Verse 1: ആസായ്‌ക്കുശേഷം മകന്‍ യഹോഷാഫാത്ത്‌ രാജാവായി. അവന്‍ ഇസ്രായേലിനെതിരേ തന്‍െറ നില ഭദ്രമാക്കി.
Verse 2: യൂദായിലെ സുരക്‌ഷിതനഗരങ്ങളിലും ഗ്രാമപ്രദേശങ്ങളിലും, എഫ്രായിംദേശത്തുനിന്നു തന്‍െറ പിതാവായ ആസാ പിടിച്ചെടുത്ത പട്ടണങ്ങളിലും പട്ടാളത്തെനിയോഗിച്ചു.
Verse 3: തന്‍െറ പിതാവിന്‍െറ ആദ്യകാല മാതൃകയനുസരിച്ച്‌, ബാലിനെ സേവിക്കാതിരുന്നതിനാല്‍ കര്‍ത്താവ്‌യഹോഷാഫാത്തിനോടുകൂടി ഉണ്ടായിരുന്നു.
Verse 4: അവന്‍ പിതാവിന്‍െറ ദൈവത്തെ തേടുകയും അവിടുത്തെ കല്‍പനകള്‍ അനുസരിക്കുകയും ചെയ്‌തു. ഇസ്രായേല്‍രാജാക്കന്‍മാരുടെ മാര്‍ഗം സ്വീകരിച്ചതുമില്ല.
Verse 5: കര്‍ത്താവ്‌യഹോഷാഫാത്തിന്‌ രാജ്യത്തിന്‍െറ പൂര്‍ണനിയന്ത്രണം നല്‍കി. യൂദാ മുഴുവനും അവനു കാഴ്‌ചകള്‍ കൊണ്ടുവന്നു. അങ്ങനെ അവന്‍െറ ധനവും മാനവും പെരുകി.
Verse 6: അവന്‍ കര്‍ത്താവിന്‍െറ മാര്‍ഗത്തില്‍ ഉറച്ചുനിന്നു; യൂദായിലെ പൂജാഗിരികളും അഷേരാപ്രതിഷ്‌ഠകളും നശിപ്പിച്ചു.
Verse 7: തന്‍െറ മൂന്നാം ഭരണവര്‍ഷംയഹോഷാഫാത്ത്‌ യൂദാനഗരങ്ങളില്‍ ജനങ്ങളെ പഠിപ്പിക്കാന്‍ ഉപദേഷ്‌ടാക്കളായി ബന്‍ഹായില്‍, ഒബാദിയാ, സഖറിയാ, നെത്തനേല്‍, മിഖായാ എന്നിവരെ അയച്ചു.
Verse 8: അവരോടൊപ്പം ലേവ്യരായ ഷെമായ, നെഥാനിയാ, സെബദിയാ, അസഹേല്‍, ഷെമിറാമോത്ത്‌,യഹോനാഥാന്‍, അദോനിയാ, തോബിയാ, തോബ്‌ അദോനിയാ എന്നിവരെയും പുരോഹിതന്‍മാരായ എലിഷാമാ,യഹോറാം എന്നിവരെയും അയച്ചു.
Verse 9: അവര്‍ കര്‍ത്താവിന്‍െറ നിയമഗ്രന്‌ഥവുമായി യൂദാനഗരങ്ങളിലെല്ലാം ചെന്നുജനത്തെ പഠിപ്പിച്ചു.
Verse 10: യൂദായ്‌ക്കു ചുറ്റുമുള്ള രാജ്യങ്ങളില്‍ കര്‍ത്താവിനെക്കുറിച്ചുള്ള ഭീതി പരന്നതിനാല്‍ അവരാരുംയഹോഷാഫാത്തിനെതിരേയുദ്‌ധത്തിനു പോയില്ല.
Verse 11: ഫിലിസ്‌ത്യരില്‍ ചിലര്‍യഹോഷാഫാത്തിനു കാഴ്‌ചയായി ധാരാളം വെള്ളിയും മറ്റു സമ്മാനങ്ങളും കൊണ്ടു വന്നു. ഏഴായിരത്തിയെഴുനൂറു ചെമ്മരിയാടുകളെയും ഏഴായിരത്തിയെഴുനൂറു കോലാടുകളെയും അറബികള്‍ സമ്മാനിച്ചു.
Verse 12: യഹോഷാഫാത്ത്‌ അടിക്കടി പ്രബലനായിക്കൊണ്ടിരുന്നു. യൂദായിലെങ്ങും കോട്ടകളും സംഭരണനഗരങ്ങളും പണിതു.
Verse 13: അവിടെ ധാരാളം വിഭവങ്ങള്‍ ശേഖരിച്ചു. ജറുസലെമില്‍ വീരയോദ്‌ധാക്കളുടെ വ്യൂഹങ്ങളെ നിയോഗിച്ചു.
Verse 14: ഗോത്രക്രമത്തില്‍ അവരുടെ പേരുവിവരം: യൂദാഗോത്രത്തിലെ സഹസ്രാധിപന്‍മാരുടെ തലവന്‍ അദ്‌നാ- അവന്‍െറ കീഴില്‍ മൂന്നു ലക്‌ഷം പടയാളികള്‍.
Verse 15: രണ്ടാമന്‍,യഹോഹനാന്‍- അവന്‍െറ കീഴില്‍ രണ്ടു ലക്‌ഷത്തിയെണ്‍പതിനായിരം പേര്‍.
Verse 16: മൂന്നാമന്‍ സിക്രിയുടെ മകന്‍ അമസിയാ- കര്‍ത്താവിന്‍െറ ശുശ്രൂഷയ്‌ക്കായി തന്നെത്തന്നെ സമര്‍പ്പി ച്ചഅവന്‍െറ കീഴില്‍ രണ്ടുലക്‌ഷം പേര്‍.
Verse 17: ബഞ്ചമിന്‍ഗോത്രത്തിന്‍െറ സൈന്യാധിപന്‍ എലിയാദാ - വീരപരാക്രമിയായ അവന്‍െറ കീഴില്‍ പരിചയും വില്ലും ഉപയോഗിക്കുന്ന പടയാളികള്‍ രണ്ടുലക്‌ഷം.
Verse 18: നാലാമന്‍,യഹോസബാദ്‌- അവന്‍െറ കീഴില്‍ ആയുധധാരികള്‍ ഒരു ലക്‌ഷത്തിയെണ്‍പതിനായിരം.
Verse 19: യൂദായിലെ സുരക്‌ഷിതനഗരങ്ങളില്‍ നിയമിച്ചിരുന്നവര്‍ക്കു പുറമേയുള്ള രാജസേവകരാണിവര്‍.