Verse 1: കര്‍ത്താവേ, എന്‍െറ പ്രാര്‍ഥന ചെവിക്കൊള്ളണമേ! എന്‍െറ നെടുവീര്‍പ്പുകള്‍ ശ്രദ്‌ധിക്കണമേ!
Verse 2: എന്‍െറ രാജാവേ, എന്‍െറ ദൈവമേ, എന്‍െറ നിലവിളിയുടെ സ്വരം ശ്രവിക്കണമേ! അങ്ങയോടാണല്ലോ ഞാന്‍ പ്രാര്‍ഥിക്കുന്നത്‌.
Verse 3: കര്‍ത്താവേ, പ്രഭാതത്തില്‍ അങ്ങ്‌എന്‍െറ പ്രാര്‍ഥന കേള്‍ക്കുന്നു; പ്രഭാതബലി ഒരുക്കി ഞാന്‍ അങ്ങേക്കായി കാത്തിരിക്കുന്നു.
Verse 4: അങ്ങു ദുഷ്‌ടതയില്‍ പ്രസാദിക്കുന്ന ദൈവമല്ല; തിന്‍മ അങ്ങയോടൊത്തു വസിക്കുകയില്ല.
Verse 5: അഹങ്കാരികള്‍ അങ്ങയുടെകണ്‍മുന്‍പില്‍ നില്‍ക്കുകയില്ല; അധര്‍മികളെ അങ്ങു വെറുക്കുന്നു.
Verse 6: വ്യാജം പറയുന്നവരെ അങ്ങ്‌ നശിപ്പിക്കുന്നു; രക്‌തദാഹികളെയും വഞ്ചകരെയുംകര്‍ത്താവു വെറുക്കുന്നു.
Verse 7: എന്നാല്‍, അവിടുത്തെ കാരുണ്യാതിരേകത്താല്‍ ഞാന്‍ അങ്ങയുടെ ആലയത്തില്‍ പ്രവേശിക്കും. ഭക്‌തിപൂര്‍വം ഞാന്‍ അങ്ങയുടെവിശുദ്‌ധ മന്‌ദിരത്തിനുനേരേ പ്രണമിക്കും;
Verse 8: കര്‍ത്താവേ, എന്‍െറ ശത്രുക്കള്‍ നിമിത്തം എന്നെ അങ്ങയുടെ നീതിമാര്‍ഗത്തിലൂടെനയിക്കണമേ! എന്‍െറ മുന്‍പില്‍ അങ്ങയുടെ പാതസുഗമമാക്കണമേ!
Verse 9: അവരുടെ അധരങ്ങളില്‍ സത്യമില്ല; അവരുടെ ഹൃദയം നാശകൂപമാണ്‌. അവരുടെ തൊണ്ട തുറന്ന ശവക്കുഴിയാണ്‌; അവരുടെ നാവില്‍ മുഖസ്‌തുതി മുറ്റിനില്‍ക്കുന്നു.
Verse 10: ദൈവമേ, അവര്‍ക്കുകുറ്റത്തിനൊത്ത ശിക്‌ഷ നല്‍കണമേ! തങ്ങളുടെ കൗശലങ്ങളില്‍ത്തന്നെഅവര്‍ പതിക്കട്ടെ! അവരുടെ അതിക്രമങ്ങളുടെആധിക്യത്താല്‍ അവരെ തള്ളിക്കളയണമേ! അവര്‍ അങ്ങയെ ധിക്കരിച്ചിരിക്കുന്നു.
Verse 11: അങ്ങയില്‍ ശരണം പ്രാപിക്കുന്നവര്‍ സന്തോഷിക്കട്ടെ! അവര്‍ എന്നും ആനന്‌ദഭരിതരായിസംഗീതമാലപിക്കട്ടെ! അങ്ങയുടെ നാമത്തെ സ്‌നേഹിക്കുന്നവരെസംരക്‌ഷിക്കണമേ! അവര്‍ അങ്ങയില്‍ ആനന്‌ദിക്കട്ടെ!
Verse 12: കര്‍ത്താവേ, നീതിമാന്‍മാരെഅവിടുന്ന്‌ അനുഗ്രഹിക്കുന്നു;പരിചകൊണ്ടെന്നപോലെകാരുണ്യംകൊണ്ട്‌ അവിടുന്ന്‌അവരെ മറയ്‌ക്കുന്നു.