Verse 1: പൂര്‍ണഹൃദയത്തോടെ ഞാന്‍ കര്‍ത്താവിനു നന്‌ദിപറയും; അവിടുത്തെ അദ്‌ഭുതപ്രവൃത്തികള്‍ ഞാന്‍ വിവരിക്കും.
Verse 2: ഞാന്‍ അങ്ങയില്‍ ആഹ്‌ളാദിച്ചുല്ലസിക്കും; അത്യുന്നതനായവനേ, അങ്ങയുടെ നാമത്തിനു ഞാന്‍ സ്‌തോത്രമാലപിക്കും.
Verse 3: എന്തെന്നാല്‍, എന്‍െറ എതിരാളികള്‍പിന്‍തിരിഞ്ഞോടിയപ്പോള്‍ കാലിടറി വീഴുകയും അങ്ങയുടെ മുന്‍പില്‍ നാശമടയുകയും ചെയ്‌തു.
Verse 4: അങ്ങ്‌ എനിക്കു നീതി നടത്തിത്തന്നിരിക്കുന്നു; അങ്ങുന്യായാസനത്തിലിരുന്നുനീതിപൂര്‍വകമായ വിധി പ്രസ്‌താവിച്ചു.
Verse 5: അവിടുന്നു ജനതകളെ ശകാരിച്ചു; അവിടുന്നു ദുഷ്‌ടരെ നശിപ്പിച്ചു; അവരുടെ നാമം എന്നേക്കുമായി മായിച്ചുകളഞ്ഞു.
Verse 6: ശത്രു നാശക്കൂമ്പാരത്തില്‍അപ്രത്യക്‌ഷമായിരിക്കുന്നു; അവരുടെ നഗരങ്ങളെ അങ്ങ്‌ഉന്‍മൂലനം ചെയ്‌തു; അവരുടെ സ്‌മരണപോലുംമാഞ്ഞുപോയിരിക്കുന്നു.
Verse 7: എന്നാല്‍, കര്‍ത്താവ്‌ എന്നേക്കുമായിസിംഹാസനസ്‌ഥനായിരിക്കുന്നു; ന്യായവിധിക്കാണ്‌ അവിടുന്നുസിംഹാസനം സ്‌ഥാപിച്ചിരിക്കുന്നത്‌.
Verse 8: അവിടുന്നു ലോകത്തെനീതിയോടെ വിധിക്കുന്നു; അവിടുന്നു ജനതകളെ നിഷ്‌പക്‌ഷമായി വിധിക്കുന്നു.
Verse 9: കര്‍ത്താവു മര്‍ദിതരുടെ ശക്‌തിദുര്‍ഗമാണ്‌; കഷ്‌ടകാലത്ത്‌ അവരുടെഅഭയസ്‌ഥാനവും.
Verse 10: അങ്ങയുടെ നാമമറിയുന്നവര്‍അങ്ങില്‍ വിശ്വാസമര്‍പ്പിക്കുന്നു; കര്‍ത്താവേ, അങ്ങയെ അന്വേഷിച്ചവരെഅങ്ങ്‌ ഉപേക്‌ഷിച്ചിട്ടില്ല.
Verse 11: സീയോനില്‍ വസിക്കുന്ന കര്‍ത്താവിനുസ്‌തോത്രം ആലപിക്കുവിന്‍; അവിടുത്തെ പ്രവൃത്തികളെജനതകളുടെ ഇടയില്‍ പ്രഘോഷിക്കുവിന്‍;
Verse 12: എന്തെന്നാല്‍, രക്‌തത്തിനു പ്രതികാരം ചെയ്യുന്ന അവിടുന്ന്‌ അവരെ ഓര്‍മിക്കും. പീഡിതരുടെ നിലവിളി അവിടുന്നു മറക്കുന്നില്ല.
Verse 13: കര്‍ത്താവേ! എന്നോടു കരുണ കാണിക്കണമേ! മരണകവാടത്തില്‍നിന്ന്‌ എന്നെഉദ്‌ധരിക്കുന്നവനേ, വൈരികള്‍മൂലം ഞാന്‍ സഹിക്കുന്നപീഡകള്‍ കാണണമേ!
Verse 14: അങ്ങനെ ഞാന്‍ അവിടുത്തെസ്‌തുതികള്‍ ആലപിക്കട്ടെ! അങ്ങു നല്‍കിയ വിമോചനമോര്‍ത്തു സീയോന്‍പുത്രിയുടെ കവാടങ്ങളില്‍ഞാന്‍ സന്തോഷിക്കട്ടെ!
Verse 15: തങ്ങള്‍ കുഴി ച്ചകുഴിയില്‍ത്തന്നെജനതകള്‍ വീണടിഞ്ഞു; തങ്ങള്‍ ഒരുക്കിയ കെണിയില്‍അവരുടെതന്നെ പാദങ്ങള്‍ കുരുങ്ങി.
Verse 16: കര്‍ത്താവു തന്നെത്തന്നെ വെളിപ്പെടുത്തി, അവിടുന്നുന്യായവിധി നടത്തി, ദുഷ്‌ടര്‍ സ്വന്തം കരവേലകളില്‍ കുടുങ്ങി.
Verse 17: ദുഷ്‌ടര്‍ പാതാളത്തില്‍ പതിക്കട്ടെ! ദൈവത്തെ മറക്കുന്ന സകല ജനതകളും തന്നെ.
Verse 18: ദരിദ്രര്‍ എന്നേക്കും വിസ്‌മരിക്കപ്പെടുകയില്ല; പാവങ്ങളുടെ പ്രത്യാശ എന്നേക്കുമായി അസ്‌തമിക്കുകയില്ല.
Verse 19: കര്‍ത്താവേ, എഴുന്നേല്‍ക്കണമേ! മനുഷ്യന്‍ അഹങ്കരിക്കാതിരിക്കട്ടെ! ജനതകള്‍ അങ്ങയുടെ സന്നിധിയില്‍ വിധിക്കപ്പെടട്ടെ!
Verse 20: കര്‍ത്താവേ, അവരെ ഭയാധീനരാക്കണമേ! തങ്ങള്‍ വെറും മര്‍ത്യരാണെന്നുജനതകള്‍ മനസ്‌സിലാക്കട്ടെ!