Verse 1: കര്‍ത്താവേ, അങ്ങയുടെ ദേശത്തോട്‌അങ്ങു കാരുണ്യം കാണിച്ചു; യാക്കോബിന്‍െറ ഭാഗധേയംഅവിടുന്നു പുനഃസ്‌ഥാപിച്ചു.
Verse 2: അങ്ങയുടെ ജനത്തിന്‍െറ അകൃത്യംഅങ്ങു മറന്നു; അവരുടെ പാപം അവിടുന്നു ക്‌ഷമിച്ചു.
Verse 3: അങ്ങ്‌ എല്ലാ ക്രോധവും പിന്‍വലിച്ചു; തീക്‌ഷണമായ കോപത്തില്‍നിന്ന്‌അങ്ങു പിന്‍മാറി.
Verse 4: ഞങ്ങളുടെ രക്‌ഷയുടെ ദൈവമേ,ഞങ്ങളെ പുനരുദ്‌ധരിക്കണമേ! ഞങ്ങളോടുള്ള അങ്ങയുടെ രോഷംപരിത്യജിക്കണമേ!
Verse 5: അങ്ങ്‌ എന്നേക്കും ഞങ്ങളോടുകോപിഷ്‌ഠനായിരിക്കുമോ? തലമുറകളോളം അങ്ങയുടെ കോപംനീണ്ടുനില്‍ക്കുമോ?
Verse 6: അങ്ങയുടെ ജനം അങ്ങയില്‍ആനന്‌ദിക്കേണ്ടതിന്‌ ഞങ്ങള്‍ക്കുനവജീവന്‍ നല്‍കുകയില്ലയോ?
Verse 7: കര്‍ത്താവേ, അങ്ങയുടെ കാരുണ്യംഞങ്ങളില്‍ ചൊരിയണമേ! ഞങ്ങള്‍ക്കു രക്‌ഷപ്രദാനംചെയ്യണമേ!
Verse 8: കര്‍ത്താവായ ദൈവം അരുളിച്ചെയ്യുന്നതു ഞാന്‍ കേള്‍ക്കും; അവിടുന്നു തന്‍െറ ജനത്തിനു സമാധാനം അരുളും; ഹൃദയപൂര്‍വം തന്നിലേക്കു തിരിയുന്നതന്‍െറ വിശുദ്‌ധര്‍ക്കുതന്നെ.
Verse 9: അവിടുത്തെ ഭയപ്പെടുന്നവര്‍ക്കുരക്‌ഷ സമീപസ്‌ഥമാണ്‌; മഹത്വം നമ്മുടെ ദേശത്തു കുടികൊള്ളും.
Verse 10: കാരുണ്യവും വിശ്വസ്‌തതയും തമ്മില്‍ആശ്ലേഷിക്കും; നീതിയും സമാധാനവും പരസ്‌പരം ചുംബിക്കും.
Verse 11: ഭൂമിയില്‍ വിശ്വസ്‌തത മുളയെടുക്കും; നീതി ആകാശത്തുനിന്നു ഭൂമിയെ കടാക്‌ഷിക്കും.
Verse 12: കര്‍ത്താവു നന്‍മ പ്രദാനം ചെയ്യും; നമ്മുടെ ദേശം സമൃദ്‌ധമായി വിളവു നല്‍കും.
Verse 13: നീതി അവിടുത്തെ മുന്‍പില്‍ നടന്ന്‌അവിടുത്തേക്കു വഴിയൊരുക്കും.