Verse 1: കുറേക്കാലം കഴിഞ്ഞ്‌ മൊവാബ്യരും അമ്മോന്യരും മേയൂന്യരും ചേര്‍ന്ന്‌യഹോഷാഫാത്തിനെതിരേയുദ്‌ധത്തിനു വന്നു.
Verse 2: ചിലര്‍ വന്നുയഹോഷാഫാത്തിനോടു പറഞ്ഞു: കടലിനക്കരെ ഏദോമില്‍നിന്നു ഒരു വലിയസൈന്യം നിനക്കെതിരേ വരുന്നു. ഇതാ അവര്‍ ഹാസോന്‍ താമറില്‍, അതായത്‌ എന്‍ഗേദിയില്‍ എത്തിക്കഴിഞ്ഞു.
Verse 3: അവന് ഭയന്നു കര്‍ത്താവിങ്കലേക്കു തിരിയാന്‍ തീരുമാനിക്കുകയും യൂദായിലെങ്ങും ഉപവാസം പ്രഖ്യാപിക്കുകയും ചെയ്‌തു.
Verse 4: കര്‍ത്താവിന്‍െറ സഹായം തേടാന്‍ യൂദാനിവാസികള്‍ ഒരുമിച്ചുകൂടി. അവര്‍ കര്‍ത്താവിനെ അന്വേഷിച്ചു യൂദായിലെ എല്ലാ നഗരങ്ങളിലുംനിന്നു വന്നു.
Verse 5: ദേവാലയത്തിന്‍െറ മുന്‍പിലുള്ള പുതിയ അങ്കണത്തില്‍ സമ്മേളി ച്ചയൂദാ- ജറുസലെം നിവാസികളെ സംബോധന ചെയ്‌തുകൊണ്ട്‌യഹോഷാഫാത്ത്‌ പറഞ്ഞു:
Verse 6: ഞങ്ങളുടെ പിതാക്കന്‍മാരുടെ ദൈവമായ കര്‍ത്താവേ, അവിടുന്നു സ്വര്‍ഗസ്‌ഥനായ ദൈവമാണല്ലോ. ഭൂമിയിലുള്ള സകല ജനതകളെയും അവിടുന്നാണല്ലോ ഭരിക്കുന്നത്‌. അങ്ങയുടെ കരം കരുത്തുറ്റതും പ്രബലവുമാണ്‌. അങ്ങയോട്‌ എതിര്‍ത്തു നില്‍ക്കാന്‍ ആര്‍ക്കു കഴിയും?
Verse 7: ഞങ്ങളുടെദൈവമേ, അങ്ങു സ്വന്തം ജനമായ ഇസ്രായേലിന്‍െറ മുന്‍പില്‍നിന്ന്‌ ഈ ദേശത്തെനിവാസികളെ തുരത്തുകയും അങ്ങയുടെ സ്‌നേഹിതനായ അബ്രാഹത്തിന്‍െറ സന്തതികള്‍ക്ക്‌ അതു ശാശ്വതാവകാശമായി നല്‍കുകയും ചെയ്‌തില്ലേ?
Verse 8: അവര്‍ അവിടെ വസിക്കുകയും അങ്ങയുടെ നാമത്തിന്‌ ഒരു ആലയം പണിയുകയും ചെയ്‌തു.
Verse 9: അവര്‍ പറഞ്ഞു:യുദ്‌ധം, ഈതിബാധ, മഹാമാരി, ക്‌ഷാമം എന്നിങ്ങനെ അനര്‍ഥങ്ങള്‍ ഞങ്ങളുടെമേല്‍ പതിക്കുമ്പോള്‍, അങ്ങയുടെ നാമം അധിവസിക്കുന്ന ഈ ആലയത്തിനു മുന്‍പില്‍, അങ്ങയുടെ മുന്‍പില്‍ വന്നു ഞങ്ങള്‍ ഞങ്ങളുടെ ദുരിതങ്ങളുടെ ആഴത്തില്‍നിന്നു വിളിച്ചപേക്‌ഷിച്ചാല്‍ അങ്ങു ഞങ്ങളുടെ പ്രാര്‍ഥന ശ്രവിച്ചു ഞങ്ങളെ രക്‌ഷിക്കും.
