Verse 1: ദൈവം ഉണര്‍ന്നെഴുന്നേല്‍ക്കട്ടെ! അവിടുത്തെ ശത്രുക്കള്‍ ചിതറിപ്പോകട്ടെ! അവിടുത്തെ ദ്വേഷിക്കുന്നവര്‍ അവിടുത്തെ മുന്‍പില്‍നിന്ന്‌ ഓടിപ്പോകട്ടെ!
Verse 2: കാറ്റില്‍ പുകയെന്നപോലെഅവരെ തുരത്തണമേ! അഗ്‌നിയില്‍ മെഴുക്‌ ഉരുകുന്നതുപോലെ ദുഷ്‌ടര്‍ ദൈവസന്നിധിയില്‍നശിച്ചുപോകട്ടെ.
Verse 3: നീതിമാന്‍മാര്‍ സന്തോഷഭരിതരാകട്ടെ! ദൈവസന്നിധിയില്‍ അവര്‍ ഉല്ലസിക്കട്ടെ! അവര്‍ ആനന്‌ദംകൊണ്ടു മതിമറക്കട്ടെ!
Verse 4: ദൈവത്തിനു സ്‌തുതി പാടുവിന്‍, അവിടുത്തെനാമത്തെ പ്രകീര്‍ത്തിക്കുവിന്‍, മേഘങ്ങളില്‍ സഞ്ചരിക്കുന്നവനുസ്‌തോത്രങ്ങളാലപിക്കുവിന്‍; കര്‍ത്താവ്‌ എന്നാണ്‌ അവിടുത്തെനാമം; അവിടുത്തെ മുന്‍പില്‍ ആനന്‌ദിക്കുവിന്‍.
Verse 5: ദൈവം തന്‍െറ വിശുദ്‌ധ നിവാസത്തില്‍ അനാഥര്‍ക്കു പിതാവും,വിധവകള്‍ക്കു സംരക്‌ഷകനുമാണ്‌.
Verse 6: അഗതികള്‍ക്കു വസിക്കാന്‍ ദൈവം ഇടം കൊടുക്കുന്നു; അവിടുന്നു തടവുകാരെ മോചിപ്പിച്ച്‌ഐശ്വര്യത്തിലേക്കു നയിക്കുന്നു; എന്നാല്‍, കലഹപ്രിയര്‍വരണ്ടണ്ടഭൂമിയില്‍ പാര്‍ക്കുന്നു.
Verse 7: ദൈവമേ, അങ്ങ്‌ അങ്ങയുടെജനത്തിന്‍െറ മുന്‍പില്‍ നീങ്ങിയപ്പോള്‍, മരുഭൂമിയിലൂടെ അങ്ങ്‌ മുന്നേറിയപ്പോള്‍,
Verse 8: ദൈവസാന്നിദ്‌ധ്യത്താല്‍ ഭൂമി കുലുങ്ങുകയും, ആകാശം മഴ ചൊരിയുകയും ചെയ്‌തു. സീനായ്‌പോലും ഇസ്രായേലിന്‍െറ ദൈവമായ അവിടുത്തെ മുന്‍പില്‍കുലുങ്ങിപ്പോയി.
Verse 9: ദൈവമേ, അങ്ങ്‌ ധാരാളം മഴപെയ്യിച്ചു; അങ്ങയുടെ വാടിത്തളര്‍ന്നിരുന്നഅവകാശത്തെ പൂര്‍വസ്‌ഥിതിയിലാക്കി.
Verse 10: അങ്ങയുടെ അജഗണം അതിലൊരുവാസസ്‌ഥലം കണ്ടെണ്ടത്തി; ദൈവമേ, അങ്ങയുടെ നന്‍മയാല്‍ ദരിദ്രര്‍ക്ക്‌ ആവശ്യമായതെല്ലാം അങ്ങു നല്‍കി.
Verse 11: കര്‍ത്താവ്‌ ആജ്‌ഞാപിക്കുന്നു; വലിയൊരു ഗണം ആ സദ്‌വാര്‍ത്തവിളംബരം ചെയ്യുന്നു.
