Verse 1: യഹോഷാഫാത്ത്‌ പിതാക്കന്‍മാരോടു ചേര്‍ന്നു. അവരോടുകൂടെ ദാവീദിന്‍െറ നഗരത്തില്‍ സംസ്‌കരിക്കപ്പെട്ടു; മകന്‍ യഹോറാം രാജ്യഭാരം ഏറ്റു.
Verse 2: യൂദാരാജാവായിരുന്നയഹോഷാഫാത്തിന്‍െറ പുത്രന്‍മാരായ അവന്‍െറ സഹോദരന്‍മാര്‍: അസറിയാ,യഹിയേല്‍, സഖറിയാ, അസറിയാ, മിഖായേല്‍, ഷെഫാത്തിയാ.
Verse 3: അവരുടെ പിതാവ്‌ ധാരാളം പൊന്നും വെള്ളിയും അമൂല്യവസ്‌തുക്കളും അവര്‍ക്കു സമ്മാനമായി നല്‍കി. കൂടാതെ, യൂദായിലെ സുരക്‌ഷിത നഗരങ്ങളും കൊടുത്തു. ആദ്യജാതനായിരുന്നതിനാല്‍ , രാജസ്‌ഥാനംയഹോറാമിനാണ്‌ ലഭിച്ചത്‌.
Verse 4: യഹോറാം പിതാവിന്‍െറ സിംഹാസനത്തില്‍ ഉപവിഷ്‌ടനായി ഭരണം ഏറ്റെടുത്തു. തന്‍െറ നില ഭദ്രമാക്കിയപ്പോള്‍ എല്ലാ സഹോദരന്‍മാരെയും ഇസ്രായേലിലെ ചില പ്രമാണികളെയും വാളിനിരയാക്കി.
Verse 5: രാജാവാകുമ്പോള്‍യഹോറാമിന്‌ മുപ്പത്തിരണ്ടു വയസ്‌സായിരുന്നു. അവന്‍ എട്ടുവര്‍ഷം ജറുസലെമില്‍ വാണു.
Verse 6: ആഹാബിന്‍െറ മകളായിരുന്നുയഹോറാമിന്‍െറ ഭാര്യ. ആഹാബ്‌ ഭവനത്തെപ്പോലെ അവനും ഇസ്രായേല്‍രാജാക്കന്‍മാരുടെ മാര്‍ഗത്തില്‍ ചരിച്ചു. അവന്‍ കര്‍ത്താവിന്‍െറ മുന്‍പില്‍ തിന്‍മ പ്രവര്‍ത്തിച്ചു.
Verse 7: എങ്കിലും ദാവീദുമായി ചെയ്‌ത ഉടമ്പടിയോര്‍ത്ത്‌ അവന്‍െറ ഭവനത്തെനശിപ്പിക്കാന്‍ കര്‍ത്താവിനു മനസ്‌സുവന്നില്ല. ദാവീദിന്‍െറ ഭവനത്തില്‍ ദീപം അണഞ്ഞു പോകുകയില്ലെന്ന്‌ അവിടുന്ന്‌ വാഗ്‌ദാനം ചെയ്‌തിട്ടുണ്ടായിരുന്നല്ലോ.
Verse 8: യഹോറാമിന്‍െറ കാലത്ത്‌ ഏദോമ്യര്‍ യൂദാമേല്‍ക്കോയ്‌മയ്‌ക്കെതിരേ മത്‌സരിച്ച്‌ സ്വന്തമായി ഒരു രാജാവിനെ വാഴിച്ചു.
Verse 9: യഹോറാമും സൈന്യാധിപന്‍മാരും രഥങ്ങളോടുകൂടെ അവര്‍ക്കെതിരേ ചെന്നു. തങ്ങളെ വളഞ്ഞഏദോമ്യരുടെ നിര അവര്‍ രാത്രിയില്‍ ഭേദിച്ചു.
Verse 10: ഏദോമ്യര്‍ ഇന്നും യൂദായുടെ ആധിപത്യത്തെ എതിര്‍ത്തു കഴിയുന്നു. അക്കാലത്ത്‌ ലിബ്‌നായും അവന്‍െറ ഭരണത്തെ എതിര്‍ത്തു. അവന്‍ തന്‍െറ പിതാക്കന്‍മാരുടെ ദൈവമായ കര്‍ത്താവിനെ ഉപേക്‌ഷിച്ചതുകൊണ്ടാണിങ്ങനെ സംഭവി ച്ചത്‌.