Verse 10: ഇസ്രായേല്‍ജനം ഈജിപ്‌തില്‍ നിന്നു പോരുമ്പോള്‍ അങ്ങ്‌ അനുവദിക്കായ്‌കയാല്‍ ആക്രമിച്ചു നശിപ്പിക്കാതെ ഒഴിവാക്കിയ അമ്മോന്യര്‍, മൊവാബ്യര്‍, സെയിര്‍പര്‍വതനിവാസികള്‍ എന്നിവര്‍
Verse 11: അങ്ങു ഞങ്ങള്‍ക്ക്‌ അവകാശമായിത്തന്ന ഈ ദേശത്തുനിന്ന്‌ ഞങ്ങളെ തുരത്താന്‍ വന്നിരിക്കുന്നു. ഇതാണ്‌ അവര്‍ ഞങ്ങള്‍ക്കു നല്‍കുന്ന പ്രതിഫലം.
Verse 12: ഞങ്ങളുടെ ദൈവമേ, അങ്ങ്‌ അവരുടെമേല്‍ന്യായവിധി നടത്തുകയില്ലേ? ഞങ്ങള്‍ക്കെതിരേ വരുന്ന ഈ വലിയ സൈന്യവ്യൂഹത്തോടു പൊരുതാന്‍ ഞങ്ങള്‍ അശക്‌തരാണ്‌. എന്തു ചെയ്യേണ്ടു എന്ന്‌ ഞങ്ങള്‍ക്കറിയില്ല. എങ്കിലും ഞങ്ങള്‍ അങ്ങയെ അഭയം പ്രാപിക്കുന്നു.
Verse 13: യൂദായിലെ പുരുഷന്‍മാരെല്ലാവരും കുട്ടികളോടും ഭാര്യമാരോടും കുഞ്ഞുങ്ങളോടുംകൂടെ കര്‍ത്താവിന്‍െറ മുന്‍പില്‍ നില്‍ക്കുകയായിരുന്നു.
Verse 14: അപ്പോള്‍ കര്‍ത്താവിന്‍െറ ആത്‌മാവ്‌, സഭാമധ്യേ നിന്നിരുന്ന ആസാഫ്‌ വംശജനും ലേവ്യനും ആയയഹസിയേലിന്‍െറ മേല്‍ വന്നു. അവന് സഖറിയായുടെയും സഖറിയാ ബനായായുടെയും, ബനായാ ജയീയേലിന്‍െറയും ജയീയേല്‍ മത്താനിയായുടെയും മകനായിരുന്നു.
Verse 15: യഹസിയേല്‍ പറഞ്ഞു: യൂദായിലും ജറുസലെമിലും വസിക്കുന്നവരുംയഹോഷാഫാത്ത്‌ രാജാവും കേള്‍ക്കട്ടെ! കര്‍ത്താവ്‌ നിങ്ങളോട്‌ അരുളിച്ചെയ്യുന്നു: നിങ്ങള്‍ ഭയപ്പെടേണ്ടാ. നിങ്ങളല്ല, ദൈവമാണ്‌ പൊരുതുന്നത്‌. നാളെ അവര്‍ക്കെതിരേ പുറപ്പെടുക.
Verse 16: സീസ്‌കയറ്റം കയറി ആയിരിക്കും അവര്‍ വരുന്നത്‌.യരുവേല്‍ മരുഭൂമിയുടെ കിഴക്ക്‌ താഴ്‌വര അവസാനിക്കുന്നിടത്തുവച്ചു നിങ്ങള്‍ അവരെ നേരിടും.
Verse 17: ഈയുദ്‌ധത്തില്‍ നിങ്ങള്‍ പൊരുതേണ്ടി വരുകയില്ല. യൂദാ- ജറുസലെം നിവാസികളേ, അണിനിരന്നു കാത്തുനില്‍ക്കുവിന്‍. കര്‍ത്താവ്‌ തരുന്ന വിജയം നിങ്ങള്‍ കാണും. നിങ്ങള്‍ ഭയപ്പെടുകയോ പരിഭ്രമിക്കുകയോ വേണ്ടാ. നാളെ അവര്‍ക്കെതിരേ നീങ്ങുവിന്‍. കര്‍ത്താവ്‌ നിങ്ങളോടുകൂടെയുണ്ട്‌.
Verse 18: അപ്പോള്‍യഹോഷാഫാത്ത്‌ സാഷ്‌ടാംഗപ്രണാമം ചെയ്‌തു. യൂദായിലെയും ജറുസലെമിലെയും നിവാസികളും കുമ്പിട്ടു കര്‍ത്താവിനെ വണങ്ങി.
