Verse 1: ദാവീദ്‌ ജറുസലെമില്‍ തനിക്കുവേണ്ടി കൊട്ടാരങ്ങള്‍ നിര്‍മിച്ചു; ദൈവത്തിന്‍െറ പേടകത്തിനു സ്‌ഥലം ഒരുക്കി; കൂടാരം പണിതു.
Verse 2: ദാവീദ്‌ ആജ്‌ഞാപിച്ചു: കര്‍ത്താവിന്‍െറ പേടകം വഹിക്കാനും അവിടുത്തേക്ക്‌ എന്നും ശുശ്രൂഷ ചെയ്യാനും പ്രത്യേകം തിരഞ്ഞെടുക്കപ്പെട്ടിട്ടുള്ള ലേവ്യരല്ലാതെ മറ്റാരും പേടകം വഹിക്കരുത്‌.
Verse 3: സജ്‌ജമാക്കിയ സ്‌ഥലത്തേക്ക്‌ പേടകം കൊണ്ടുവരാന്‍ ദാവീദ്‌ ഇസ്രായേല്യരെ ജറുസലെമില്‍ വിളിച്ചുകൂട്ടി.
Verse 4: അഹറോന്‍െറ പുത്രന്‍മാരെയും, ലേവ്യരെയും ദാവീദ്‌ വിളിച്ചു;
Verse 5: ലേവ്യഗോത്രത്തില്‍നിന്നു വന്നവര്‍: കൊഹാത്തുകുടുംബത്തലവനായ ഊറിയേ ലും നൂറ്റിയിരുപതു സഹോദരന്‍മാരും;
Verse 6: മെറാറികുടുംബത്തലവനായ അസായായും ഇരുനൂറ്റിയിരുപതു സഹോദരന്‍മാരും;
Verse 7: ഗര്‍ഷോം കുടുംബത്തലവനായ ജോയേലും നൂറ്റിമുപ്പതു സഹോദരന്‍മാരും;
Verse 8: എലിസാഫാന്‍ കുടുംബത്തലവനായ ഷെമായായും ഇരുനൂറു സഹോദരന്‍മാരും;
Verse 9: ഹെബ്രാണ്‍ കുടുംബത്തലവനായ എലിയെലും എണ്‍പതു സഹോദരന്‍മാരും;
Verse 10: ഉസിയേല്‍ക്കുടുംബത്തലവനായ അമിനാദാബും നൂറ്റിപ്പന്ത്രണ്ടു സഹോദരന്‍മാരും.
Verse 11: പിന്നീടു സാദോക്ക്‌, അബിയാഥര്‍ എന്നീ പുരോഹിതന്‍മാരെയും ഊറിയേല്‍, അസായാ, ജോയേല്‍, ഷെമായാ, എലിയേല്‍, അമിനാബാദ്‌ എന്നീ ലേവ്യരെയും ദാവീദ്‌ വിളിച്ചു.
Verse 12: അവന്‍ പറഞ്ഞു: നിങ്ങള്‍ ലേവി ഗോത്രത്തിലെ കുടുംബത്തലവന്‍മാരാണല്ലോ; ഇസ്രായേലിന്‍െറ ദൈവമായ കര്‍ത്താവിന്‍െറ പേടകം കൊണ്ടുവന്ന്‌ അതിനായി സജ്‌ജീകരിച്ചിരിക്കുന്ന സ്‌ഥലത്തു വയ്‌ക്കുന്നതിന്‌ നിങ്ങളെത്തന്നെയും നിങ്ങളുടെ സഹോദരന്‍മാരെയും ശുദ്‌ധീകരിക്കുവിന്‍.
Verse 13: ആദ്യത്തെ പ്രാവശ്യം നിങ്ങളല്ല അതു വഹിച്ചത്‌. വിധിപ്രകാരം പ്രവര്‍ത്തിക്കാതിരുന്നതിനാല്‍ അന്നു ദൈവം നമ്മെശിക്‌ഷിച്ചു.
Verse 14: അതുകൊണ്ട്‌ ഇസ്രായേലിന്‍െറ ദൈവമായ കര്‍ത്താവിന്‍െറ പേടകം കൊണ്ടുവരാന്‍ പുരോഹിതന്‍മാരും ലേവ്യരും തങ്ങളെത്തന്നെ ശുദ്‌ധീകരിച്ചു.
Verse 15: മോശവഴി കര്‍ത്താവ്‌ നല്‍കിയ കല്‍പനയനുസരിച്ച്‌ ലേവ്യര്‍ ദൈവത്തിന്‍െറ പേടകം, അതിന്‍െറ തണ്ടുകള്‍ തോളില്‍വച്ചു വഹിച്ചു.
Verse 16: കിന്നരം, വീണ, കൈത്താളം എന്നിവ ഉപയോഗിച്ച്‌ അത്യുച്ചത്തില്‍ ആനന്‌ദാരവം മുഴക്കുന്നതിന്‌ ഗായകന്‍മാരായി സഹോദരന്‍മാരെ നിയമിക്കാന്‍ ദാവീദ്‌ ലേവികുടുംബത്തലവന്‍മാരോട്‌ ആജ്‌ഞാപിച്ചു.