Verse 12: സൈന്യങ്ങളുടെ രാജാക്കന്‍മാര്‍പിന്തിരിഞ്ഞോടുന്നു, പലായനം ചെയ്യുന്നു; വീട്ടിലുള്ള സ്‌ത്രീകള്‍ കവര്‍ച്ചവസ്‌തുക്കള്‍ പങ്കിടുന്നു.
Verse 13: നിങ്ങള്‍ ആട്ടിന്‍തൊഴുത്തില്‍ഒളിച്ചിരിക്കുകയാണോ? ഇതാ, വെള്ളികൊണ്ടു പൊതിഞ്ഞതുംതിളങ്ങുന്ന പൊന്‍ചിറകുള്ളതുമായപ്രാവിന്‍രൂപങ്ങള്‍!
Verse 14: സര്‍വശക്‌തന്‍ അവിടെരാജാക്കന്‍മാരെ ചിതറിച്ചപ്പോള്‍സല്‍മോനില്‍ മഞ്ഞുപെയ്‌തു.
Verse 15: ബാഷാന്‍ എത്ര ഉത്തുംഗമായ പര്‍വതമാണ്‌! അനേകം കൊടുമുടികളുള്ള പര്‍വതം.
Verse 16: കൊടുമുടികളേറെയുള്ള പര്‍വതമേ, കര്‍ത്താവ്‌ എന്നേക്കും വസിക്കാന്‍തിരഞ്ഞെടുത്ത മലയെ നീ എന്തിന്‌ അസൂയയോടെ വീക്‌ഷിക്കുന്നു?
Verse 17: ആയിരമായിരം രഥവ്യൂഹങ്ങളോടെ കര്‍ത്താവു സീനായില്‍നിന്നു തന്‍െറ വിശുദ്‌ധസ്‌ഥലത്തേക്കു വന്നു.
Verse 18: അവിടുന്ന്‌ ഉന്നതമായ ഗിരിയിലേക്കുതടവുകാരെ നയിച്ചുകൊണ്ട്‌ആരോഹണം ചെയ്‌തു. കലഹിക്കുന്നവരില്‍നിന്നുപോലുംഅവിടുന്നു കപ്പം സ്വീകരിച്ചു; ദൈവമായകര്‍ത്താവ്‌ അവിടെ വസിക്കും.
Verse 19: അനുദിനം നമ്മെതാങ്ങുന്ന കര്‍ത്താവു വാഴ്‌ത്തപ്പെടട്ടെ! ദൈവമാണു നമ്മുടെ രക്‌ഷ.
Verse 20: നമ്മുടെ ദൈവം രക്‌ഷയുടെ ദൈവമാണ്‌, മരണത്തില്‍നിന്നുള്ള മോചനംദൈവമായ കര്‍ത്താവാണു നല്‍കുന്നത്‌.
Verse 21: ദൈവം തന്‍െറ ശത്രുക്കളുടെശിരസ്‌സു തകര്‍ക്കും; ദുര്‍മാര്‍ഗത്തില്‍ ചരിക്കുന്നവരുടെകേശാലംകൃതമായ നെറുക തകര്‍ക്കും.
Verse 22: കര്‍ത്താവ്‌ അരുളിച്ചെയ്‌തു:ഞാനവരെ ബാഷാനില്‍നിന്നുതിരിച്ചുകൊണ്ടുവരും; സമുദ്രത്തിന്‍െറ അഗാധത്തില്‍നിന്നുംഞാന്‍ അവരെ തിരിച്ചുവിളിക്കും.
Verse 23: നിങ്ങള്‍ കാലുകള്‍ രക്‌തത്തില്‍ കഴുകുന്നതിനും നിങ്ങളുടെ നായ്‌ക്കള്‍ അതുനക്കിക്കുടിക്കുന്നതിനും തന്നെ.
Verse 24: ദൈവമേ, അങ്ങയുടെ ആഘോഷപൂര്‍വമായഎഴുന്നള്ളത്തു ദൃശ്യമായി; എന്‍െറ രാജാവായ ദൈവംവിശുദ്‌ധസ്‌ഥലത്തേക്ക്‌എഴുന്നള്ളുന്നതുതന്നെ.