Verse 19: കൊഹാത്യരും കോറഹ്യരുമായ ലേവ്യര്‍ എഴുന്നേറ്റുനിന്ന്‌ ഉച്ചത്തില്‍ ഇസ്രായേലിന്‍െറ ദൈവമായ കര്‍ത്താവിനെ സ്‌തുതിച്ചു.
Verse 20: പിറ്റേദിവസം അതിരാവിലെ അവര്‍ തെക്കോവാ മരുഭൂമിയിലേക്കു പുറപ്പെട്ടു. അവര്‍ പുറപ്പെടുമ്പോള്‍യഹോഷാഫാത്ത്‌ അവരെ അഭിസംബോധനചെയ്‌തു പറഞ്ഞു: യൂദാ- ജറുസലെംനിവാസികളേ കേള്‍ക്കുവിന്‍. നിങ്ങളുടെ ദൈവമായ കര്‍ത്താവില്‍ വിശ്വസിക്കുവിന്‍. നിങ്ങള്‍ സുരക്‌ഷിതരായിരിക്കും; അവിടുത്തെ പ്രവാചകന്‍മാരെ വിശ്വസിക്കുവിന്‍. നിങ്ങള്‍ വിജയം വരിക്കും.
Verse 21: വിശുദ്‌ധവസ്‌ത്രങ്ങളണിഞ്ഞ്‌, സൈന്യങ്ങളുടെ മുന്‍പേ നടന്ന്‌, കര്‍ത്താവിനു കൃതജ്‌ഞത അര്‍പ്പിക്കുവിന്‍. അവിടുത്തെ അചഞ്ചല സ്‌നേഹം ശാശ്വതമാണ്‌ എന്നു പാടാന്‍ ജനങ്ങളുമായി ആലോചിച്ച്‌, അവന് ഗായകരെ നിയോഗിച്ചു.
Verse 22: അവര്‍ പാടിസ്‌തുതിക്കാന്‍ തുടങ്ങിയപ്പോള്‍ യൂദായെ ആക്രമിക്കാന്‍ വന്ന അമ്മോന്യര്‍, മെവാബ്യര്‍, സെയിര്‍പര്‍വതനിവാസികള്‍ എന്നിവര്‍ക്കെതിരേ കര്‍ത്താവ്‌ കെണിയൊരുക്കി; അവര്‍ തുരത്തപ്പെട്ടു.
Verse 23: അമ്മോന്യരും മൊവാബ്യരും ഒരുമിച്ച്‌ സെയിര്‍ പര്‍വതനിവാസികളോടു പൊരുതി അവരെ നിശ്‌ശേഷം നശിപ്പിച്ചു. അതിനുശേഷം അമ്മോന്യരും മൊവാബ്യരും അന്യോന്യം ആക്രമിച്ച്‌ അവരും നശിച്ചു.
Verse 24: യൂദാസൈന്യം മരുഭൂമിയിലെ കാവല്‍ഗോപുരത്തില്‍ വന്ന്‌ ശത്രുസൈന്യത്തെ നോക്കിയപ്പോള്‍ ശവശരീരങ്ങള്‍ നിലത്തു കിടക്കുന്നതാണു കണ്ടത്‌. ആരും രക്‌ഷപെട്ടിരുന്നില്ല.
Verse 25: യഹോഷാഫാത്തും സൈന്യവും അവരെ കൊള്ളയടിക്കാന്‍ചെന്നു. വളരെയധികം ആടുമാടുകളും ഭക്‌ഷണസാധനങ്ങളും വസ്‌ത്രങ്ങളും വിശിഷ്‌ട വസ്‌തുക്കളും അവിടെ ഉണ്ടായിരുന്നു. ഓരോരുത്തരും ചുമക്കാവുന്നത്ര സാധനങ്ങള്‍ ശേഖരിച്ചു. അവരുടെ കൊള്ള മൂന്നുദിവസം നീണ്ടു. അത്രയേറെഉണ്ടായിരുന്നു അത്‌.
Verse 26: നാലാംദിവസം അവര്‍ ബറാക്കാത്താഴ്‌വരയില്‍ ഒന്നിച്ചുകൂടി. അവിടെ അവര്‍ കര്‍ത്താവിനെ വാഴ്‌ത്തി. അതുകൊണ്ടാണ്‌, അതിനു ബറാക്കാത്താഴ്‌വര എന്നു പേര്‍ ലഭിച്ചത്‌.