Verse 17: ജോയേലിന്‍െറ മകന്‍ ഹേമാന്‍, അവന്‍െറ ചാര്‍ച്ചക്കാരന്‍ ബറാക്കിയായുടെ മകന്‍ ആസാഫ്‌, മെറാറികുടുംബത്തിലെ കുഷായയുടെ മകന്‍ ഏഥാന്‍ എന്നിവരെ ലേവ്യര്‍ നിയമിച്ചു.
Verse 18: അവര്‍ക്കു താഴെ അവരുടെ ചാര്‍ച്ചക്കാരായ സഖറിയാ,യാസിയേല്‍, ഷെമിറാമോത്‌,യഹിയേല്‍, ഉന്നി, എലിയാബ്‌, ബനായാ, മാസെയാ, മത്തീത്തിയാ, എലിഫെലേഹു, മിക്‌നെയാ എന്നിവരെയും ഓബദ്‌ഏദോം, ജയിയേല്‍ എന്നീ ദ്വാരപാലകന്‍മാരെയും നിയമിച്ചു.
Verse 19: ഗായകന്‍മാരായ ഹേമാന്‍, ആസാഫ്‌, ഏഥാന്‍ എന്നിവര്‍ പിച്ചളകൈത്താളങ്ങള്‍ കൊട്ടി.
Verse 20: സഖറിയാ, അസിയേല്‍, ഷെമിറാമോത്‌,യഹിയേല്‍, ഉന്നി, എലിയാബ്‌, മാസെയാ, ബനായാ എന്നിവര്‍ അലാമോത്‌രാഗത്തില്‍ കിന്നരം വായിച്ചു.
Verse 21: മത്തീത്തിയാ, എലിഫെലേഹു, മിക്‌നെയാ, ഓബദ്‌ ഏദോം, ജയിയേല്‍, അസാസിയാ എന്നിവര്‍ ഷെമിനീത്‌ രാഗത്തില്‍ വീണ വായിച്ചു.
Verse 22: ലേവ്യരില്‍ സംഗീതജ്‌ഞനായകെനനിയാ ഗായകസംഘത്തെനയിച്ചു. അവന്‍ അതില്‍ നിപുണനായിരുന്നു.
Verse 23: ബറാക്കിയാ, എല്‍ക്കാനാ എന്നിവരായിരുന്നു പേടകത്തിന്‍െറ കാവല്‍ക്കാര്‍.
Verse 24: ഷെബാനിയാ, യോസഫാത്ത്‌, നെഥാനേല്‍, അമസായി, സഖറിയാ, ബനായാ, എലിയേസര്‍ എന്നീ പുരോഹിതന്‍മാര്‍ ദൈവത്തിന്‍െറ പേടകത്തിനു മുന്‍പില്‍ കാഹളം മുഴക്കി. ഓബദ്‌ ഏദോം,യഹിയാ എന്നിവരും പേടകത്തിന്‍െറ കാവല്‍ക്കാരായിരുന്നു.
Verse 25: ദാവീദും ഇസ്രായേലിലെ ശ്രഷ്‌ഠന്‍മാരും സഹസ്രാധിപന്‍മാരും കര്‍ത്താവിന്‍െറ ഉടമ്പടിയുടെ പേടകം ഓബദ്‌ഏദോമിന്‍െറ വീട്ടില്‍നിന്നു കൊണ്ടുവരുന്നതിന്‌ ആഹ്ലാദത്തോടെ പുറപ്പെട്ടു.
Verse 26: പേടകം വഹി ച്ചലേവ്യരെ ദൈവം സഹായിച്ചതിനാല്‍ അവര്‍ ഏഴു കാളകളെയും ഏഴു മുട്ടാടുകളെയും ബലിയര്‍പ്പിച്ചു.
Verse 27: ദാവീദും പേടകം വഹിച്ചിരുന്ന ലേവ്യരും ഗായകന്‍മാരും ഗായകസംഘത്തിന്‍െറ നായകനുമായ കെനനിയായും നേര്‍ത്ത ചണവസ്‌ത്രം ധരിച്ചിരുന്നു. ദാവീദ്‌ ചണംകൊണ്ടുള്ള എഫോദ്‌ അണിഞ്ഞിരുന്നു.
Verse 28: ഇസ്രായേല്‍ ആര്‍പ്പുവിളിയോടും കൊമ്പ്‌, കുഴല്‍, കൈത്താളം, കിന്നരം, വീണ എന്നിവയുടെ നാദത്തോടുംകൂടെ കര്‍ത്താവിന്‍െറ ഉട മ്പടിയുടെ പേടകം കൊണ്ടുവന്നു.
Verse 29: പേടകം ദാവീദിന്‍െറ നഗരത്തിലെത്തിയപ്പോള്‍ സാവൂളിന്‍െറ മകള്‍ മിഖാല്‍ ദാവീദുരാജാവ്‌ നൃത്തംചെയ്യുന്നതും പാടുന്നതും കിളിവാതിലിലൂടെ കണ്ടു; അവള്‍ അവനെ നിന്‌ദിച്ചു.