Verse 11: അവന്‍ യൂദാ മലമ്പ്രദേശത്ത്‌ പൂജാഗിരികള്‍ നിര്‍മിച്ചു. അങ്ങനെ ജറുസലെംനിവാസികളെ അവിശ്വസ്‌തതയിലേക്കു നയിച്ചു; യൂദായെ വഴിതെറ്റിച്ചു.
Verse 12: ഏലിയാ പ്രവാചകന്‍െറ ഒരു കത്ത്‌ അവനു ലഭിച്ചു. അതില്‍ ഇങ്ങനെ എഴുതിയിരുന്നു: നിന്‍െറ പിതാവായ ദാവീദിന്‍െറ ദൈവമായ കര്‍ത്താവ്‌ അരുളിച്ചെയ്യുന്നു: നീ നിന്‍െറ പിതാവായയഹോഷാഫാത്തിന്‍െറ യോ യൂദാരാജാവായ ആസായുടെയോ മാതൃക പിന്‍ചെന്നില്ല.
Verse 13: മറിച്ച്‌, ഇസ്രായേല്‍രാജാക്കന്‍മാരുടെ വഴിയില്‍ നടന്നു; ആഹാബ്‌ ഇസ്രായേലിനെ എന്നതുപോലെ നീ യൂദായെയും ജറുസലെം നിവാസികളെയും അവിശ്വസ്‌തതയിലേക്കു നയിച്ചു; പിതൃഭവനത്തില്‍ നിന്നെക്കാള്‍ ശ്രഷ്‌ഠരായിരുന്ന നിന്‍െറ സഹോദരന്‍മാരെ നീ കൊന്നുകളഞ്ഞു.
Verse 14: ഇതാ, കര്‍ത്താവു നിന്‍െറ ജനത്തിന്‍െറയും, നിന്‍െറ മക്കളുടെയും ഭാര്യമാരുടെയും വസ്‌തുവകകളുടെയുംമേല്‍ മഹാമാരി വരുത്തും.
Verse 15: നിനക്ക്‌ കുടലില്‍ ഒരു കഠിനരോഗം ഉണ്ടാകും, അത്‌ അനുദിനം വര്‍ധിച്ചു കുടല്‍ പുറത്തുവരും.
Verse 16: എത്യോപ്യരുടെ സമീപത്തു വസിച്ചിരുന്ന ഫിലിസ്‌ത്യരിലും അറബികളിലും കര്‍ത്താവ്‌യഹോറാമിനെതിരേ ശത്രുത ഉളവാക്കി.
Verse 17: അവര്‍ യൂദായെ ആക്രമിച്ചു; രാജകൊട്ടാരത്തില്‍ കണ്ടതെല്ലാം അവര്‍ കൈ വശമാക്കി. രാജാവിന്‍െറ ഭാര്യമാരെയും മക്കളെയും തടവുകാരാക്കി. ഇളയപുത്രനായയഹോവാഹാസല്ലാതെ ആരും അവശേഷിച്ചില്ല.
Verse 18: ഇതിനുശേഷം കര്‍ത്താവ്‌ അവന്‍െറ കുടലില്‍ ഒരു തീരാവ്യാധി വരുത്തി.
Verse 19: രണ്ടുവര്‍ഷം കഴിഞ്ഞ്‌ രോഗം മൂര്‍ഛിച്ച്‌ കുടല്‍ പുറത്തുവന്നു. കഠിനവേദനയില്‍ അവന്‍ മരിച്ചു. അവന്‍െറ പിതാക്കന്‍മാര്‍ക്കുവേണ്ടി നടത്തിയതുപോലെ ജനം തീക്കൂന കൂട്ടി അവനെ ബഹുമാനിച്ചില്ല.
Verse 20: ഭരണമേല്‍ക്കുമ്പോള്‍ അവനു മുപ്പത്തിരണ്ടു വയസ്‌സായിരുന്നു. എട്ടുവര്‍ഷം ജറുസലെമില്‍ വാണു. അവന്‍െറ വേര്‍പാടില്‍ ആരും ദുഃഖിച്ചില്ല. അവനെ ദാവീദിന്‍െറ നഗരത്തിലാണ്‌ സംസ്‌കരിച്ചതെങ്കിലും രാജാക്കന്‍മാരുടെ കല്ലറയിലല്ല.