Verse 1: ഞങ്ങള്‍ക്കല്ല, കര്‍ത്താവേ, ഞങ്ങള്‍ക്കല്ല, അങ്ങയുടെ കാരുണ്യത്തെയുംവിശ്വസ്‌തതയെയുംപ്രതി അങ്ങയുടെ നാമത്തിനാണു മഹത്വം നല്‍കപ്പെടേണ്ടത്‌.
Verse 2: അവരുടെ ദൈവമെവിടെ എന്നു ജനതകള്‍ പറയാന്‍ ഇടയാക്കുന്നതെന്തിന്‌?
Verse 3: നമ്മുടെ ദൈവം സ്വര്‍ഗത്തിലാണ്‌; തനിക്കിഷ്‌ടമുള്ളതെല്ലാം അവിടുന്നു ചെയ്യുന്നു.
Verse 4: അവരുടെ വിഗ്രഹങ്ങള്‍സ്വര്‍ണവും വെള്ളിയുമാണ്‌; മനുഷ്യരുടെ കരവേലകള്‍മാത്രം!
Verse 5: അവയ്‌ക്കു വായുണ്ട്‌, എന്നാല്‍ മിണ്ടുന്നില്ല; കണ്ണുണ്ട്‌, എന്നാല്‍ കാണുന്നില്ല.
Verse 6: അവയ്‌ക്കു കാതുണ്ട്‌, എന്നാല്‍ കേള്‍ക്കുന്നില്ല: മൂക്കുണ്ട്‌, എന്നാല്‍ മണത്തറിയുന്നില്ല.
Verse 7: അവയ്‌ക്കു കൈയുണ്ട്‌, എന്നാല്‍സ്‌പര്‍ശിക്കുന്നില്ല; കാലുണ്ട്‌, എന്നാല്‍ നടക്കുന്നില്ല; അവയുടെ കണ്‌ഠത്തില്‍നിന്നു സ്വരംഉയരുന്നില്ല.
Verse 8: അവയെ നിര്‍മിക്കുന്നവര്‍അവയെപ്പോലെയാണ്‌; അവയില്‍ആശ്രയിക്കുന്നവരും അതുപോലെതന്നെ.
Verse 9: ഇസ്രായേലേ, കര്‍ത്താവില്‍ ആശ്രയിക്കുവിന്‍; അവിടുന്നാണു നിങ്ങളുടെ സഹായവുംപരിചയും.
Verse 10: അഹറോന്‍െറ ഭവനമേ, കര്‍ത്താവില്‍ ശരണം വയ്‌ക്കുവിന്‍; അവിടുന്നാണു നിങ്ങളുടെ സഹായവും പരിചയും.
Verse 11: കര്‍ത്താവിന്‍െറ ഭക്‌തരേ, കര്‍ത്താവില്‍ആശ്രയിക്കുവിന്‍; അവിടുന്നാണുനിങ്ങളുടെ സഹായവും പരിചയും.
Verse 12: കര്‍ത്താവിനു നമ്മെക്കുറിച്ചു വിചാരമുണ്ട്‌, അവിടുന്നു നമ്മെഅനുഗ്രഹിക്കും; അവിടുന്ന്‌ ഇസ്രായേല്‍ഭവനത്തെആശീര്‍വദിക്കും; അഹറോന്‍െറ ഭവനത്തെ അനുഗ്രഹിക്കും.
Verse 13: കര്‍ത്താവിന്‍െറ ഭക്‌തന്‍മാരെ, ചെറിയവരെയും വലിയവരെയും, അവിടുന്ന്‌ അനുഗ്രഹിക്കും.
Verse 14: കര്‍ത്താവു നിങ്ങളെ അനുഗ്രഹിക്കട്ടെ!നിങ്ങളെയും നിങ്ങളുടെ മക്കളെയും.
Verse 15: ആകാശവും ഭൂമിയും സൃഷ്‌ടി ച്ചകര്‍ത്താവു നിങ്ങളെ അനുഗ്രഹിക്കട്ടെ!
Verse 16: ആകാശം കര്‍ത്താവിനു മാത്രമുള്ളത്‌; എന്നാല്‍, ഭൂമി അവിടുന്നു മനുഷ്യമക്കള്‍ക്കു നല്‍കിയിരിക്കുന്നു.
Verse 17: മരിച്ചവരും നിശ്‌ശബ്‌ദതയില്‍ആണ്ടുപോയവരും കര്‍ത്താവിനെസ്‌തുതിക്കുന്നില്ല.
Verse 18: എന്നാല്‍, നമ്മള്‍ ഇന്നുമെന്നേക്കും കര്‍ത്താവിനെ സ്‌തുതിക്കും; കര്‍ത്താവിനെ സ്‌തുതിക്കുവിന്‍.