Verse 27: ശത്രുക്കളുടെമേല്‍ കര്‍ത്താവ്‌ നല്‍കിയ വിജയത്തില്‍ ആഹ്‌ളാദിച്ചുകൊണ്ടു യൂദാ- ജറുസലെം നിവാസികള്‍യഹോഷാഫാത്തിന്‍െറ നേതൃത്വത്തില്‍ ജറുസലെമിലേക്കു മടങ്ങി.
Verse 28: വീണ, കിന്നരം, കാഹളം എന്നിവയുടെ അകമ്പടിയോടെ അവര്‍ ജറുസലെമില്‍ കര്‍ത്താവിന്‍െറ ഭവനത്തില്‍ എത്തി.
Verse 29: ഇസ്രായേലിന്‍െറ ശത്രുക്കള്‍ക്കെതിരേ കര്‍ത്താവു പൊരുതി എന്നു കേട്ടപ്പോള്‍ ചുറ്റുമുള്ള ജനതകളെയെല്ലാം ദൈവത്തെക്കുറിച്ചുള്ള ഭയം ബാധിച്ചു.
Verse 30: യഹോഷാഫാത്തിന്‍െറ ഭരണം സമാധാനപൂര്‍ണമായിരുന്നു. അവന്‍െറ രാജ്യത്തിനു ചുറ്റും ദൈവം സ്വസ്‌ഥത നല്‍കി.
Verse 31: അങ്ങനെയഹോഷാഫാത്ത്‌ യൂദായില്‍ ഭരണം ആരംഭിക്കുമ്പോള്‍ അവന് മുപ്പത്തിയഞ്ചു വയസ്‌സായിരുന്നു. അവന് ഇരുപത്തിയഞ്ചുവര്‍ഷം ജറുസലെമില്‍ ഭരിച്ചു. ഷില്‍ഹിയുടെ മകള്‍ അസൂബായായിരുന്നു അവന്‍െറ അമ്മ.
Verse 32: അവന് തന്‍െറ പിതാവായ ആസായുടെ മാര്‍ഗത്തില്‍നിന്നു വ്യതിചലിച്ചില്ല. കര്‍ത്താവിന്‍െറ മുന്‍പാകെ നീതിയായതു പ്രവര്‍ത്തിച്ചു.
Verse 33: എങ്കിലും പൂജാഗിരികള്‍ നീക്കംചെയ്‌തില്ല. തങ്ങളുടെ പിതാക്കന്‍മാരുടെ ദൈവത്തില്‍ ജനം ഹൃദയമുറപ്പിച്ചിരുന്നില്ല.
Verse 34: യഹോഷാഫാത്തിന്‍െറ മറ്റു പ്രവര്‍ത്തനങ്ങള്‍ ആദ്യവസാനം ഹനാനിയുടെ മകനായ യേഹുവിന്‍െറ ദിനവൃത്താ ന്തത്തില്‍ രേഖപ്പെടുത്തിയിട്ടുണ്ട്‌. അത്‌ ഇസ്രായേല്‍രാജാക്കന്‍മാരുടെ പുസ്‌തകത്തിലും എഴുതിയിരിക്കുന്നു.
Verse 35: ഒടുവില്‍ യൂദാരാജാവായയഹോഷാഫാത്ത്‌ ഇസ്രായേല്‍രാജാവായ അഹസിയായുമായി സഖ്യത്തില്‍ ഏര്‍പ്പെട്ടു. അഹസിയാ ദുഷ്‌കര്‍മിയായിരുന്നു.
Verse 36: താര്‍ഷീഷിലേക്കു പോകുന്നതിന്‌ എസിയോന്‍ഗേബെറില്‍വച്ച്‌ കപ്പലുകള്‍ നിര്‍മിച്ചത്‌ അവരൊന്നിച്ചാണ്‌.
Verse 37: മരേഷായിലെ ദോദാവാഹുവിന്‍െറ പുത്രന്‍ എലിയേ സര്‍യഹോഷാഫാത്തിനെതിരേ പ്രവചിച്ചു പറഞ്ഞു: അഹസിയായുമായി സഖ്യം ചെയ്‌തതിനാല്‍ നീ നിര്‍മിച്ചതെല്ലാം കര്‍ത്താവു നശിപ്പിക്കും. ആ കപ്പലുകളെല്ലാം ഉടഞ്ഞുതകര്‍ന്നു. താര്‍ഷീഷിലേക്കു പോകുവാന്‍ അവയ്‌ക്കു കഴിഞ്ഞില്ല.