Verse 1: ദൈവമേ, ഞങ്ങളെ എന്നേക്കുമായിതള്ളിക്കളഞ്ഞതെന്തുകൊണ്ട്‌? അങ്ങയുടെ മേച്ചില്‍പുറത്തെ ആടുകളുടെനേരേ അങ്ങയുടെ കോപം ജ്വലിക്കുന്നതെന്തുകൊണ്ട്‌?
Verse 2: അങ്ങു പണ്ടേ തിരഞ്ഞെടുത്ത ജനത്തെ, അങ്ങു വീണ്ടെടുത്ത്‌ അവകാശമാക്കിയഗോത്രത്തെ, ഓര്‍ക്കണമേ! അവിടുന്നു വസിച്ചിരുന്നസീയോന്‍മലയെ സ്‌മരിക്കണമേ!
Verse 3: അന്തമറ്റ നഷ്‌ടാവശിഷ്‌ടങ്ങളിലേക്ക്‌ അങ്ങു പാദങ്ങള്‍ തിരിക്കണമേ! ദേവാലയത്തിലുള്ളതെല്ലാംശത്രു നശിപ്പിച്ചിരിക്കുന്നു!
Verse 4: അങ്ങയുടെ വൈരികള്‍ അങ്ങയുടെ വിശുദ്‌ധസ്‌ഥലത്തിന്‍െറ നടുവില്‍ അലറി; അവിടെ അവര്‍ തങ്ങളുടെ വിജയക്കൊടി നാട്ടി.
Verse 5: മരംവെട്ടുകാര്‍ മരം മുറിക്കുന്നതുപോലെ
Verse 6: അവര്‍ ദേവാലയത്തിന്‍െറ കവാടത്തിലെ കടഞ്ഞെടുത്ത അഴികള്‍ മഴുകൊണ്ടും കൂടംകൊണ്ടും തകര്‍ത്തു.
Verse 7: അങ്ങയുടെ ആലയത്തിന്‌ അവര്‍ തീവച്ചു; അങ്ങയുടെ നാമം വസിക്കുന്നശ്രീകോവില്‍ അവര്‍ ഇടിച്ചുനിരത്തിഅശുദ്‌ധമാക്കി.
Verse 8: അവരെ നമുക്കു കീഴടക്കാം എന്ന്‌ അവര്‍ തങ്ങളോടുതന്നെ പറഞ്ഞു; ദേശത്തെ ആരാധനാകേന്‌ദ്രങ്ങളെല്ലാംഅവര്‍ അഗ്‌നിക്കിരയാക്കി.
Verse 9: ഞങ്ങള്‍ക്ക്‌ ഒരു അടയാളവും ലഭിക്കുന്നില്ല; ഒരുപ്രവാചകനും ശേഷിച്ചിട്ടില്ല; ഇത്‌ എത്രകാലത്തേക്ക്‌ എന്ന്‌ അറിയുന്നവരാരും ഞങ്ങളുടെ ഇടയിലില്ല.
Verse 10: ദൈവമേ, ശത്രുക്കള്‍ എത്രനാള്‍ അങ്ങയെ അവഹേളിക്കും? വൈരികള്‍ അങ്ങയുടെ നാമത്തെ എന്നേക്കും നിന്‌ദിക്കുമോ?
Verse 11: അങ്ങയുടെ കരം എന്തുകെണ്ട്‌ അങ്ങു പിന്‍വലിക്കുന്നു? അങ്ങുടെ വലത്തുകൈ എന്തുകൊണ്ട്‌ അടക്കിവച്ചിരിക്കുന്നു?
Verse 12: എങ്കിലും ദൈവമേ, ആദിമുതലേ അങ്ങ്‌ എന്‍െറ രാജാവാണ്‌; ഭൂമിയിലെങ്ങും അവിടുന്നു രക്‌ഷപ്രദാനം ചെയ്യുന്നു.
Verse 13: ശക്‌തിയാല്‍ അങ്ങു കടലിനെ വിഭജിച്ചു; സമുദ്രത്തിലെ ഭീകരസത്വങ്ങളുടെ തല പിളര്‍ന്നു.
Verse 14: ലവിയാഥന്‍െറ തലകള്‍ അവിടുന്നു തകര്‍ത്തു; അതിനെ മരുഭൂമിയിലെ ജന്തുക്കള്‍ക്ക്‌ആഹാരമായി കൊടുത്തു.
Verse 15: അങ്ങ്‌ ഉറവകളും നീര്‍ച്ചാലുകളും തുറന്നുവിട്ടു; എന്നും ഒഴുകിക്കൊണ്ടിരുന്നനദികളെ അങ്ങ്‌ വറ്റിച്ചു.
Verse 16: പകല്‍ അങ്ങയുടേതാണ്‌, രാത്രിയും അങ്ങയുടേതുതന്നെ; അവിടുന്നു ജ്യോതിസ്‌സുകളെയും സൂര്യനെയും സ്‌ഥാപിച്ചു.
Verse 17: അങ്ങു ഭൂമിക്ക്‌ അതിരുകള്‍ നിശ്‌ചയിച്ചു; അങ്ങു ഗ്രീഷ്‌മവും ഹേമന്തവും സൃഷ്‌ടിച്ചു.
Verse 18: കര്‍ത്താവേ, ശത്രു എങ്ങനെ അവിടുത്തെനാമത്തെ അധിക്‌ഷേപിക്കുകയും അധര്‍മികള്‍ എങ്ങനെ അതിനെ നിന്‌ദിക്കുകയും ചെയ്യുന്നുവെന്ന്‌ ഓര്‍ക്കണമേ!
Verse 19: അങ്ങയുടെ പ്രാവിന്‍െറ ജീവനെ വന്യമൃഗത്തിനു വിട്ടുകൊടുക്കരുതേ! അങ്ങയുടെ ദരിദ്രരുടെ ജീവനെ എന്നേക്കും മറക്കരുതേ!
Verse 20: അങ്ങയുടെ ഉടമ്പടിയെ പരിഗണിക്കണമേ! ഭൂമിയുടെ ഇരുണ്ടയിടങ്ങളില്‍ അക്രമം കുടിയിരിക്കുന്നു.
Verse 21: മര്‍ദിതര്‍ ലജ്‌ജിതരാകാന്‍ സമ്മതിക്കരുതേ; ദരിദ്രരും അഗതികളും അങ്ങയുടെ നാമം പ്രകീര്‍ത്തിക്കട്ടെ!
Verse 22: ദൈവമേ, ഉണര്‍ന്ന്‌ അങ്ങയുടെന്യായം വാദിച്ചുറപ്പിക്കണമേ! ദുഷ്‌ടര്‍ എങ്ങനെ അങ്ങയെ നിരന്തരംഅധിക്‌ഷേപിക്കുന്നുവെന്ന്‌ ഓര്‍ക്കണമേ!
Verse 23: അങ്ങയുടെ ശത്രുക്കളുടെ ആരവം, അങ്ങയുടെ വൈരികളുടെ തുടര്‍ച്ചയായ അട്ടഹാസം, മറക്കരുതേ!