Verse 1: ദൈവമേ, മൗനമായിരിക്കരുതേ! ദൈവമേ, നിശ്‌ചലനും നിശ്‌ശബ്‌ദനുമായിരിക്കരുതേ!
Verse 2: ഇതാ, അങ്ങയുടെ ശത്രുക്കള്‍ ഇളകി മറിയുന്നു; അങ്ങയുടെ വൈരികള്‍ തലപൊക്കിയിരിക്കുന്നു.
Verse 3: അവര്‍ അങ്ങയുടെ ജനത്തിനെതിരേകെണിയൊരുക്കുന്നു; അങ്ങു പരിപാലിക്കുന്നവര്‍ക്കെതിരേഗൂഢാലോചന നടത്തുന്നു.
Verse 4: വരുവിന്‍, ഈ ജനത മുഴുവനെയും നമുക്കു തുടച്ചുമാറ്റാം; ഇസ്രായേല്‍ എന്ന നാമം മേലില്‍ ആരുംഓര്‍മിക്കാതിരിക്കട്ടെ എന്ന്‌ അവര്‍ പറയുന്നു.
Verse 5: അതേ, അവര്‍ ഏകമനസ്‌സോടെ ദുരാലോചന നടത്തുന്നു; അങ്ങേക്കെതിരേ അവര്‍ സഖ്യമുണ്ടാക്കുന്നു.
Verse 6: ഏദോം, ഇസ്‌മായേല്യര്‍, മൊവാബ്‌, ഹഗ്രിയര്‍,
Verse 7: ഗേബല്‍, അമ്മോന്‍, അമലെക്‌, ടയിര്‍നിവാസികളടക്കം ഫിലിസ്‌ത്യര്‍ എന്നിവര്‍ഒത്തുചേര്‍ന്നു.
Verse 8: ലോത്തിന്‍െറ മക്കളുടെ സുശക്‌തകരമായ അസ്‌സീറിയായും അവരോടു ചേര്‍ന്നു.
Verse 9: മേദിയാക്കാരോടു ചെയ്‌തതുപോലെ അവരോടും ചെയ്യണമേ! കിഷോണ്‍നദിയില്‍വച്ചു സിസേറയോടുംയാബിനോടും ചെയ്‌തതുപോലെ തന്നെ.
Verse 10: അവരെ എന്‍ദോറില്‍വച്ചു നശിപ്പിച്ചല്ലോ, അവര്‍ മണ്ണിനു വളമായിത്തീര്‍ന്നു.
Verse 11: അവരുടെ കുലീനരെ ഓറെബ്‌, സേബ്‌ എന്നിവരെപ്പോലെയും അവരുടെ പ്രഭുക്കന്‍മാരെ സേബാ, സല്‍മുന്നാ എന്നിവരെപ്പോലെയും ആക്കണമേ!
Verse 12: ദൈവത്തിന്‍െറ മേച്ചില്‍പുറങ്ങള്‍ നമുക്കു കൈയടക്കാം എന്ന്‌ അവര്‍ പറഞ്ഞു.
Verse 13: എന്‍െറ ദൈവമേ,അവരെ ചുഴലിക്കാറ്റില്‍ പറക്കുന്ന പൊടിപോലെയും കാറ്റത്തു പാറുന്ന പതിരുപോലെയും ആക്കണമേ!
Verse 14: അഗ്‌നി വനത്തെ വിഴുങ്ങുന്നതുപോലെയും തീജ്വാലകള്‍ മലകളെ ദഹിപ്പിക്കുന്നതു പോലെയും
Verse 15: അങ്ങയുടെ കൊടുങ്കാററുകൊണ്ട്‌ അവരെ പിന്തുടരണമേ! അങ്ങയുടെ ചുഴലിക്കാറ്റുകൊണ്ട്‌ അവരെ പരിഭ്രമിപ്പിക്കണമേ!
Verse 16: അവര്‍ അങ്ങയുടെ നാമം അന്വേഷിക്കുന്നതിനുവേണ്ടി അവരുടെ മുഖം ലജ്‌ജകൊണ്ടു മൂടണമേ!
Verse 17: അവര്‍ എന്നേക്കും ലജ്‌ജിച്ചു പരിഭ്രമിക്കുകയും അപമാനിതരായി നശിക്കുകയും ചെയ്യട്ടെ!
Verse 18: കര്‍ത്താവ്‌ എന്ന നാമം വഹിക്കുന്ന അങ്ങു മാത്രമാണു ഭൂമി മുഴുവനെയും ഭരിക്കുന്ന അത്യുന്നതന്‍ എന്ന്‌ അവര്‍ അറിയട്ടെ!