Verse 1: എന്‍െറ ദൈവമേ, ശത്രുക്കളുടെകൈയില്‍നിന്ന്‌ എന്നെ മോചിപ്പിക്കണമേ! എന്നെ എതിര്‍ക്കുന്നവനില്‍നിന്ന്‌എന്നെ രക്‌ഷിക്കണമേ!
Verse 2: ദുഷ്‌കര്‍മികളില്‍നിന്ന്‌ എന്നെവിടുവിക്കണമേ! രക്‌തദാഹികളില്‍നിന്ന്‌ എന്നെകാത്തുകൊള്ളണമേ!
Verse 3: അതാ, അവര്‍ എന്‍െറ ജീവനുവേണ്ടി പതിയിരിക്കുന്നു; ക്രൂരര്‍ എനിക്കെതിരായി സംഘം ചേരുന്നു; കര്‍ത്താവേ, ഇത്‌ എന്‍െറ അതിക്രമമോ പാപമോ നിമിത്തമല്ല.
Verse 4: എന്‍െറ തെറ്റുകള്‍കൊണ്ടല്ല,അവര്‍ ഓടിയടുക്കുന്നത്‌; ഉണര്‍ന്നെഴുന്നേറ്റ്‌ എന്‍െറ സഹായത്തിനു വരണമേ! അങ്ങുതന്നെ കാണണമേ!
Verse 5: സൈന്യങ്ങളുടെ ദൈവമായ കര്‍ത്താവേ, അങ്ങ്‌ ഇസ്രായേലിന്‍െറ ദൈവമാണ്‌, ജനതകളെ ശിക്‌ഷിക്കാന്‍ അങ്ങ്‌ ഉണരണമേ! വഞ്ചനയോടെ തിന്‍മ നിരൂപിക്കുന്നവരില്‍ ഒരുവനെയും വെറുതെവിടരുതേ!
Verse 6: സന്‌ധ്യതോറും അവര്‍ മടങ്ങിവരുന്നു; നായ്‌ക്കളെപ്പോലെ ഓലിയിട്ടുകൊണ്ടുനഗരത്തിലെങ്ങും ഇരതേടി നടക്കുന്നു.
Verse 7: അവരുടെ വായ്‌ അസഭ്യം ചൊരിയുന്നു; അവരുടെ അധരങ്ങള്‍ വാളാണ്‌; ആരുണ്ടു കേള്‍ക്കാന്‍ എന്ന്‌ അവര്‍ വിചാരിക്കുന്നു.
Verse 8: കര്‍ത്താവേ, അങ്ങ്‌ അവരെ പരിഹസിക്കുന്നു; അവിടുന്നു സകല ജനതകളെയുംപുച്‌ഛിക്കുന്നു.
Verse 9: എന്‍െറ ബലമായവനേ,ഞാന്‍ അങ്ങേക്കു സ്‌തുതി പാടും; ദൈവമേ, അങ്ങ്‌ എനിക്കു കോട്ടയാണ്‌.
Verse 10: എന്‍െറ ദൈവം കനിഞ്ഞ്‌ എന്നെസന്‌ദര്‍ശിക്കും; എന്‍െറ ശത്രുക്കളുടെ പരാജയംകാണാന്‍ അവിടുന്ന്‌ എനിക്കിടയാക്കും.
Verse 11: അവരെ കൊന്നുകളയരുതേ!അല്ലെങ്കില്‍ ജനം അവിടുത്തെ വിസ്‌മരിക്കും. ഞങ്ങളുടെ പരിചയായ കര്‍ത്താവേ, അവിടുത്തെ ശക്‌തിയാല്‍ അവരെചിതറിച്ചു ക്‌ഷയിപ്പിക്കണമേ!
Verse 12: അവരുടെ വായിലെ പാപംനിമിത്തം, അധരങ്ങളിലെ വാക്കുകള്‍മൂലം, അഹങ്കാരികളായ അവര്‍ കെണിയില്‍ കുടുങ്ങട്ടെ! അവര്‍ ചൊരിയുന്ന ശാപവും നുണയും മൂലം,
Verse 13: ക്രോധത്തോടെ അവരെ സംഹരിക്കണമേ! അവരെ ഉന്‍മൂലനം ചെയ്യണമേ! അങ്ങനെ ദൈവം യാക്കോബിന്‍െറ മേല്‍വാഴുന്നുവെന്നു ഭൂമിയുടെഅതിരുകളോളം മനുഷ്യര്‍ അറിയട്ടെ!
Verse 14: സന്‌ധ്യതോറും അവര്‍ മടങ്ങിവരുന്നു; നായ്‌ക്കളെപ്പോലെ ഓലിയിട്ടുകൊണ്ട്‌അവര്‍ നഗരത്തിലെങ്ങും ഇരതേടി നടക്കുന്നു.
Verse 15: അവര്‍ ആഹാരത്തിനുവേണ്ടിചുറ്റിത്തിരിയുന്നു. തൃപ്‌തിയാകുവോളം കിട്ടിയില്ലെങ്കില്‍അവര്‍ മുറുമുറുക്കുന്നു.
Verse 16: ഞാന്‍ അങ്ങയുടെ ശക്‌തി പാടിപ്പുകഴ്‌ത്തും; പ്രഭാതത്തില്‍ ഞാന്‍ അങ്ങയുടെ കാരുണ്യം ഉച്ചത്തില്‍ പ്രകീര്‍ത്തിക്കും; എന്‍െറ കഷ്‌ടതയുടെ കാലത്ത്‌അങ്ങ്‌ എന്‍െറ കോട്ടയും അഭയവുമായിരുന്നു.
Verse 17: എന്‍െറ ബലമായവനേ, ഞാന്‍ അങ്ങേക്കു സ്‌തുതികളാലപിക്കും; ദൈവമേ, അങ്ങാണ്‌ എന്‍െറ ദുര്‍ഗം, എന്നോടു കാരുണ്യം കാണിക്കുന്ന ദൈവം.