബഞ്ചമിന്‍െറ ഗിബയായിലെ റിബായിയുടെ മകന്‍ ഇത്തായി, പിറാത്തോനിലെ ബനായാ,
Verse 32: ഗാഷ്‌അരുവിക്കരയിലെ ഹുറായി, അര്‍ബാത്യനായ അബിയേല്‍,
Verse 33: ബഹറൂമിലെ അസ്‌മാവെത്‌, ഷാല്‍ബോനിലെ എലിയാബാ,
Verse 34: ഗിസോന്യനായ ഹാഷെം, ഹരാറിലെ ഷാഗിയുടെ മകന്‍ ജോനാഥാന്‍,
Verse 35: ഹരാറിലെ സഖാറിന്‍െറ മകന്‍ അഹിയാം, ഊറിന്‍െറ മകന്‍ എലിഫാല്‍,
Verse 36: മെക്കെറാത്യനായ ഫേഫെര്‍, പെലോന്യനായ അഹിയാ,
Verse 37: കാര്‍മ്മലിലെ ഹെസ്‌റോ, എസ്‌ബായിയുടെ മകന്‍ നാരായ്‌,
Verse 38: നാഥാന്‍െറ സഹോദരന്‍ ജോയേല്‍, ഹഗ്‌റിയുടെ മകന്‍ മിബ്‌ഹാര്‍,
Verse 39: അമ്മോന്യനായ സേലക്‌, സെരൂയായുടെ മകനായ യോവാബിന്‍െറ ആയുധവാഹകനും ബേറോത്തുകാരനുമായ നഹറായ്‌,
Verse 40: ഇത്യ്രരായ ഈരായും ഗാരെബും,
Verse 41: ഹിത്യനായ ഊറിയാ, അഹ്‌ലായുടെ മകന്‍ സാബാഗ്‌,
Verse 42: റൂബന്‍ഗോത്രജനായ ഷിസയുടെ മകനും റൂബന്‍ഗോത്രത്തിലെ ഒരു നേതാവുമായ അദീനായും കൂടെ മുപ്പതുപേരും,
Verse 43: മാഖായുടെ പുത്രന്‍ ഹാനാന്‍, മിത്‌കാരനായ യോഷാഫാത്‌,
Verse 44: അഷ്‌തേറാത്തുകാരന്‍ ഉസിയ. അരോവറില്‍നിന്നുള്ള ഹോത്താമിന്‍െറ പുത്രന്‍മാര്‍: ഷാമാ, ജയിയേല്‍,
Verse 45: ഷിമ്‌റിയുടെ മകന്‍ യദിയായേല്‍, അവന്‍െറ സഹോദരന്‍ തിസ്യനായ യോഹാ,
Verse 46: മഹാവ്യനായ എലിയേല്‍, എല്‍നാമിന്‍െറ പുത്രന്‍മാരായയറിബായ്‌, യോഷാവിയാ, മൊവാബ്യനായ ഇത്‌മാ,
Verse 47: എലിയേല്‍, ഓബദ്‌, മെസോബ്യനായയസിയേല്‍.