Verse 1: ഞാന്‍ കര്‍ത്താവിനെ സ്‌നേഹിക്കുന്നു, എന്‍െറ പ്രാര്‍ഥനയുടെ സ്വരംഅവിടുന്നു ശ്രവിച്ചു.
Verse 2: അവിടുന്ന്‌ എനിക്കു ചെവിചായിച്ചുതന്നു, ഞാന്‍ ജീവിതകാലം മുഴുവന്‍ അവിടുത്തെ വിളിച്ചപേക്‌ഷിക്കും.
Verse 3: മരണക്കെണി എന്നെ വലയംചെയ്‌തു; പാതാളപാശങ്ങള്‍ എന്നെ ചുറ്റി; ദുരിതവും തീവ്രവേദനയും എന്നെ ഗ്രസിക്കുന്നു.
Verse 4: ഞാന്‍ കര്‍ത്താവിന്‍െറ നാമം വിളിച്ചപേക്‌ഷിച്ചു;കര്‍ത്താവേ, ഞാന്‍ യാചിക്കുന്നു; എന്‍െറ ജീവന്‍ രക്‌ഷിക്കണമേ!
Verse 5: കര്‍ത്താവു കരുണാമയനും നീതിമാനും ആണ്‌; നമ്മുടെ ദൈവം കൃപാലുവാണ്‌.
Verse 6: എളിയവരെ കര്‍ത്താവു പരിപാലിക്കുന്നു; ഞാന്‍ നിലംപറ്റിയപ്പോള്‍ അവിടുന്ന്‌എന്നെ രക്‌ഷിച്ചു.
Verse 7: എന്‍െറ ആത്‌മാവേ, നീ ശാന്തിയിലേക്കു മടങ്ങുക; കര്‍ത്താവു നിന്‍െറ മേല്‍ അനുഗ്രഹം വര്‍ഷിച്ചിരിക്കുന്നു.
Verse 8: അവിടുന്ന്‌ എന്‍െറ പ്രാണനെ മരണത്തില്‍ നിന്നും ദൃഷ്‌ടികളെ കണ്ണീരില്‍നിന്നും കാലുകളെ ഇടര്‍ച്ചയില്‍നിന്നുംമോചിപ്പിച്ചിരിക്കുന്നു.
Verse 9: ഞാന്‍ ജീവിക്കുന്നവരുടെ നാട്ടില്‍കര്‍ത്താവിന്‍െറ മുന്‍പില്‍ വ്യാപരിക്കും.
Verse 10: ഞാന്‍ കൊടിയ ദുരിതത്തിലകപ്പെട്ടു എന്നു പറഞ്ഞപ്പോഴും ഞാനെന്‍െറ വിശ്വാസംകാത്തുസൂക്‌ഷിച്ചു.
Verse 11: മനുഷ്യരെല്ലാവരും വഞ്ചകരാണെന്നുപരിഭ്രാന്തനായ ഞാന്‍ പറഞ്ഞു.
Verse 12: കര്‍ത്താവ്‌ എന്‍െറ മേല്‍ ചൊരിഞ്ഞഅനുഗ്രഹങ്ങള്‍ക്കു ഞാന്‍ എന്തുപകരംകൊടുക്കും?
Verse 13: ഞാന്‍ രക്‌ഷയുടെ പാനപാത്രമുയര്‍ത്തികര്‍ത്താവിന്‍െറ നാമം വിളിച്ചപേക്‌ഷിക്കും.
Verse 14: അവിടുത്തെ ജനത്തിന്‍െറ മുന്‍പില്‍ കര്‍ത്താവിനു ഞാന്‍ എന്‍െറ നേര്‍ച്ചകള്‍ നിറവേറ്റും.
Verse 15: തന്‍െറ വിശുദ്‌ധരുടെ മരണം കര്‍ത്താവിന്‌ അമൂല്യമാണ്‌.
Verse 16: കര്‍ത്താവേ, ഞാന്‍ അവിടുത്തെ ദാസനാണ്‌; അവിടുത്തെ ദാസനും അവിടുത്തെ ദാസിയുടെ പുത്രനുംതന്നെ; അവിടുന്ന്‌ എന്‍െറ ബന്‌ധനങ്ങള്‍ തകര്‍ത്തു.
Verse 17: ഞാന്‍ അങ്ങേക്കു കൃതജ്‌ഞതാബലിഅര്‍പ്പിക്കും; ഞാന്‍ കര്‍ത്താവിന്‍െറ നാമം വിളിച്ചപേക്‌ഷിക്കും.
Verse 18: അവിടുത്തെ ജനത്തിന്‍െറ മുന്‍പില്‍ കര്‍ത്താവിനു ഞാന്‍ എന്‍െറ നേര്‍ച്ചകള്‍ നിറവേറ്റും.
Verse 19: കര്‍ത്താവിന്‍െറ ആലയത്തിന്‍െറ അങ്കണത്തില്‍, ജറുസലെമേ, നിന്‍െറ മധ്യത്തില്‍ത്തന്നെ, കര്‍ത്താവിനെ സ്‌തുതിക്കുവിന്‍.