Verse 25: മുന്‍പില്‍ ഗായകര്‍, പിറകില്‍ വാദ്യക്കാര്‍, നടുവില്‍ തപ്പുകൊട്ടുന്ന കന്യകമാര്‍.
Verse 26: മഹാസഭയില്‍ ദൈവത്തെ വാഴ്‌ത്തുവിന്‍; ഇസ്രായേലിന്‍െറ ഉറവയില്‍നിന്നുള്ളവരേ,കര്‍ത്താവിനെ വാഴ്‌ത്തുവിന്‍.
Verse 27: ഏറ്റവും നിസ്‌സാരനായ ബഞ്ചമിന്‍മുന്‍പില്‍ നടക്കുന്നു; പിന്നീടു യൂദാപ്രഭുക്കന്‍മാരുടെ സംഘം; സെബുലൂണിന്‍െറയും നഫ്‌താലിയുടെയും പ്രഭുക്കന്‍മാര്‍ അതിനുപിന്നില്‍.
Verse 28: ദൈവമേ, അങ്ങയുടെ ശക്‌തിപ്രകടിപ്പിക്കണമേ! ഞങ്ങള്‍ക്കുവേണ്ടി അദ്‌ഭുതങ്ങള്‍ ചെയ്‌ത ദൈവമേ, അങ്ങയുടെ ശക്‌തി പ്രകടിപ്പിക്കണമേ!
Verse 29: ജറുസലെമിലെ അങ്ങയുടെ ആലയത്തിലേക്കു രാജാക്കന്‍മാര്‍ അങ്ങേക്കുള്ള കാഴ്‌ചകള്‍ കൊണ്ടുവരുന്നു.
Verse 30: ഞാങ്ങണകളുടെയിടയില്‍ വസിക്കുന്നവന്യമൃഗങ്ങളെയും പശുക്കിടാങ്ങളോടുകൂടിയ കാളക്കൂറ്റന്‍മാരുടെ കൂട്ടങ്ങളെയും ശാസിക്കണമേ! കപ്പം കൊതിക്കുന്ന ജനതകളെ ചവിട്ടിമെതിക്കണമേ! യുദ്‌ധപ്രിയരായ ജനതകളെ ചിതറിക്കണമേ!
Verse 31: ഈജിപ്‌തില്‍നിന്ന്‌ ഓടു കൊണ്ടുവരട്ടെ! എത്യോപ്യാ ദൈവത്തിങ്കലേക്കു വേഗം കരം നീട്ടട്ടെ!
Verse 32: ഭൂമിയിലെ രാജ്യങ്ങളേ, ദൈവത്തിനുസ്‌തുതികളാലപിക്കുവിന്‍, കര്‍ത്താവിനു കീര്‍ത്തനം പാടുവിന്‍.
Verse 33: ആകാശങ്ങളില്‍, അനാദിയായ സ്വര്‍ഗങ്ങളില്‍ സഞ്ചരിക്കുന്നവനുതന്നെ. അതാ, അവിടുന്നു തന്‍െറ ശബ്‌ദം,ശക്‌തമായ ശബ്‌ദം, മുഴക്കുന്നു.
Verse 34: ദൈവത്തിന്‍െറ ശക്‌തി ഏറ്റുപറയുവിന്‍, അവിടുത്തെ മഹിമ ഇസ്രായേലിന്‍െറ മേലുണ്ട്‌; അവിടുത്തെ ശക്‌തി ആകാശങ്ങളിലുണ്ട്‌.
Verse 35: ഇസ്രായേലിന്‍െറ ദൈവമായ അവിടുന്നു തന്‍െറ വിശുദ്‌ധ മന്‌ദിരത്തില്‍ ഭീതിദനാണ്‌; അവിടുന്നു തന്‍െറ ജനത്തിനു ശക്‌തിയും അധികാരവും പ്രദാനം ചെയ്യുന്നു. ദൈവം വാഴ്‌ത്തപ്പെടട്ടെ!